యూపీఐ ద్వారా చెల్లించండి.. బిల్లు తర్వాత కట్టండి
Eenadu
BharatPe Flex | ఇంటర్నెట్ డెస్క్: మనలో చాలా మంది తమ రోజువారీ అవసరాల కోసం క్రెడిట్కార్డుపై ఆధారపడుతుంటారు. ఒకేసారి బిల్లు మొత్తం చెల్లిస్తుంటారు. అయితే, క్రెడిట్కార్డు అన్నిచోట్లా వినియోగించడం సాధ్యం కాకపోవచ్చు. అలాంటి సందర్భాల్లో యూపీఐ చెల్లింపులకూ క్రెడిట్ కార్డు తరహా సదుపాయం ఉంటే బాగుండు అనిపిస్తుంది. సరిగ్గా ఈ కాన్సెప్టుతో యెస్బ్యాంక్తో కలిసి భారత్పే.. ‘భారత్పే ఫ్లెక్స్’ పేరిట క్రెడిట్-ఆన్-యూపీఐ సదుపాయాన్ని తీసుకొచ్చింది. యూపీఐ క్రెడిట్లైన్ తరహాలోనే ఇదీ పనిచేస్తుంది. బ్యాంక్ అకౌంట్లో డబ్బులు లేకపోయినా ఈ సదుపాయం ద్వారా యూపీఐ చెల్లింపులు చేసుకోవచ్చు. అలా వినియోగించిన మొత్తాన్ని తిరిగి చెల్లించడానికి 45 రోజుల వరకు గడువు లభిస్తుంది. ఆ సమయంలో వడ్డీ చెల్లించాల్సిన అవసరం ఉండదు. ఒకవేళ బిల్లు పేమెంట్ చేసేందుకు నగదు అందుబాటులో లేని సందర్భంలో 3 నుంచి 12 ఈఎంఐ ఆప్షన్ ఎంచుకోవచ్చు. ఆన్లైన్ షాపింగ్, దుకాణాలు వద్ద క్యూఆర్ కోడ్లు, యాప్స్ ద్వారా బిల్లు చెల్లింపులు, రీఛార్జులు వంటి అవసరాలకు ఈ క్రెడిట్ ఆన్ యూపీఐ సదుపాయాన్ని వినియోగించుకోవచ్చు. భారత్పే యూపీఐ యాప్ ద్వారా చేసే లావాదేవీలపై ‘జిలియన్ కాయిన్స్’ రూపంలో రివార్డులు కూడా లభిస్తాయి. వీటిని వోచర్లు కొనడానికి లేదా బిల్లుల చెల్లింపులకు వినియోగించుకోవచ్చు. గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు
.