బంగాళాదుంపలతో చేసే కూరలన్నా, వంటకాలన్నా కొంతమందికి చాలా ఇష్టం. అయితే ఇవి పాత్రలపై పేరుకున్న తుప్పును కూడా వదిలిస్తాయట. అంతేకాదు.. సహజసిద్ధమైన క్లీనింగ్ ఏజెంట్గా పనిచేసే ఈ దుంపలు పలు ఇంటి అవసరాలకూ ఉపయోగపడతాయంటున్నారు నిపుణులు. బంగాళాదుంపలతో చేసే కూరలన్నా, వంటకాలన్నా కొంతమందికి చాలా ఇష్టం. అయితే ఇవి పాత్రలపై పేరుకున్న తుప్పును కూడా వదిలిస్తాయట. అంతేకాదు.. సహజసిద్ధమైన క్లీనింగ్‌ ఏజెంట్‌గా పనిచేసే ఈ దుంపలు పలు ఇంటి అవసరాలకూ ఉపయోగపడతాయంటున్నారు నిపుణులు. మరి, అవేంటో తెలుసుకుందాం రండి.. వాతావరణంలోని తేమ కారణంగా ఐరన్‌, స్టీలు పాత్రలు తుప్పు పట్టడం సహజమే! అయితే దీన్ని వదిలించడానికి బంగాళాదుంపను ఉపయోగిస్తే చక్కటి ఫలితం ఉంటుందట. ఈ క్రమంలో ఆలూను మందపాటి స్లైసుల్లా కట్‌ చేసుకోవాలి. ఒక స్లైస్‌ను గిన్నెలు తోమే సోప్‌ లిక్విడ్‌లో ముంచి లేదంటే బేకింగ్‌ సోడాలో అద్ది.. తుప్పు ఉన్న చోట నెమ్మదిగా రుద్దాలి. ఫలితంగా తుప్పు వదిలిపోయే అవకాశం ఉంటుందట. ఆ తర్వాత డిష్‌వాషింగ్‌ లిక్విడ్‌తో శుభ్రం చేసి పొడిగా తుడిచి ఆరబెడితే సరిపోతుంది. ఇక తుప్పు పట్టిన వంటింటి కత్తులపై బంగాళాదుంప ముక్కతో రుద్ది ఓ ఐదు నిమిషాల పాటు పక్కన పెట్టేయాలి. ఆ తర్వాత సాధారణ నీటితో కడిగి పొడిగా తుడిచేస్తే ఫలితం ఉంటుందట. గాలి తగిలి వెండి ఆభరణాలు నల్లగా మారడం మనకు తెలిసిందే! ఇలాంటప్పుడు బంగాళాదుంపలు మరిగించిన నీళ్లతో వెండి వస్తువుల్ని శుభ్రం చేయడం మంచిదంటున్నారు నిపుణులు. అది కూడా నీళ్లు బాగా వేడిగా, మరీ చల్లగా ఉండకుండా చూసుకోవాలి. ఈ నీటిలో ఆయా వస్తువుల్ని వేసి గంటపాటు వదిలేసి ఆ తర్వాత బ్రష్‌తో శుభ్రం చేయాలి. ఈ నీళ్లలో ఉండే స్టార్చ్‌ నల్లగా మారిన వెండి ఆభరణాలు/వస్తువుల్ని తిరిగి మెరిపించే అవకాశం ఉంటుందంటున్నారు. వంట చేసే క్రమంలో ఒక్కోసారి గిన్నెలు అడుగంటుతుంటాయి. అయితే దీన్ని వదిలించాలన్నా అందుకు బంగాళాదుంప చక్కగా పనిచేస్తుందట. ఇందుకోసం మందపాటి స్లైస్‌లా కట్‌ చేసిన ఆలూ ముక్కను నిమ్మరసంలో ముంచి మాడిన ప్రదేశంలో రుద్దాలి. ఆ తర్వాత దాన్ని ఓ అరగంట పాటు అలాగే వదిలేయాలి. ఇప్పుడు సబ్బు నీటితో నెమ్మదిగా రుద్ది కడిగితే మంచి ఫలితం ఉంటుందని చెబుతున్నారు నిపుణులు. .నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు. For Editorial Feedback eMail: For digital advertisements Contact : 040 - 23318181 eMail: marketing@eenadu.in © 1999 - 2026 Ushodaya Enterprises Pvt.Ltd, . Powered By Margadarsi Computers This website follows the DNPA Code of Ethics . Privacy and cookie settings
