తుపాను రావడానికి ముందు.. నిశ్శబ్దం

పవన్‌ కల్యాణ్‌ హీరోగా తెరకెక్కిన ‘ఓజీ’ ఎంతటి విజయం సాధించిందో తెలిసిందే. సుజీత్‌ దర్శకత్వంలో దీనికి పార్ట్‌ 2 కూడా ప్రకటించారు. పార్ట్ 2కి సంబందించిన పనులు ప్రారంభమైనట్లు తెలుపుతూ మేకర్స్ స్పెషల్‌ వీడియో విడుదల చేశారు. 'తుపాను రావడానికి ముందు.. నిశ్శబ్దం ఉంటుంది.. ‘గంభీర కథ సిద్ధమవుతోంది ’ అని పవన్ కళ్యాణ్ క్రియేటివ్ వర్క్స్ ఎక్స్ ఖాతాలో పోస్ట్ చేశారు. పవన్‌, సుజీత్‌ స్టోరీ గురించి చర్చించుకుంటున్న ఈ వీడియోలో ‘నేను రెడీ..’ అని పవన్‌ (Pawan Kalyan) సుజీత్ తో చెప్పడం అభిమానులను నెటిజన్లను ఆకట్టుకుంటోంది. ఐతే ‘ఓజీ2'లో పవన్ కళ్యాణ్ కు ఒక పెట్ కూడా ఉంటుందని వెల్లడించారు.