Pakistan U-19: సీనియర్లు సైలెంట్.. జూనియర్లు వైలెంట్.. ఇంగ్లాండ్‌ను 200 పరుగులతో ఉతికేసిన పాక్ కుర్రాళ్లు

Pakistan U-19: అంతర్జాతీయ క్రికెట్‌లో పాకిస్తాన్ సీనియర్ జట్టు ఎప్పుడూ లేని విధంగా ఫామ్ లేమితో వరుస పరాజయాలతో సతమతమవుతుంటుంది. కానీ, వారి అండర్-19 యువ జట్టు మాత్రం ఇంగ్లాండ్ గడ్డపై అద్భుతమైన ప్రదర్శనతో సంచలనం సృష్టించింది. ఇంగ్లాండ్‌తో జరిగిన నిర్ణయాత్మకమైన నాల్గవ, చివరి వన్డే మ్యాచ్‌లో పాక్ అండర్-19 జట్టు ఏకంగా 200 పరుగుల భారీ తేడాతో ఘన విజయం సాధించింది. ఈ విజయంతో నాలుగు మ్యాచ్‌ల వన్డే సిరీస్‌ను 3-1 తేడాతో పాకిస్తాన్ కైవసం చేసుకుని చరిత్ర సృష్టించింది. సీనియర్ల తరహాలో కాకుండా యువ ఆటగాళ్లు అన్ని విభాగాల్లోనూ రాణించి ఈ సిరీస్‌ను తమ ఖాతాలో వేసుకున్నారు.