మొక్క’బడి పెంపకం వద్దు.. వైవిధ్యం పాటిస్తేనే నగరాల్లో చల్లదనం

ఎక్కువగా తగ్గించాయి. పొరలుగా మొక్కల్ని నాటడం వల్ల మ్యూనిక్‌లో అత్యధిక ప్రయోజనాలు కనిపించాయి. అక్కడ చెట్లు, పొదలు, నేలను కప్పే మొక్కలున్న వీధులు బహిరంగ ప్రదేశాలతో పోలిస్తే మధ్యాహ్నం వేడిని దాదాపు 8 డిగ్రీల వరకు తగ్గించాయి. హాంకాంగ్‌లో ఒకదానిపై ఒకటి ఆవరించి ఉన్న చెట్ల పందిళ్ల ద్వారా ఏర్పడిన నీడ నగర చల్లదనానికి తోడ్పడుతోంది. అయితే ఇక్కడ గాల్లో తేమ నగరంలో చల్లదనాన్నిచ్చే ప్రక్రియను మార్చేస్తోంది. అందువల్ల మొక్కల్ని పెంచే విధానం కీలకమని మూడు నగరాల్లోనూ నిరూపితమైంది. పొదలు, నేలను కప్పే మొక్కలతో కలిపి చెట్లను పెంచితేనే మెరుగైన ఫలితం ఉంటుందని తేలింది. నాటిన మొక్కలు స్థానిక పర్యావరణంతో ఎలా మమేకమవుతాయనే దానిపై ప్రయోజనాలు ఆధారపడి ఉంటాయి.

కేవలం మొక్కలతోనే సత్ఫలితాలు వస్తాయని అనుకోవద్దని పరిశోధకులు చెబుతున్నారు. హాంకాంగ్‌లో దట్టమైన వృక్షసంపద కొన్నిసార్లు తేమను పెంచి, చల్లదనం ప్రయోజనాన్ని కొంత తగ్గించింది. మొక్కలు బాష్పోత్సేకం ద్వారా గాల్లోకి నీటి ఆవిరిని విడుదల చేస్తాయి. ఇది పొడి వాతావరణాన్ని చల్లబరుస్తుంది. కానీ అప్పటికే తేమగా ఉండే నగరాల్లో.. అదనపు తేమ బహిరంగ ప్రదేశాలను జిగటగా, అసౌకర్యంగా అనిపించేలా చేస్తుంది. మ్యూనిక్‌లోని కొన్ని వీధుల్లో దట్టమైన వృక్షసంపద ఇరుకైన రహదారుల్లో గాలి ప్రవాహాన్ని తగ్గించి.. వేడి గాలిని బంధించి.. పాదచారుల నుంచి వాహన కాలుష్యం దూరంగా వెళ్లే వేగాన్ని తగ్గించింది. ఇతర ప్రాంతాల్లో చేసినట్లే సాధారణ పచ్చదనం లక్ష్యాలపై నగరాలు ఎందుకు ఆధారపడకూడదో ఈ పరిశోధనలు రుజువుచేస్తున్నాయి. వృక్షసంపద నగరాల్లో చల్లదనాన్ని పెంచుతుందా? లేదా దుష్ప్రభావాన్ని కలిగిస్తుందా? అనే దాన్ని వాతావరణం, వీధుల విస్తీర్ణం, గాలి ప్రవాహం నిర్ణయిస్తాయని పరిశోధకులు చెబుతున్నారు.

పట్టణాల్లో పచ్చదనం, చల్లదనాన్ని పెంచాలంటే స్థానిక పరిస్థితులకు అనుగుణంగా మొక్కలు పెంచాలంటున్నారు. వాటిని ఎక్కడ, ఎలా నాటాలి అనే దాన్ని పట్టణ ప్రణాళిక రూపకర్తలు నిర్ణయించాలి. పార్కులు, బహిరంగ ప్రదేశాల్లో పొరలుగా ఉండే వృక్షసంపద జీవవైవిధ్యానికి, చల్లదనానికి తోడ్పడుతుంది. జనసాంద్రత ఎక్కువగా ఉండే వీధుల్లో నీడ, గాలి ప్రసరణ మధ్య సమతౌల్యాన్ని పాటించాల్సి ఉంటుంది. చెట్ల పందిరి విస్తీర్ణం ఎంత ముఖ్యమో, వాటి అమరిక, సాంద్రత, రకం కూడా అంతే ముఖ్యమంటున్నారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.