బంగాళాఖాతంలో ఉపరితల ఆవర్తనం..తెలుగు రాష్ట్రాల్లో భారీ వర్షాలు

Rain Update : బంగాళాఖాతంలో ఏర్పడిన ఉపరితల ఆవర్తన ప్రభావంతో ఆంధ్రప్రదేశ్ వ్యాప్తంగా వాతావరణం వేగంగా మారిపోతోంది. నైరుతి రుతుపవనాల గమనం కాస్త మందగించినప్పటికీ, ఈ ఆవర్తనం కారణంగా రాష్ట్రంలో వర్షాల లోటు తీరుతోంది. ఉత్తరాంధ్ర నుంచి రాయలసీమ వరకు పలు జిల్లాల్లో బలమైన ఈదురుగాలులు, పిడుగులతో కూడిన మోస్తరు నుంచి భారీ వర్షాలు కురుస్తున్నాయి. ముఖ్యంగా రాబోయే కొద్ది గంటల్లో శ్రీకాకుళం, విజయనగరం, పార్వతీపురం మన్యం జిల్లాల్లో గంటకు 40 నుండి 50 కిలోమీటర్ల వేగంతో బలమైన గాలులు వీచే అవకాశం ఉందని ఏపీ విపత్తు నిర్వహణ సంస్థ వెల్లడించింది. వీటితో పాటు అల్లూరి సీతారామరాజు, విశాఖపట్నం, అనకాపల్లి, కాకినాడ వంటి కోస్తా జిల్లాల్లోనూ, గుంటూరు, పల్నాడు, ప్రకాశం, నెల్లూరు వంటి దక్షిణ కోస్తా ప్రాంతాల్లో తేలికపాటి నుంచి మోస్తరు వర్షపు జల్లులు కురిసే అవకాశం ఉంది.

Read Also : ఏపీలో రుతుపవనాల జోరు: పలు జిల్లాలకు భారీ వర్షాల అలర్ట్

మరోవైపు రాయలసీమ పరిధిలోని అనంతపురం, శ్రీసత్యసాయి, కడప, అన్నమయ్య, చిత్తూరు, తిరుపతి జిల్లాల్లో పిడుగులతో కూడిన తేలికపాటి వర్షాలు పడే అవకాశం ఉందని అధికారులు అంచనా వేస్తున్నారు. ఈ నేపథ్యంలో, పిడుగుల ముప్పు పొంచి ఉన్నందున విపత్తు నిర్వహణ సంస్థ ప్రజల రక్షణ కోసం కీలకమైన భద్రతా మార్గదర్శకాలను జారీ చేసింది. ఉరుములు, మెరుపులు వచ్చే సమయంలో బహిరంగ ప్రదేశాల్లో ఉండటం ఏమాత్రం సురక్షితం కాదని స్పష్టం చేసింది. ముఖ్యంగా పొలం పనులకు వెళ్లే రైతులు, పశువుల కాపరులు ఉరుముల శబ్దం వినబడగానే చెట్ల కింద ఆశ్రయం పొందకుండా, సురక్షితమైన కాంక్రీట్ భవనాల్లోకి వెళ్లాలని సూచించింది. అలాగే విద్యుత్ స్తంభాలు, లోహపు వస్తువులు, బలహీనమైన పాత గోడలకు దూరంగా ఉండాలని అధికారులు హెచ్చరించారు.

Major Train Incident in England : నార్త్ లండన్ లో ఘోర ట్రైన్ ప్రమాదం

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

El Nino impact: ఎల్‌నినో దెబ్బ.. భారత్‌లో 10 శాతం తగ్గనున్న వర్షపాతం

Telangana weather update: జూన్ 23 నుండి తెలంగాణవ్యాప్తంగా భారీ వర్ష సూచన.. IMD

AP Weather updates: ఏపీలో నేడు భారీ వర్ష సూచన.. వాతావరణ శాఖ

Weather update: వర్షాకాలం వచ్చినా వానలు లేవు.. ఆందోళనలో రైతులు!

AP Weather update: నేడు ఏపీకి భారీ వర్ష సూచన: వాతావరణ శాఖ

Telangana weather update: పగలు మండుటెండలు.. రాత్రి కుండపోత వర్షాలు