ఆకట్టుకుంటున్న ప్రైమ్ వీడియో ఇసకపట్నం’ ట్రైలర్.. ఆకట్టుకునే క్రైమ్ డ్రామా

దర్శకుడు గ్యారీ బీహెచ్ మాట్లాడుతూ ... “ఇసాకపట్నం ఒక కల్పిత ప్రపంచంలో సాగే స్టోరీ అయినప్పటికీ, ఇందులో పాత్రలు, వారి భావోద్వేగాలు చాలా నిజాయితీగా ఉంటాయన్నారు. ఆశ, ప్రేమ, కోల్పోవడం, ప్రతీకారం వంటి అంశాలు ప్రతి ఒక్కరికీ బాగా కనెక్ట్ అవుతాయి. ప్రేక్షకులను చివరి వరకు ఉత్కంఠ లో ఉండే ఎన్నో ట్విస్టులు ఇందులో ఉన్నాయన్నారు. ప్రేక్షకులకు ఈ సిరీస్ తప్పకుండా నచ్చుతుందన్నారు.

సముద్రఖని మాట్లాడుతూ ... ఇసకపట్నంలో బలమైన భావోద్వేగాలు, తన క్యారెక్టర్‌లో ఉన్న వైవిధ్యాలు నన్ను అట్రాక్ట్ చేశాయి. ఆశ, ప్రతీకారం, అధికారం కోసం మనుషులు ఎంత దూరమైనా వెళ్తారనే విషయాన్ని ఈ స్టోరీ బలంగా చెబుతుంది. నా కెరీర్లో ఇప్పటివరకు చేయని భిన్నమైన పాత్రగా ఉండిపోతుందన్నారు.

ఐశ్వర్య రాజేష్ మాట్లాడుతూ .. “పవర్, సంఘర్షణ తో నిండిన ప్రపంచంలో నా పాత్ర పవర్‌పుల్‌గా ఉండబోతుంది. ధైర్యం, బలహీనత, ఆత్మవిశ్వాసం కలగలిపిన పాత్ర. ఈ పాత్రను పోషించడం నాకు చాలా ప్రత్యేకంగా నిలిచిపోతుందన్నారు.

సునీల్ మాట్లాడుతూ ... “ఇసకపట్నం ప్రపంచం చాలా వాస్తవికంగా తెరకెక్కించారు. ప్రతి పాత్రకు వారి సొంత లక్ష్యాలు, సంఘర్షణలు ఉంటాయి. నేను ఇప్పటివరకు చేయని కొత్త తరహా పాత్రలో కనిపించబోతున్నాను. ప్రేక్షకులకు ఈ సినిమా తప్పక నచ్చుతుందన్నారు.

నరేష్ అగస్త్య మాట్లాడుతూ ...ప్రతి ఎపిసోడ్ కొత్తగా ఉండబోతుంది. పాత్రల భావోద్వేగాలు, వారి నిర్ణయాలు కథను మరింత ఆసక్తికరంగా ఉండబోతున్నాయి. ప్రేక్షకులు ఊహించని ఎన్నో మలుపులు ఎన్నో ఇందులో ఉంటాయి. సిరీస్ చూస్తే మీరే ఆశ్చర్యపోతారన్నారు.

మెరిన్ ఫిలిప్ మాట్లాడుతూ ...నిశ్శబ్దంగా కనిపించే ఒక లేడీ లైఫ్‌లో ఎదురయ్యే పరిస్థితులు ఎదుర్కొని ఎలా బలంగా మారుతుందో ఈ పాత్రలో చూపించామన్నారు. ఆ ప్రయాణాన్ని ఆవిష్కరించడం ఎంతో సంతృప్తినిచ్చిందన్నారు.

అధికారం కోసం జరిగిన పోరాటాలు, కుటుంబ ద్రోహాలు, రాజకీయ ఎత్తుగడలు, ప్రతీకారాలతో నిండిన ‘ఇసకపట్నం’ జూలై 2 నుంచి ప్రైమ్ వీడియో లో ప్రేక్షకులను అలరించేందుకు రెడీ అవుతుందన్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.