డ్రైవింగ్ స్కూల్ ఓపెన్ చేసిన బాలు, మీనా.. కార్లు కడిగే పనిలో పెడతా.. ప్రభావతికి సత్యం కౌంటర్లు

ఇంతలో జీఎస్టీ ఆఫీసర్లు వచ్చి షాప్ సీజ్ చేస్తామని, ఇదిగో పేపర్స్ అని ఇస్తారు. వెంటనే ఖాళీ చేయండని అనడంతో మనోజ్ మరింతగా బెదిరిపోతాడు. నా భార్య వస్తుంది.. ఓ పది నిమిషాలు టైం ఇవ్వండని మనోజ్ ప్రాధేయపడతాడు. కానీ ఆఫీసర్స్ మాత్రం వినరు. సీజ్ చేయాల్సిందే అని అంటారు. ఇంతలో రోహిణి వస్తుంది. ఛార్జింగ్ అయిపోయింది.. అందుకే స్విచ్ ఆఫ్ వస్తోంది.. ట్రాఫిక్ వల్ల లేట్ అయిందని చెబుతుంది. అకౌంట్లో డబ్బులున్నాయి.. ఈ చెక్ రాసివ్వు అని మనోజ్‌కి రోహిణి చెబుతుంది. మనోజ్ కంగారు పడుతూ చెక్ ఇస్తుంటాడు. సరిగ్గా రాసివ్వు.. లేదంటే అదో సమస్య అవుతుంది అని రోహిణి అంటుంది. సరే ఇప్పుడు ఈ చెక్ తీసుకుంటున్నాం.. బౌన్స్ అయితే కేసు అవుతుందని వారు చెప్పి వెళ్లిపోతారు. థాంక్స్ రోహిణి.. నీ వల్లే గండం గట్టెక్కావ్.. అని రోహిణికి బిస్కెట్లు వేస్తుంటాడు మనోజ్. దీనికి ఏం తక్కువ లేదు.. ఈ విషయాలన్నీ ఇంట్లో ఎవ్వరికీ తెలియకూడదు అని రోహిణి అంటుంది.అప్పు ఎలా తీర్చాలి.. అవును.. లేదంటే బాలుగాడు ఏడ్పిస్తూనే ఉంటాడు అని మనోజ్ అంటాడు. ఈ డబ్బు ఎక్కడిది అని మనోజ్ అడిగితే.. అప్పు తెచ్చా.. త్వరగా తీర్చేయాలని రోహిణి చెబుతుంది. అప్పా? అని మనోజ్ ఆశ్చర్యపోతాడు. ఇలాంటి టైంలో అప్పు కాకపోతే ఆకాశం నుంచి ఊడిపడతాయా? అని రోహిణి కౌంటర్లు వేస్తుంది. అంటే త్వరగా తీర్చేయాలా? అని మనోజ్ అంటే.. అవును.. అతి కష్టం మీద తీసుకు వచ్చా.. త్వరగా ఇచ్చేయాలని అని రోహిణి వెళ్లిపోతుంది. మరి అప్పు ఎలా తీర్చాలో చెప్పలేదే అని మనోజ్ అనుకుంటాడు.మీనాకి చెప్పిన బాలు.. మరో వైపు బాలు స్కూల్లో జరిగిందంతా మీనాకి చెబుతాడు. చింటూని, సుగుణమ్మని కలిసిన విషయాన్ని చెబుతాడు. మీకు ఇంకా సిగ్గు రాలేదా.. వాళ్లు ఎంత తిట్టినా, మనకు దూరంగా వెళ్తున్నా.. మీరు మాత్రం మీ మానవత్వంతో వారిని ఇంకా ఇలానే అనుకుంటూ ఉన్నారు అని మీనా అంటుంది. ఇక ఇదంతా కూడా రోహిణి వింటుంది. మీరెక్కడ నాకు తగిల్రా బాబు.. మీ మంచితనం నన్ను ముంచేలా ఉంది.. ఇంకేం.. ఆ ఇంటికి కూడా రండి.. దుబాయ్‌లో ఉండే ఆమె కూతురికి గురించి ఆరా తీయండి.. నా బతుకు బస్టాండ్ చేయండని రోహిణి అనుకుంటుంది.డ్రైవింగ్ స్కూల్‌కి పర్మిషన్.. బట్టలు తీసుకు వచ్చి హాల్లో పడేస్తుంది ప్రభావతి. అవి మడత పెట్టు అని మీనాకి ఆర్డర్ వేస్తుంది. ఇంతలో రవి వచ్చి.. అన్నయ్యకి వచ్చిన పోస్ట్ ఇచ్చావా? వదిన అని అడుగుతాడు. మీ అమ్మ నన్ను ఖాళీగా ఉంచితే కదా అని ఆ పోస్ట్ తీసుకు వచ్చి ఇస్తుంది మీనా. డ్రైవింగ్ స్కూల్‌కి సంబంధించిన పర్మిషన్ లెటర్‌ను బాలు చూసి ఆనంద పడిపోతాడు. కానీ ప్రభావతి మాత్రం నా ఇంట్లో డ్రైవింగ్ స్కూల్ పెట్టడానికి నేను ఒప్పుకోను అని అంటుంది. కొడుకు ఎదుగుతుంటే తల్లి సంతోషించాలి.. ఇలా అడ్డు పడకూడదు అని సత్యం తిడతాడు.అడ్డు పడేందుకు ప్రభావతి ప్రయత్నం.. ఇది పూల కొట్టు పెట్టి.. ఈ ఇంటిని, నన్ను పూలమ్మే దానిలా చేసింది.. ఇప్పుడు వాడు డ్రైవింగ్ స్కూల్ పెడితే.. ఎవరెవరో వస్తారు.. అంతా రకరకాలుగా మాట్లాడుకుంటూ ఉంటారు.. నాకు ఇష్టం లేదు.. అని ప్రభావతి అంటుంది. అయినా ఇంకెంత సంపాదిస్తాడు అంట అని ప్రభావతి అంటుంది. కష్టపడి సంపాదిస్తే తప్పేంటి.. మనోజ్‌లా అయితే లక్షలకు లక్షలు మింగడం లేదు కదా అని రవి కౌంటర్లు వేస్తాడు. కొడుకు, కోడలు కష్టపడి ఒక్కో మెట్టు ఎక్కుతూ ఉంటే సంతోషించాల్సింది పోయి ఇలా చేస్తావా? అయినా ప్రభుత్వమే అనుమతి ఇచ్చింది.. నీ బోడి పర్మిషన్ ఎవరికి కావాలని అంటాడు సత్యం.పుల్ల వేసిన రోహిణి.. ఇంతలో రోహిణి వస్తే.. విషయం చెబుతుంది మీనా. డ్రైవింగ్ స్కూల్ పెడితే ఇంటిని కమర్షియల్ కోటాలో వేసేస్తారు. రెంట్ పెరుగుతుంది.. కరెంట్ బిల్ పెరుగుతుంది అని రోహిణి చెబుతుంది. దీంతో ప్రభావతి మరింత కంగారు పడుతుంది. నా ఇంటిని ఏం చేయాలని అనుకుంటున్నారు.. నన్ను రోడ్డు మీదకు లాగాలని చూస్తున్నారా.. అని ప్రభావతి అంటుంది. వచ్చావా.. వచ్చి ఓ పుల్ల వేశావా? ఇక ఏమీ తెలియని ఈమె ఇంక ఆగదు.. అని మీనా కౌంటర్లు వేస్తుంది. మేం ఏమీ లక్షలు మింగడం లేదు.. కష్టపడి పని చేసుకుంటున్నాం అని మీనా అంటుంది. సత్యం కూడా బాలుకి సపోర్ట్ చేయడంతో.. మీ ఇష్టం వచ్చినట్టు చేసుకోండని ప్రభావతి వెళ్లిపోతుంది.బాధపడ్డ బాలు, మీనా.. నా నుంచి ఒక గుడ్ న్యూస్.. రవి పని చేసే రెస్టారెంట్లో నేను కూడా జాబ్ చేస్తున్నా.. అని శ్రుతి అంటుంది. నువ్వు వంట చేస్తావా? అంటే రెస్టారెంట్ త్వరలోనే క్లోజ్ అన్నమాట అని బాలు కామెడీ చేస్తాడు. రవి కోసం జాయిన్ అయ్యాను అని శ్రుతి అంటుంది. అంటే మన మూడు కపుల్స్ పని చేస్తున్నాం అన్న మాట అని రవి అంటాడు. అయినా ఏం లాభం లే.. అదే ఇల్లు.. ఇదే డైనింగ్ టేబుల్.. మీనా మెడలో అదే పసుపు తాడు అని వెళ్లిపోతుంది శ్రుతి. దీంతో బాలు, మీనా బాధపడతారు.సుందరికి పెళ్లి చూపులు.. బాలు తాను తిన్న చేతిని ప్రభావతి కొంగుతో తుడ్చుకుంటాడు. వదులు అని ప్రభావతి అంటుంది. ఇంతలో కామాక్షి వచ్చి.. పదో తరగతి వరకు మనోజ్ గాడి ముక్కు ఆ కొంగుతోనే తుడిచావ్.. రాత్రి పూట బాత్రూంకి వస్తే కూడా తోడుగా వెళ్లావ్ అని చెబుతుంది. దీంతో మనోజ్‌ని బాలు మరింతగా ఆడుకుంటాడు. ఇక సుందరికి ఓ సంబంధం వచ్చిందని, దాదాపు ఖాయమైనట్టే అని కామాక్షి చెబుతుంది. దీంతో సుందరి కంగారు పడుతుంది. రంగా బయటకు వెళ్లాడు.. మీరే పెద్దగా వచ్చి అక్కడ నిలబడాలని కామాక్షి చెబుతుంది. దీంతో బాలు, సత్యం సరేనంటారు.మనోజ్‌ను ఆడుకున్న బాలు.. ఇంటి పక్కనే స్థలం చూసి అక్కడ డ్రైవింగ్ స్కూల్‌ని ఓపెన్ చేశానని బాలు చెబుతాడు. ఓపెనింగ్‌కు అందరూ రావడం సంతోషంగా ఉందని అంటాడు. ఇక మనోజ్ కాస్త ఓవర్ చేస్తాడు. ఇదేదో పెద్ద కార్ షోరూం ఓపెనింగ్‌లా చేస్తున్నారు.. ఇంకెంత సేపు అని అంటాడు. దీంతో బాలుకి మండుతుంది. పోలీస్ స్టేషన్‌లో జరిగింది అందరికీ చెప్పాలా? అని మనోజ్‌ని ఆడుకుంటాడు. లంచం ఇస్తానని అన్నాడా? అని శ్రుతి కనిపెడుతుంది. అలా అంటే ఇంకా ఉతికేవారు కదా అని బాలు కవర్ చేస్తాడు. దీంతో మనోజ్ ఆపేయరా బాబు అని వేడుకుంటాడు. ఎంత టైం అయినా వెయిట్ చేస్తాలే అని అంటాడు.ప్రభావతికి సత్యం కౌంటర్లు.. మామయ్య గారు.. మీరు, అత్తయ్య కలిసి హారతి ఇవ్వండి అని సత్యంతో మీనా అంటుంది. మీ నాన్న పేరే పెట్టుకున్నారు కదా ఆయనే ఇస్తాడు అని ప్రభావతి అంటుంది. పెద్దరికంతో హారతి ఇస్తావా? లేదంటే కార్లు తుడిచే పనిలో పెట్టమంటావా? అని ప్రభావతిని సత్యం బెదిరిస్తాడు. దీంతో ప్రభావతి మూసుకుని హారతి ఇస్తుంది. సత్యం దీవిస్తుంటే మాత్రం ప్రభావతి కుళ్లుకుంటూ ఉంటుంది. ఇక మనోజ్, రోహిణి కూడా అదే మొహం వేసుకుని చూస్తుంటారు. అందరూ కలిసి ఫోటోలు దిగుతారు. రాజేష్ ఓ సెల్ఫీ కూడా తీస్తాడు.అడుక్కునేవాడికి.. అందరికీ ప్రేమగా బాలు స్వీట్స్ ఇస్తుంటాడు. మనోజ్ మాత్రం రోహిణికి తీసుకోకు, అవి ఎలాంటి షాప్ నుంచి తీసుకు వచ్చారో అని చెప్తాడు. అడుక్కునేవాడికి 66 కూరలు అంటారు కదా.. ఇలా ఒక్క స్వీట్ ఇస్తే ఏం తీసుకుంటాడు లేండి అని మీనా కౌంటర్లు వేస్తుంది. అబ్బా.. కరెక్ట్ గా చెప్పావ్ మీనా అని బాలు అంటాడు. రోహిణి.. నువ్వైనా తీసుకుంటావా? లేదంటే మీ ఆయనలా 66 కూరలు అని అనబోతుంది. దీంతో రోహిణి మూసుకుని స్వీట్ తీసుకుంటుంది. అంతటితో ఎపిసోడ్ పూర్తవుతుంది. 🔹‘పొదరిల్లు’ టుడే ఎపిసోడ్ : నారాయణ నెత్తి పగలగొట్టబోయిన చక్రి.. పెద్ది ప్రేమకు, ఆప్యాయతకు కంటతడి పెట్టిన మహా