హనీమూన్ ప్లాన్ చేస్తున్నారా? ఈ 5 రొమాంటిక్ ప్లేసెస్ అస్సలు మిస్ అవ్వకండి

పెళ్లి పనుల హడావుడి అయిపోయాక కొత్త జంటలు ఫస్ట్ వెయిట్ చేసేది హనీమూన్ ట్రిప్ కోసమే. లైఫ్ లాంగ్ గుర్తుండిపోయే ఈ మధురమైన ప్రయాణాన్ని మరింత స్పెషల్ గా మార్చుకోవాలంటే కరెక్ట్ ప్లేస్ సెలెక్ట్ చేసుకోవడం చాలా ఇంపార్టెంట్. ముఖ్యంగా జూలై మంత్ లో వచ్చే చిరుజల్లులు, చల్లటి గాలి వాతావరణాన్ని సూపర్ రొమాంటిక్ గా మారుస్తాయి. కొండలు, సరస్సులు, బీచ్ లవర్స్ కోసం ఇండియాలోనే బెస్ట్ అనిపించే 5 క్రేజీ స్పాట్స్ వివరాలు గమనిస్తే..

కర్ణాటకలో ఉన్న కూర్గ్‌ను అందరూ ఇండియాస్ స్కాట్లాండ్ అని పిలుస్తారు. ఇక్కడి కాఫీ తోటలు, మబ్బులతో కప్పేసిన కొండలు ప్రేమజంటలకు ప్రశాంతమైన వాతావరణాన్ని ఇస్తాయి. మబ్బుల్లో తేలియాడే ఉదయాలు, స్పైస్ గార్డెన్స్ టూర్స్ ఇక్కడ మెయిన్ హైలైట్స్. జీవతంలో మర్చిపోలేని అనుభూతిని మీరు ఇక్కడ తప్పకుండా పొందుతారు.

కేరళలోని మున్నార్ కొత్త జంటలకి ఒక బ్యూటిఫుల్ హెవెన్ లాంటిది. పచ్చటి కొండలు, మంచు ముసుగులు, జలపాతాల సౌండ్స్ మధ్య మీ పార్ట్‌నర్‌తో కలిసి నడుస్తూ, వేడి వేడి టీ కప్పుతో ప్రకృతి అందాలను ఆస్వాదించడం ఒక క్రేజీ ఎక్స్‌పీరియన్స్. జూలై వర్షాలు ఇక్కడి అందాన్ని డబుల్ చేస్తాయి.

సిక్కిం రాజధాని గ్యాంగ్‌టక్ జూలైలో మంచు మబ్బులతో నిండిపోయి ఫుల్ రొమాంటిక్ లుక్ తెచ్చుకుంటుంది. ఇక్కడి బౌద్ధ మఠాలు, అందమైన సరస్సులు, పర్వతాల వ్యూస్ మిమ్మల్ని వేరే ప్రపంచంలోకి తీసుకెళ్తాయి. మీ పార్ట్‌నర్ చెయ్యి పట్టుకుని అక్కడి ఫేమస్ ఎంజీ రోడ్‌లో నడవడం, కేబుల్ కార్ రైడ్‌లో పైనుంచి నగరాన్ని చూడటం, టేస్టీ లోకల్ ఫుడ్‌ను టేస్ట్ చేయడం ఇక్కడ అస్సలు మిస్ అవ్వకూడదు.

హిమాచల్ ప్రదేశ్‌లోని మనాలి ఎప్పుడూ కపుల్స్ ఫేవరెట్ లిస్ట్‌లో టాప్‌లో ఉంటుంది. ఎత్తైన పర్వతాలు, ఆపిల్ తోటల మధ్య చిరుజల్లులు పడుతుంటే వచ్చే వైబ్స్ వేరే లెవెల్ ఉంటాయి. ఇక్కడ సోలాంగ్ వ్యాలీని సందర్శించవచ్చు. హిల్‌సైడ్ కాటేజీల్లో రిలాక్స్ అవుతూ, స్థానిక కేఫేలలో హాట్ చాక్లెట్ తాగుతూ మీ పార్ట్‌నర్‌తో క్వాలిటీ టైమ్ స్పెండ్ చేయొచ్చు. సాహస క్రీడలు ఇష్టపడే జంటలకు కూడా ఇది బెస్ట్ ఛాయిస్.

మీకు సముద్ర తీరాలు, వాటర్ వైబ్స్ ఇష్టమైతే అండమాన్ అండ్ నికోబార్ దీవులను మించిన ఆప్షన్ లేదు. క్లియర్ బ్లూ వాటర్స్, ప్రశాంతమైన బీచ్‌లు కొత్త జంటలకి మంచి ఏకాంతాన్ని ఇస్తాయి. జూలైలో వర్షాలు ఉన్నప్పటికీ, మధ్య మధ్యలో వచ్చే ఎండలో స్కూబా డైవింగ్ చేయొచ్చు. బీచ్ వాక్స్ చేస్తూ, సముద్రతీరంలో పార్ట్‌నర్‌తో కలిసి క్యాండిల్‌లైట్ డిన్నర్ ప్లాన్ చేసుకుంటే ఆ మెమరీస్ ఎప్పటికీ ఉండిపోతాయి.