మా సిస్టర్ సురేఖని పెళ్లి చేసుకున్నాడు కాబట్టే చిరంజీవి ఈ స్థాయిలో ఉన్నాడు

దశాబ్దాలుగా టాలీవుడ్‌ను తమదైన నటన, డైలాగ్ పవర్‌తో శాసిస్తున్న ఈ ఇద్దరు సీనియర్ స్టార్ల మధ్య ఉన్న బంధం ఎప్పుడూ ఒక హాట్ టాపిక్కే. వీరిద్దరి మధ్య ఈగో వార్స్, మా' ఎన్నికల రాజకీయాల చుట్టూ బాహాటంగానే కోల్డ్ వార్స్ నడిచినప్పటికీ.. వ్యక్తిగతంగా మాత్రం ఒకరినొకరు కలుసుకున్నప్పుడు ఆలింగనం చేసుకుంటూ, తమ మధ్య ఉన్న సుదీర్ఘ స్నేహాన్ని చాటుకుంటూనే ఉంటారు. అయితే గతంలో మోహన్‌బాబు చాలాసార్లు చిరంజీవిని తక్కువ చేసినట్లుగా కామెంట్స్ చేసి ట్రోలింగ్‌కి గురయ్యారు. ఈ నేపథ్యంలోనే ఒక పాత ఇంటర్వ్యూ క్లిప్ సోషల్ మీడియాలో మళ్లీ తెగ హల్‌చల్ చేస్తోంది.* ఉస్తాద్‌లో మిస్.. ‘ఓజీ 2’లో ఫిక్స్?... పవన్ - పూజా హెగ్డే కాంబోపై ఇండస్ట్రీలో హాట్ టాపిక్! నందమూరి బాలకృష్ణ హోస్ట్‌గా వ్యవహరిస్తూ, ఓటీటీ ప్లాట్‌ఫామ్ 'ఆహా'లో అత్యంత ప్రజాదరణ పొందిన ' అన్‌స్టాపబుల్ విత్ ఎన్‌బీకే ' టాక్ షో మొదటి సీజన్ మొదటి ఎపిసోడ్‌కు మోహన్ బాబు తన పిల్లలు మంచు విష్ణు, మంచు లక్ష్మితో కలిసి ముఖ్య అతిథిగా హాజరయ్యారు. 2021 నవంబర్‌లో ప్రీమియర్ అయిన ఈ ఎపిసోడ్‌లో బాలయ్య, మోహన్ బాబుల మధ్య ఉన్న పాత జ్ఞాపకాలు, సినీ ప్రయాణం గురించి ఎన్నో ఆసక్తికర విషయాలు చర్చకు వచ్చాయి. కాగా, తాజాగా ఈ ఎపిసోడ్‌కు సంబంధించిన ఒక ప్రత్యేక వీడియోను 'ఆహా' సంస్థ యూట్యూబ్‌లో మళ్లీ పోస్ట్ చేయగా. అందులో చిరంజీవిపై మోహన్ బాబు చేసిన కామెంట్స్ మరోసారి ఇండస్ట్రీలో చర్చనీయాంశంగా మారాయి.* దేవుడికి గాయమైతే భక్తుడు తట్టుకోగలడా.. పవన్ ఆరోగ్యంపై బండ్లన్న ఎమోషనల్ ట్వీట్ షోలో భాగంగా బాలకృష్ణ ఒక ఆసక్తికరమైన ప్రశ్న వేస్తూ.. "చిరంజీవి గారి మీద మీకు నిజంగా ఉన్న అభిప్రాయం ఏంటి?" అని అడిగారు. దీనికి మోహన్ బాబు తనదైన శైలిలో సూటిగా, స్పష్టంగా సమాధానమిచ్చారు. "చిరంజీవి చాలా మంచి నటుడు, అద్భుతంగా డ్యాన్స్ చేస్తాడు. పర్సనల్‌గా నాకు ఆయన మీద ఎలాంటి చెడు అభిప్రాయం కానీ, దురభిప్రాయం కానీ అస్సలు లేదు. ఆయన అల్లు రామలింగయ్య గారి కుమార్తె సురేఖను వివాహం చేసుకున్నారు. అల్లు రామలింగయ్య గారు, నేను కలిసి ఎన్నో సినిమాల్లో కలిసి నటించాం. ఆ చొరవతో సురేఖ నాకు తోబుట్టువు (సిస్టర్) లాంటిది. మన ఇంటి అమ్మాయిని పెళ్లి చేసుకున్నాడు కాబట్టే.. ఆయన అంత బాగున్నాడు!" అంటూ మోహన్ బాబు నవ్వుతూ సమాధానమిచ్చారు. కర్ర విరగకుండా, పాము చావకుండా మోహన్ బాబు చెప్పిన ఈ సమాధానం వినగానే అటు బాలయ్యతో పాటు స్టేజీపై ఉన్న మంచు విష్ణు, లక్ష్మి కూడా నవ్వేశారు. ఈ పాత వీడియో క్లిప్ ఇప్పుడు నెట్టింట మళ్లీ వైరల్ అవుతూ అభిమానులను ఆకట్టుకుంటోంది. గతంలో దుమారం రేపిన వివాదాలుసినీ ఇండస్ట్రీలో చిరంజీవి, మోహన్‌బాబు మధ్య సఖ్యత ఎంత ఉంటుందో.. కొన్ని సందర్భాల్లో వచ్చిన విభేదాలు కూడా అంతే సంచలనం సృష్టించాయి. ముఖ్యంగా 2007లో జరిగిన తెలుగు సినీ వజ్రోత్సవ వేడుకలు తీవ్ర దుమారాన్ని రేపాయి. ఆ వేడుకల్లో చిరంజీవికి 'లెజెండ్' అవార్డును, మోహన్‌బాబుకు 'సెలబ్రిటీ' అవార్డును ప్రకటించారు. దీనిపై మోహన్‌బాబు దికపైనే బహిరంగంగా అసంతృప్తి వ్యక్తం చేస్తూ.. చిరంజీవికి లెజెండ్ అవార్డు ఇచ్చే అర్హత ఏముంది, నాకు ఆ అర్హత లేదా అంటూ ప్రశ్నించడం అప్పట్లో టాలీవుడ్‌లో ఒక పెద్ద సంచలనంగా మారింది. ఆ తర్వాత ‘మూవీ ఆర్టిస్ట్స్ అసోసియేషన్’ ఎన్నికల సమయంలో చిరంజీవి వర్గం (ప్రకాశ్‌రాజ్), మోహన్‌బాబు వర్గం (మంచు విష్ణు) మధ్య తీవ్రమైన మాటల యుద్ధం నడవడం ఇరు కుటుంబాల మధ్య కొంత దూరాన్ని పెంచింది. అయినప్పటికీ, ఈ బాహ్య విభేదాలను పక్కన పెట్టి, ప్రైవేట్ ఫంక్షన్లలో ఒకరినొకరు ఆలింగనం చేసుకోవడం, పక్కపక్కనే కూర్చుని ముచ్చటించడం ద్వారా తాము ఎప్పటికీ మంచి స్నేహితులమేనని ఈ ఇద్దరు సీనియర్ హీరోలు నిరూపిస్తూనే ఉన్నారు.