టెస్లా ఛార్జింగ్ పోర్ట్, ఫేక్ గేర్లతో అరాచకం

ప్రముఖ లగ్జరీ కార్ల తయారీ సంస్థ పోర్షే తన సరికొత్త 2027 మోడల్ ఇయర్ టైకాన్ (Porsche Taycan) ఎలక్ట్రిక్ కారును అద్భుతమైన మార్పులతో మార్కెట్లోకి తీసుకువచ్చింది. ఎలక్ట్రిక్ వాహన రంగంలో డ్రైవింగ్ అనుభూతిని సరికొత్త స్థాయికి తీసుకెళ్లేలా ఈ కారును డిజైన్ చేశారు.

ఇప్పటివరకు కేవలం లీనియర్ టార్క్ (linear torque) లేదా ఒకే వేగంతో దూసుకెళ్లే ఈవీలలో డ్రైవింగ్ కిక్ మిస్ అవుతున్నామని భావించే వాహన ప్రియుల కోసం పోర్షే ఒక అద్భుతమైన ఫీచర్‌ను పరిచయం చేసింది. అదే 'ఈ-షిఫ్ట్' (E-Shift) వర్చువల్ గేర్ సిస్టమ్.

హ్యుందాయ్ ఐయోనిక్ 5 ఎన్ మోడల్ విజయవంతం కావడంతో, పోర్షే తన వ్యూహాన్ని మార్చుకుని ఈ ఫేక్ గేర్ షిఫ్టింగ్ టెక్నాలజీని ప్రవేశపెట్టింది. ఈ కొత్త మోడల్‌లో 8 వర్చువల్ గేర్లను అందించారు. స్టీరింగ్ వీల్‌పై ఉండే ప్యాడల్ షిఫ్టర్ల ద్వారా డ్రైవర్లు మాన్యువల్ మోడ్‌లో గేర్లను మార్చుకోవచ్చు లేదా ఆటోమేటిక్ మోడ్‌ను ఎంచుకోవచ్చు.

గేర్లు మారుస్తున్నప్పుడు వచ్చే జెర్క్స్ (ఝలక్‌లు), ఇంజిన్ బ్రేకింగ్ లాంటి అనుభూతులను ఇది అచ్చుగుద్దినట్లుగా అందిస్తుంది. దీనికి తోడుగా వచ్చే 'పోర్షే ఎలక్ట్రిక్ స్పోర్ట్ సౌండ్' డ్రైవింగ్‌కు మరింత ఎమోషనల్ టచ్ ఇస్తుంది. ఈ కారులో వర్చువల్ ఆర్‌పిఎమ్ (RPM) కౌంటర్ కూడా ఉంటుంది, ఇది గరిష్టంగా 8,000 ఆర్‌పిఎమ్ వరకు రీడింగ్ చూపిస్తుంది.

ఈ సాంకేతికత టైకాన్ టర్బో జీటీ మోడల్‌లో స్టాండర్డ్‌గా వస్తుండగా, మిగిలిన అన్ని వేరియంట్లలో ఆప్షనల్‌గా లభిస్తుంది. సాంకేతిక పరంగా చూస్తే, ఈ 2027 టైకాన్ లైనప్‌లో భారీ మార్పులు జరిగాయి. ఇప్పుడు బేస్ మోడల్స్ అయిన టైకాన్, టైకాన్ 4, మరియు టైకాన్ 4ఎస్ వేరియంట్లలో కూడా పెద్దదైన 105 కిలోవాట్ అవర్ (kWh) పెర్ఫార్మెన్స్ బ్యాటరీ ప్లస్‌ను స్టాండర్డ్‌గా చేర్చారు.

ఈ బ్యాటరీ సామర్థ్యం పెరగడం వల్ల కారు రేంజ్ మెరుగుపడటమే కాకుండా, 800-వోల్ట్ డీసీ ఫాస్ట్ ఛార్జింగ్ స్టేషన్ల