ద స రాపై జైల ర్2 క న్ను

షూటింగ్ ప్రారంభమైనప్పటి నుంచి రిలీజ్ డేట్ పై క్లారిటీ లేక‌పోయినా, తాజా సినీ వర్గాల సమాచారం ప్రకారం చిత్రబృందం దసరా సీజన్‌ను లక్ష్యంగా పెట్టుకుని ప్లానింగ్ చేస్తున్నట్లు తెలుస్తోంది. అక్టోబర్ మధ్యలో సినిమాను ప్రేక్షకుల ముందుకు తీసుకురావాలనే ఆలోచనలో నిర్మాతలు ఉన్నారని ప్రచారం జరుగుతోంది. అదే సమయంలో ఆ డేట్ లో పెద్ద తెలుగు సినిమాల రిలీజ్ కూడా ఇంకా ఖరారు కాకపోవడం జైలర్2కు అనుకూలంగా మారే అవకాశాలు కనిపిస్తున్నాయి.

ఇక ఈ సినిమాలో స్పెష‌ల్ రోల్స్ ఎంపిక విషయంలో పలు మార్పులు చోటుచేసుకున్నట్లు టాక్ వినిపిస్తోంది. మొదట అనుకున్న కొన్ని స్టార్ క్యామియోలు కార్యరూపం దాల్చకపోవడంతో టీమ్ కొత్త ప్రణాళికతో ముందుకెళ్లిందని సమాచారం. దీంతో షూటింగ్ షెడ్యూల్ కూడా కొంత ఆలస్యమైనట్లు చెబుతున్నారు. ప్రస్తుతం నిర్మాణ పనులు వేగం పుంజుకున్న నేపథ్యంలో త్వరలోనే అఫీషియ‌ల్ రిలీజ్ డేట్ ప్రకటించే అవకాశం ఉందని సినీ వర్గాలు భావిస్తున్నాయి.

తెలుగు రాష్ట్రాల్లో జైలర్2 డిస్ట్రిబ్యూషన్ రైట్స్ కోసం ఇప్పటికే పోటీ నెలకొన్నట్లు తెలుస్తోంది. మొదటి భాగం మంచి ఆదరణ పొందిన నేపథ్యంలో ఈసారి మరింత భారీ బిజినెస్‌పై నిర్మాతలు ఆశలు పెట్టుకున్నారని సమాచారం. అయితే అంత పెద్ద మొత్తాన్ని మార్కెట్ రికవర్ చేయాలంటే సినిమా బ్లాక్‌బస్టర్ స్థాయిలో విజయం సాధించాల్సిందేననే అభిప్రాయం ట్రేడ్ వర్గాల్లో వ్యక్తమవుతోంది. తొలి భాగంలోని కీలక పాత్రలు మళ్లీ కనిపించనున్న ఈ సీక్వెల్‌లో ముత్తువేల్ పాండియన్ గత జీవితానికి సంబంధించిన ఎపిసోడ్లు కూడా ఎక్కువ ప్రాధాన్యం పొందే అవకాశమున్నట్లు ప్రచారం సాగుతోంది.