మఖానా ఛాట్ .. తయారు చేసుకోండిలా

కావలసిన పదార్థాలు: మఖానా - రెండు కప్పులు, నెయ్యి - స్పూను, ఛాట్‌ మసాల - అర స్పూను, ఉప్పు - పావు స్పూను, వేయించిన జీలకర్ర - అర స్పూను, పచ్చి మిర్చి ముక్కలు - స్పూను, టమాటా, కీరా ముక్కలు - అర కప్పు, దానిమ్మ గింజలు - రెండు స్పూన్లు, నిమ్మరసం - స్పూను, కొత్తిమీర తరుగు - స్పూను, వేయించిన పల్లీలు - స్పూను.

తయారుచేసే విధానం: ఓ పాన్‌లో కాస్త నెయ్యి వేసి మఖానాను అయిదు నిమిషాల పాటు కరకరలాడేలా వేయించి పెట్టుకోవాలి. ఓ కప్పులో చాట్‌ మసాలా, ఉప్పు, జీలకర్ర పొడి, నిమ్మరసం కలుపుకోవాలి. ఓ పెద్ద కప్పులో మఖానా, టమాటా, కీరా ముక్కలు, దానిమ్మ గింజలు, పల్లీలు, ఛాట్‌ మసాలా మిశ్రమం జతచేసి మొత్తం కలిపి, పైన కొత్తిమీర తరుగు వేస్తే మఖానా ఛాట్‌ సిద్ధం.

Read Latest AP News And Telangana News And International News And Telugu News