ఆ ఉద్యోగులకు తెలంగాణ ప్రభుత్వం గుడ్ న్యూస్

ఈ విషయాన్ని రాష్ట్ర ఉప ముఖ్యమంత్రి, విద్యుత్ శాఖ మంత్రి భట్టి విక్రమార్క ప్రకటించారు. హైదరాబాద్ లోని విద్యుత్ సౌధ‌లోని జెన్ కో ప్రధాన కార్యాలయంలో ఇంధ‌న శాఖ అధికార‌ుల స‌మావేశంలో డీఏ ప్రతిపాదనకు ఆమోదం తెలిపినట్లు వెల్లడించారు.ఇక రాష్ట్ర ప్రభుత్వం తీసుకున్న నిర్ణయం కారణంగా రాష్ట్రవ్యాప్తంగా సుమారు 70,804 మంది ఉద్యోగులకు ఆర్థికంగా ప్రయోజనం చేకూరనుంది. అలాగే ప్రభుత్వంపై నెలకు రూ.9.35 కోట్ల భారం పడనుంది. డీఏ పెంపు ఈ ఏడాది జనవరి 1 నుంచి అమల్లోకి రానుంది. ఈ పెంపుతో డీఏ 17.651 శాతం నుంచి 19.272 శాతానికి చేరింది. ఇక రాష్ట్రంలో రికార్డు స్థాయిలో విద్యుత్ వినియోగం నమోదవుతున్నప్పటికీ.. ప్రజలకు విద్యుత్ ఎక్కడా అంతరాయం కలగకుండా నిరంతర సరఫరా జరిగిందని మంత్రి భట్టి అన్నారు.ఈ మేరుకు శ్రమిస్తున్న ఉద్యోగుల పనితీరును ప్రభుత్వం గుర్తించిందని తెలిపారు. టీజీ ట్రాన్స్‌ కో, టీజీ జెన్‌ కో టీఎస్‌ ఎన్‌ పీడీసీఎల్ వంటి అన్ని విద్యుత్ సంస్థల్లో పనిచేస్తున్న ఉద్యోగులకు ఈ డీఏ పెంపు వర్తిస్తుందని భట్టి స్పష్టం చేశారు. అలాగే రానున్న పదేళ్లను దృష్టిలో పెట్టుకుని విద్యుత్‌ రంగ సంస్థల్లో మౌలిక సదుపాయాల కోసం పటిష్ఠమైన ప్రణాళికను రూపొందించడంపై ఆయన అధికారులకు మంత్రి భట్టి సూచనలు చేశారు. ఇక తెలంగాణలో 2035-36 నాటికి విద్యుత్ పీక్‌ డిమాండ్‌ 34,137 మెగావాట్లకు చేరుకుంటుందని అంచనా ఉందని తెలిపారు. రానున్న వర్షాకాలంలో విద్యుత్‌ అధికారులు సన్నద్ధం కావాలని.. ప్రజలకు ఎలాంటి ఇబ్బందులు రాకుండా చర్యలు తీసుకోవాలని ఆదేశాలు జారీ చేశారు.