రాష్ట్రంలో లోటు వర్షపాతం.. నిరాశలో అన్నదాతలు

Telangana rainfall deficit: రాష్ట్రం రుతుపవనాలు విస్తరిస్తున్న నేపధ్యంలో తొలకరి వర్షాల కోసం ఎదురుచూస్తున్న అన్నదాతలకు నిరాశే ఎదురవుతోంది. వర్షాలు కురవకపోగా, సాధారణం కంటే మించి ఉష్ణోగ్రతలు నమోదవుతుండటంతో మళ్లీ ఎండలు మండిపోతున్నాయి.

మృగశిర కార్తెలో కురిసే వర్షాలతో ఆరుతడి వంటల సాగులో బిజీగా ఉండాల్సిన రైతులు వలు జిల్లాల్లో తొలకరి వర్షాల కోసం ఎదురు చూస్తున్నారు. రాష్ట్ర ప్లానింగ్ సొసైటీ నివేదిక ప్రకారం రాష్ట్ర మొత్తం మీద సగటున -27 శాతం మేర లోటు వర్షపాతం చోటు చేసుకుంది.

వానాకాలం సీజను ప్రారంభమైన ఈ నెల 1వ తేదీ నుండి గురువారం వరకూ రాష్ట్ర వ్యాప్తంగా 72.1 మిల్లీ మీటర్ల మేర సాధారణ వర్షం నమోదుకావాల్సి ఉండగా, 52.8 మిల్లీ మీటర్లు మాత్రమే చోటు చేసుకుంది. Read Also: El Nino impact: ఎల్‌నినో దెబ్బ..

భారత్‌లో 10 శాతం తగ్గనున్న వర్షపాతం రాష్ట్రంలోని కేవలం 3 జిల్లాల్లో మాత్రమే సాధారణం కంటే మించి అధిక వర్షపాతం రికార్డయింది. 6 జిల్లాల్లో ఒక్క చుక్క వర్షం కూడా కురవకపోవడంతో భారీ లోటు నమోదైంది. మరో 14 జిల్లాల్లో సాధారణం కంటే తక్కువ కురియడంతో అవి కూడా లోటులో ఉన్నాయి.

అయితే మిగిలిన 10 జిల్లాల్లో మాత్రం సాధారణ వర్షపాతం నమోదైంది. ఈ వానాకాలం సీజను ప్రారంభమైనప్పటి నుండి గురువారం వరకూ రాష్ట్రంలోనే హన్మకొండ జిల్లాలో అత్యధికంగా -80 శాతం లోటు వర్షపాతం నమోదయింది, పెద్దపల్లి జిల్లాలో -71 శాతం, సిద్ధిపేట్ జిల్లాలో 66 శాతం, జగిత్యాల జిల్లాలో -65 శాతం, ఆదిలాబాద్ జిల్లాలో -64 శాతం, మహబూబాబాద్ జిల్లాలో -60 శాతంతో భారీ లోటు వర్షపాతంతో కొట్టుమిట్టాడుతున్నాయి.

అలాగే వరంగల్ జిల్లాలో 56 శాతం, నిజామాబాద్లో 55 శాతం, జనగామలో -54 శాతం, భూపాలపల్లి, మంచిర్యాలలో -52 శాతం, కరీంనగర్, ఆసిఫాబాద్ జిల్లాల్లో 50 శాతం, మల్కాజిగిరి -45 శాతం, సిరిసిల్ల లో