దారుణం.. నమ్మిన కూలీలే రైతును పొట్టనబెట్టుకున్నారు

Konaseema crime:డాక్టర్ బీఆర్ అంబేద్కర్ కోనసీమ జిల్లా ముమ్మిడివరం నియోజకవర్గంలో ఆక్వా రైతు హత్య కలకలం రేపింది. ఆక్వా రైతు దాట్ల రామకృష్ణరాజు తన దగ్గరే పనిచేసే నలుగురు వ్యక్తుల చేతుల్లోనే ప్రాణాలు కోల్పోయారు. ఈ ఘటన ఐ పోలవరం మండలం మురమళ్లలో వెలుగులోకి వచ్చింది. పనుల విషయంలో చిన్నపాటి గొడవ జరగడంతో, నిందితులు రైతును అత్యంత దారుణంగా బండరాయితో కొట్టి చంపేశారు. చనిపోయిన వ్యక్తి మృతదేహం ఎవరికీ దొరకకూడదని, రాళ్లు కట్టి రొయ్యల చెరువులో పడేశారు. నమ్మకంతో పనులు అప్పగిస్తే, ఆ వ్యక్తులే యజమానిని హతమార్చడం స్థానికంగా సంచలనం సృష్టించింది. మృతుడు రామకృష్ణరాజు కుటుంబ సభ్యులు గాలించగా అసలు విషయం బయటపడింది.

Read also: AP Crime: స్థలం వివాదంలో మామను దారుణంగా చంపిన అల్లుడు

రామకృష్ణరాజు చెరువుల పర్యవేక్షణ కోసం ఒడిశా రాష్ట్రం నుంచి నలుగురు వ్యక్తులను పనికి పెట్టుకున్నారు. వారు చెరువు వద్దే ఉంటూ నిత్యం పనులు చేసుకునేవారు. వీరిని నమ్మి యజమాని పూర్తి బాధ్యతలు అప్పగించారు. అయితే బుధవారం నుంచి రైతు కనిపించకపోవడంతో అనుమానం వచ్చిన కుటుంబీకులు చెరువు వద్దకు వెళ్లి పరిశీలించారు. చెరువులో మృతదేహం కనిపించడంతో పోలీసులకు ఫిర్యాదు చేశారు. రంగంలోకి దిగిన పోలీసులు కూలీల కోసం గాలించగా, కాకినాడ సమీపంలో నిందితులను అదుపులోకి తీసుకున్నారు. గంజాయి మత్తులో ఉన్న కూలీలే ఈ ఘాతుకానికి పాల్పడినట్లు ప్రాథమిక విచారణలో తేలింది. యజమాని అడిగిన ప్రశ్నలకు సమాధానం చెప్పలేక, కోపంతో ఈ దారుణానికి ఒడిశా కూలీలు ఒడిగట్టారు.

ఈ ఘటనపై ముమ్మిడివరం పోలీసులు కేసు నమోదు చేసి దర్యాప్తు వేగవంతం చేశారు. మృతుడు రామకృష్ణరాజు హత్యకు దారితీసిన పరిస్థితులపై ఆరా తీస్తున్నారు. గంజాయి మత్తులో గొడవ జరిగిందా లేక మరేదైనా కారణం ఉందా అన్నది స్పష్టంగా తెలుసుకుంటున్నారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. రైతు హత్యతో మురమళ్ల గ్రామంలో విషాద ఛాయలు అలుముకున్నాయి. ఇలాంటి ఘటనలు పునరావృతం కాకుండా, వలస కూలీల వివరాలు సేకరించాలని స్థానికులు కోరుతున్నారు. నిందితులపై కఠిన చర్యలు తీసుకోవాలని డిమాండ్ చేస్తున్నారు. ఈ కేసులో పూర్తి నిజాలు త్వరలోనే వెలుగులోకి వస్తాయని పోలీసులు తెలిపారు.

Gachibowli news: నేను పోలీసును.. పైసా ఇవ్వను.. ఫుడ్ కోర్టులో గన్ తో హల్ చల్

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

Devarapalli incident: ప్రేమ విఫలమైందని యువతి ఆత్మహత్య

AP Crime: స్థలం వివాదంలో మామను దారుణంగా చంపిన అల్లుడు

Vizianagaram crime: మహిళ ప్రాణాలు బలి తీసుకున్న పోలీసుల వేధింపులు

BIEAP supply results 2026: AP ఇంటర్ సప్లిమెంటరీ ఫలితాలు విడుదల.. ఇలా చెక్ చేసుకోండి

LIC Bhima Sakhi Scheme: శుభవార్త.. LIC ‘బీమా సఖి’ పథకంతో నెలకు 7 వేల ఆదాయం

AP Weather updates: ఏపీలో నేడు భారీ వర్ష సూచన.. వాతావరణ శాఖ