పిల్లలు పుట్టాకా.. ప్రేమ తగ్గకుండా

అయితే పిల్లలు పుట్టిన తర్వాత కూడా ఇద్దరూ తమ అనుబంధాన్ని మరింత దృఢం చేసుకోవచ్చని చెబుతున్నారు నిపుణులు. మరి అందుకు ఏం చేయాలో తెలుసుకుందాం రండి..

ఇద్దరు ఉన్నప్పుడు ఉండే బాధ్యతల కంటే ముగ్గురైనప్పుడు అదనంగా మరికొన్ని కొత్త బాధ్యతలు వచ్చిపడతాయి. వీటిని ఇద్దరూ సమానంగా పంచుకోవాలి. ఈ క్రమంలో ఇంటి పనుల్లో ఒకరికొకరు సహాయం చేసుకోవడం లేదంటే ఒకరు ఇంటి పనులు చేసుకుంటుంటే.. మరొకరు పాపాయిని ఎత్తుకోవడం, ఆడించడం.. వంటివి చేయాలి. అయితే ఈ సమయంలో ఓపిక కోల్పోయి భాగస్వామిపై చిరాకు పడడం, వారిని ఏదో ఒక మాట అనడం.. వంటివి చేయకూడదు. ఇలా ఇద్దరూ పనులు పంచుకుంటూ.. సమన్వయం చేసుకుంటూ ముందుకు సాగితే అటు పనులూ పూర్తవుతాయి.. ఇటు ఇద్దరి మధ్య బంధమూ పటిష్టమవుతుంది. అలాగే పాపాయికి ఏ లోటూ లేకుండా కూడా జాగ్రత్తపడచ్చు.

దంపతుల మధ్య అన్యోన్యత పెరగాలంటే.. ఇద్దరూ కలిసి ప్రేమగా మాట్లాడుకోవడం కూడా ముఖ్యమే. అయితే పిల్లలు పుట్టిన తర్వాత ఇలాంటి సందర్భాలు చాలా అరుదనే చెప్పాలి. ఎందుకంటే.. పాపాయి ఆలనాపాలనా చూసుకోవడానికే సమయం సరిపోతుంది. అలాగని భార్యాభర్తలు ఒకరినొకరు నిర్లక్ష్యం చేసుకోవడం కూడా సరికాదు. కాబట్టి పాపాయి అవసరాలు తీరిన తర్వాత, తను పడుకున్నప్పుడో, ఆడుకుంటున్నప్పుడో.. ఇద్దరూ కలిసి కాసేపు ప్రేమగా మాట్లాడుకోవడం, భవిష్యత్ ప్రణాళికల గురించి చర్చించుకోవడం.. అలా కాసేపు బయట గడపడం.. వంటివి చేస్తే ఇద్దరి మధ్య ప్రేమ, అర్థం చేసుకునే తత్వం మరింతగా పెరుగుతాయి.

పిల్లలు పుట్టిన తర్వాత ఇంట్లోనే పాపాయితో సరదాగా గడుపుతూ కూడా భార్యాభర్తలు వారి బంధాన్ని మరింత పటిష్టం చేసుకోవచ్చంటున్నారు నిపుణులు. దంపతులిద్దరూ ఒకరికి ఇష్టమైన వంటకాలు మరొకరు తయారుచేసి సర్‌ప్రైజ్ చేయడం, నచ్చిన సినిమాలు చూడడం, కాసేపు పాటలు వినడం.. వంటివి చేయాలి. దీంతో ఇద్దరి మధ్య బంధం బలపడడంతో పాటు, ఇద్దరికీ రోజువారీ ఒత్తిళ్ల నుంచి కూడా ఉపశమనం లభిస్తుంది. అలాగే పెళ్లిరోజు, పుట్టినరోజు.. వంటి ప్రత్యేక సందర్భాలలో కూడా ఎప్పటిలానే ఒకరికొకరు నచ్చిన బహుమతులు ఇచ్చిపుచ్చుకోవడం, నచ్చిన రీతిలో ఇద్దరూ కలిసి సమయం గడపడం.. వంటివి మర్చిపోకూడదని చెబుతున్నారు నిపుణులు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

For digital advertisements Contact : 040 - 23318181 eMail: marketing@eenadu.in

This website follows the DNPA Code of Ethics.