ఇంట్లో ఊరికే పడి ఉండే 'బంగారం'తో నెల నెలా ఆదాయం.. ఈ'గోల్డ్ లీజింగ్' స్కీమ్ గురించి తెలుసా

అలాగే నాణేలు, కడ్డీల రూపంలోనూ కొనుగోలు చేసి ఇంట్లోనే లేదా బ్యాంక్ లాకర్‌లోనూ పెడుతుంటారు. అత్యవసర సమయంలో బంగారం కుదువ పెట్టి గోల్డ్ లోన్ తీసుకుంటారు. దానిపై వడ్డీ కట్టాల్సి ఉంటుంది. అలాగే లాకర్‌లో పెడితే సైతం అద్దె కట్టాలి. కానీ, చాలా మందికి తెలియని ఇంట్లో లేదా లాకర్‌లో ఊరికే పడి ఉండే బంగారంతో డబ్బు సంపాదించే మార్గం ఒకటి ఉంది. భౌతిక బంగారాన్ని అద్దెకు ఇచ్చి దానిపై 4-5 శాతం వరకు అదనపు వడ్డీ సంపాదించవచ్చు. దీనినే గోల్డ్ లిజింగ్ అంటారు. మరి ఇది ఎలా పని చేస్తుంది? ఇందులో ఉన్న రిస్క్స్ ఎంటో ఇప్పుడే మనం తెలుసుకుందాం. గోల్డ్ లీజింగ్ ఎలా పని చేస్తుంది?మన ఇంట్లో ఊరికే పడి ఉన్న బంగారాన్ని అద్దెకు ఇచ్చి దానిపై ఆదాయం పొదడాన్నే గోల్డ్ లీజింగ్ అంటారు. ప్రస్తుతం దేశంలో జార్, గలిల్లా వంటి పలు ఫైనాన్షియల్ డిజిటల్ ప్లాట్ ఫామ్స్ ఈ సేవలను అందిస్తున్నాయి. ఈ సంస్తలు మీ నుంచి బంగారాన్ని లీజుకు తీసుకుని గుర్తింపు పొందిన పెద్ద పెద్ద జువెలరీ కంపెనీలకు లీజుకు ఇస్తాయి. ఆ బంగారాన్ని జువెలర్స్ వాడుకుని, దానికి ప్రతిఫలంగా వడ్డీ ఇస్తాయి. అందులోంచి మీకు వాటా ఇస్తారు. అలాగే బ్యాంకులు సైతం గోల్డ్ మానేటైజెషన్ స్కీమ్ ద్వారా మీ బంగారాన్ని అద్దెకు తీసుకుని ఫిక్స్‌డ్ డిపాజిట్ల మాదిరిగా వడ్డీ చెల్లిస్తాయి. ఆ తర్వాత మీ బంగారం మీకు ఇస్తాయి.ఈ స్కీమ్ ద్వారా పలు లాభాలు ఉన్నాయి. ధరలు పెరిగినప్పుడు బంగారం ఇంట్లోనే ఉంటే ఆ లాభం మాత్రమే ఉంటుంది. కానీ, గోల్డ్ లీజింగ్‌లో పెడితే మార్కెట్ రేటు పెరుగడంతో పాటు అదనపు వడ్డీ వస్తుంది. ఇంట్లోనే ఉంచుకుంటే వార్షిక ఆదాయం ఏమీ ఉండదు. ఆపైన లాకర్ ఫీజు కట్టాలి. ఇక గోల్డ్ లీజింగ్ అయితే 4-5 శాతం అదనపు వడ్డీ వస్తుంది. ఇందులో 0.5 గ్రాముల బంగారం ఉన్నా లీజ్ చేయవచ్చు.ఇందులో ఉండే రిస్క్ ఏంటి?మీరు లీజుకు ఇచ్చిన జ్యువెలర్ దివాళా తీస్తే మీ బంగారానికి రిస్క్ ఉంటుంది. ఈ ప్లాట్ ఫారాలు కేవలం టాప్ రేటెడ్ జువెలర్లకు మాత్రమే ఇస్తాయి. అలాగే బ్యాంకు గ్యారెంటీలు ఉంటాయి. కాబట్టి రిస్క్ చాలా తక్కువే అని చెప్పవచ్చు. బ్యాంకుల మాదిరిగా దీనికి ఆర్‌బీఐ లేదా సెబీ ల నుంచి నేరుగా బలమైన రక్షణ నిబంధనలు ఇంకా రాలేదు.గమనిక: బ్యాంకుల్లో గోల్డ్ మానిటైజేషన్ స్కీమ్ అందుబాటులో ఉంటుంది. మన బంగారాన్ని బ్యాంకులో ఫిక్స్‌డ్ డిపాజిట్ మాదిరిగా పెట్టడం ద్వారా వడ్డీ చెల్లిస్తారు. గోల్డ్ లీజింగ్ సైతం దాదాపు ఇదే విధంగా ఉంటుంది. అయితే, ఇక్కడ చిన్న తేడా ఉంటుంది. గోల్డ్ మానేటైజేషన్ స్కీమ్‌లో కనీసం 10-30 గ్రాముల బంగారం పెట్టాలి. కానీ, లీజింగ్ యాప్స్‌లో అర గ్రాము డిజిటల్ గోల్డ్ ఉన్నా లీజుకు ఇవ్వవచ్చు.