యోగాతో ఆరోగ్యం,ఐశ్వర్యం
Vaartha
Vizianagaram Yogandhra | విజయనగరం/బొండపల్లి, జూన్ 14: భారతదేశంలో మన పూర్వీకులు మానవాళి సంపూర్ణ వికాసం కోసం అందించిన అత్యంత గొప్ప జీవన వరం యోగా. నిత్యం యోగాను అభ్యసించడం ద్వారా కేవలం శారీరక ఆరోగ్యమే కాకుండా.. జీవితంలో నిజమైన ఆనందం, మానసిక ఐశ్వర్యం సిద్ధిస్తాయి” అని రాష్ట్ర ఎంఎస్ఎంఈ (MSME), సెర్ప్, ఎన్నారై సాధికారత సంబంధాల శాఖామంత్రి కొండపల్లి శ్రీనివాస్ పేర్కొన్నారు.
ప్రతి ఒక్కరూ తమ దైనందిన జీవితంలో కనీసం అరగంట పాటు యోగాను ఒక భాగం చేసుకోవాలని విజయనగరం జిల్లా కలెక్టర్ ఎస్. రాంసుందర్ రెడ్డి పిలుపునిచ్చారు. రాబోయే 12వ అంతర్జాతీయ యోగా దినోత్సవ (International Yoga Day) ముందస్తు వేడుకల్లో భాగంగా..
విజయనగరం జిల్లా బొండపల్లి మండలం నెలివాడ గ్రామంలోని చారిత్రాత్మక అంకన్న చెరువు వద్ద కూటమి ప్రభుత్వం అత్యంత ప్రతిష్టాత్మకంగా చేపట్టిన “యోగాంధ్ర” థిమేటిక్ యోగా ప్రదర్శన కార్యక్రమాన్ని ఆదివారం అత్యంత వైభవంగా నిర్వహించారు. మంత్రి కొండపల్లి శ్రీనివాస్, జిల్లా కలెక్టర్ రాంసుందర్ రెడ్డి సంయుక్తంగా జ్యోతి ప్రజ్వలన చేసి ఈ ప్రత్యేక యోగా రథాన్ని ప్రారంభించారు.
అనంతరం ఏర్పాటు చేసిన వేదికపై మంత్రి, కలెక్టర్, ఇతర జిల్లా స్థాయి ఉన్నతాధికారులు, ప్రజాప్రతినిధులు స్వయంగా ఆసీనులై నిపుణుల పర్యవేక్షణలో పలు రకాల యోగాసనాలు, ప్రాణాయామం వేశారు. Read Also: MLA Amilineni Surendrababu:ఒక్క రక్తదానంతో మూడు ప్రాణాలు..
ఎమ్మెల్యే చేసిన సేవలు తెలుసా? ఈ వినూత్న కార్యక్రమంలో భాగంగా అంకన్న చెరువు గట్టు పైన సుమారు అర కిలోమీటరు (500 మీటర్లు) మేర ప్రత్యేక వేదికలను సిద్ధం చేశారు. జిల్లా వ్యాప్తంగా తరలివచ్చిన సుమారు వెయ్యి మంది ఉపాధి హామీ పథకం (MGNREGA) వేతనదారులు (కూలీలు), డ్వాక్రా మహిళలు ఒకే రంగు దుస్తులు ధరించి ఏకకాలంలో క్రమశిక్షణతో యోగాసనాలు వేయడం ఇక్కడికి వచ్చిన వారిని విశేషంగా ఆకట్టుకుంది.
ప్రదర్శన విజయనగరం జిల్లాలోనే ఒక ప్రత్యేక రికార్డుగా నిలిచింది.
ఈ సందర్భంగా మంత్రి కొండపల్లి శ్రీనివాస్ మాట్లాడుతూ.. గతంలో దేశాన్ని వణికించిన కరోనా కష్టకాలంలో తాను సైతం ప్రతిరోజూ ఉదయం యోగా, సూర్య నమస్కారాలు, ప్రాణాయామం చేయడం ద్వారానే తన రోగనిరోధక శక్తిని పెంచుకుని, ఆరోగ్యాన్ని కాపాడుకున్నానని ఈ సందర్భంగా గుర్తుచేసుకున్నారు. ఆంధ్రప్రదేశ్ రాష్ట్రంలోని ప్రతీ పౌరుడు సంపూర్ణ ఆరోగ్యంతో వర్ధిల్లాలనే దృఢ సంకల్పంతో ముఖ్యమంత్రి నారా చంద్రబాబు నాయుడు గారు ఈ ‘యోగాంధ్ర’ కార్యక్రమాన్ని వినూత్నంగా డిజైన్ చేశారని మంత్రి స్పష్టం చేశారు. వందలాది మంది ఉపాధి కూలీలు ఒకేచోట చేరి యోగాలో పాల్గొనడం చాలా సంతోషంగా ఉందని, కేవలం ఈ ఒక్క రోజే కాకుండా ఇదే ఒరవడిని ప్రతి నిత్యం జీవితంలో కొనసాగించాలని పిలుపునిచ్చారు. ముఖ్యంగా నిరంతరం పొలం పనులు, ఇంటి పనులతో శారీరకంగా అలసిపోయే గ్రామీణ మహిళలు, యోగా చేయడం ద్వారా లభించే మానసిక ప్రశాంతతతో ఒత్తిడిని సులభంగా అధిగమించవచ్చని మంత్రి సూచించారు.
జిల్లా కలెక్టర్ రాంసుందర్ రెడ్డి మాట్లాడుతూ.. మానవ శరీరాన్ని, అంతర్గత మనస్సును ఒకేతాటిపైకి తెచ్చి ఆహ్లాదపరిచే అద్భుత వైజ్ఞానిక శక్తి కేవలం భారతీయ యోగాకు మాత్రమే ఉందన్నారు. ఉపాధి కూలీలు నిత్య జీవితంలో ఎదుర్కొనే శారీరక నొప్పులు, మానసిక ఒత్తిడిని దూరం చేసుకోవడానికి ఇది ఎంతగానో తోడ్పడుతుందని పేర్కొన్నారు. ప్రతీ ఒక్కరూ ఉదయాన్నే కనీసం అరగంట పాటు వ్యాయామం లేదా యోగాసనాలు అలవాటు చేసుకుంటే ఆసుపత్రుల చుట్టూ తిరిగే ఖర్చులు తప్పుతాయని కలెక్టర్ స్పష్టం చేశారు.
ఈ వైభవ యోగా మహోత్సవంలో గజపతినగరం ఏఎంసీ చైర్మన్ గోపాలరాజు, వైస్ ఛైర్మన్ కోరాడ కృష్ణ, డీఆర్డీఏ పీడీ శ్రీనివాస పాణి, డ్వామా పీడీ శారదాదేవి, జిల్లా పరిషత్ సీఈవో నాగలక్ష్మి, యోగా నోడల్ ఆఫీసర్ డాక్టర్ వరప్రసాద్, స్థానిక మండల ప్రజాప్రతినిధులు, వివిధ ప్రభుత్వ శాఖల అధికారులు, నాయకులు, డ్వామా, డీఆర్డీఏ, ఆయుష్ (AYUSH) వైద్యాధికారులు, భారీ సంఖ్యలో ఉపాధి హామీ సిబ్బంది మరియు నెలివాడ గ్రామస్తులు పాల్గొన్నారు.
Vijay Deverakonda Rashmika Scholarships:188 మంది విద్యార్థుల జీవితాల్లో వెలుగులు నింపిన విజయ్-రష్మిక!
KTR Palamoor BRS Meeting :పాలమూరులో క్లీన్ స్వీప్!
గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.
MLA Amilineni Surendrababu:ఒక్క రక్తదానంతో మూడు ప్రాణాలు.. ఎమ్మెల్యే చేసిన సేవలు తెలుసా?
Kishan Reddy at Srisailam:మల్లన్న సన్నిధిలో కేంద్ర మంత్రి!
Shabbir Ali : AICC నోటీసులు ఇవ్వడంపై కాంగ్రెస్ నేత షబ్బీర్ అలీ స్పందన
Kesineni Brothers : కేశినేని బ్రదర్స్ మధ్య వార్.. చిన్ని కీలక వ్యాఖ్యలు
Palnadu Boat Accident: పల్నాడులో విషాదం.. కృష్ణా నదిలో పడవ బోల్తా పడి నలుగురు దుర్మరణం