వాస్తు దోషాలను తరిమికొట్టే నిమ్మకాయ చిట్కా.. ఎలా పాటించాలంటే

అందువలన ఆర్థిక ఇబ్బందులు, మానసిక సమస్యలతో సతమతం అయ్యేవారు తప్పకుండా దీనిని ఉపయోగించాలని చెబుతున్నారు వాస్తు పండితులు.

ఇంటిలో నిమ్మకాయను ఎలా ఉపయోగించడం వలన ప్రతి కూల శక్తులు తొలిగిపోతాయంటే? ఇంట్లో ప్రతి కూల శక్తి ఉంటే, ఇంటిని నిమ్మరసం కలిపిన నీటితో క్లీన్ చేయాలంట. ఇంటి మూలల్లో పేరుకుపోయిన ప్రతి కూల శక్తిని కూడా ఇది చాలా త్వరగా తొలిగిస్తుందని చెబుతున్నారు పండితులు.

ఇలా కనీసం వారంలో ఒక్కసారి అయినా సరే, బకెట్‌లో నీళ్లు పోసి, అందులో నిమ్మరసం, ఉప్పు కలిపి ఇంటి ప్రతి మూల తుడ్చుకుంటూ రావాలి అంట. దీని వలన ఇది ప్రతి కూల శక్తిని తెలిగిస్తుంది. కుటుంబ సభ్యుల మధ్య జరిగే గొడవలు తగ్గిపోవడం, అన్ని సమస్యలకు పరిష్కారం దొరకడం, లక్ష్మీదేవి మీ ఇంటిలో కొలువై ఉండటం జరుగుతుందంట.

అయితే ఇలా ఇంటిని తుడిచే క్రమంలో తప్పకుండా కొన్ని నియమాలు పాటించాలని చెబుతున్నారు పండితులు. దీని కోసం ముందుగా ఒక తాజా నిమ్మకాయను తీసుకోవాలంట. ఇది మంచి ఫలితాలను ఇవ్వాలి అంటే, బకెట్‌లో నీళ్లు పోసి, అందులో రాతి ఉప్పు, నిమ్మరసం పిండి , ఇంటిని ఒక క్లాత్‌తో శుభ్రంగా తుడుచుకుంటూ రావాలి. ప్రధాన ద్వారం వద్ద వరకు తుడుచుకుంటూ వచ్చి, అక్కడ ముగించాలి.

ఇలా ప్రతి వారం, మంగళ వారం, శని వారం, గురువారం చేయడం వలన విశేషమైన ఫలితాలు కలుగుతాయని చెబుతున్నారు వాస్తు శాస్త్ర నిపుణులు. అయితే వాస్తు ప్రకారం ఇంటిని ఎప్పుడు శుభ్ర పరిచినా సరే, సాయంత్రం లేదా సూర్యాస్తమయం తర్వాత నేలను తుడవకూడదంట. ఉదయం మాత్రమే నీటిని నిమ్మరసంతో క్లీన్ చేయాలి.