తెలంగాణలో డిజిటల్ కేబినెట్ సమావేశాల ప్రారంభం

Telangana Digital Cabinet: తెలంగాణ రాష్ట్ర పరిపాలనారంగంలో ఒక సరికొత్త డిజిటల్ అధ్యాయం మొదలైంది. ప్రభుత్వ నిర్ణయాధికార ప్రక్రియను మరింత ఆధునీకరిస్తూ, మంత్రివర్గ సమావేశాలను ఇకపై పూర్తిస్థాయిలో ‘పేపర్‌లెస్‌’ (కాగితరహితం)గా నిర్వహించాలని రేవంత్ రెడ్డి సర్కారు కీలక నిర్ణయం తీసుకుంది.

ఇందులో భాగంగా గురువారం ముఖ్యమంత్రి ఎ. రేవంత్ రెడ్డి అధ్యక్షతన జరిగిన కేబినెట్ భేటీలో ‘తెలంగాణ డిజిటల్ కేబినెట్’ విధానాన్ని లాంఛనంగా ప్రారంభించారు. ఈ సందర్భంగా ఐటీ, పరిశ్రమల శాఖ మంత్రి డి. శ్రీధర్ బాబు.. ముఖ్యమంత్రితో పాటు ఉప ముఖ్యమంత్రి మల్లు భట్టి విక్రమార్కకు, ఇతర మంత్రివర్గ సహచరులకు ప్రత్యేకంగా రూపొందించిన ట్యాబ్‌లను అందజేశారు.

ఈ సరికొత్త సాంకేతిక విధానం ద్వారా కేబినెట్ భేటీల నిర్వహణ పూర్తిగా మారిపోనుంది. సమావేశాలకు సంబంధించిన అజెండా, కీలక నోట్స్, అలాగే వివిధ శాఖల అధికారిక పత్రాలను ముద్రించే పాత పద్ధతికి స్వస్తి పలికారు. వీటన్నింటినీ డిజిటల్ రూపంలోకి మార్చి, మంత్రుల ట్యాబ్‌లలోనే నేరుగా అందుబాటులో ఉంచుతారు.

ఈ సరికొత్త వ్యవస్థ పనితీరును ముఖ్యమంత్రి స్వయంగా పరిశీలించి సంతృప్తి వ్యక్తం చేశారు. ప్రభుత్వ పరిపాలనలో వేగాన్ని పెంచడం, పారదర్శకతను నెలకొల్పడం, పర్యావరణ హితంగా కాగితం వాడకాన్ని తగ్గించడమే ఈ నూతన విధానం యొక్క ముఖ్య ఉద్దేశం.

కాగా, ఈ ప్రతిష్టాత్మక సమావేశంలో కేవలం మంత్రులు మాత్రమే పాల్గొనగా, కార్యదర్శులు గానీ ఇతర ఉన్నతాధికారులు గానీ హాజరుకాలేదు. read also: Kaudipalli Dhaba Liquor Checks: మద్యం విక్రయిస్తే దాబాలు సీజ్.. ఎస్సై స్పష్టం! పొరుగు రాష్ట్రమైన ఆంధ్రప్రదేశ్ గతంలోనే ఈ-కేబినెట్ విధానాన్ని అమలు చేయగా, తెలంగాణ ఇప్పుడు ఆ దిశగా అడుగులు వేసింది.

ఏపీలో 2014-19 మధ్య కాలంలోనే అప్పటి చంద్రబాబు నాయుడు ప్రభుత్వం పేపర్‌లెస్ మంత్రివర్గ సమావేశాలను ప్రారంభించింది. ఆ తర్వాతి కాలంలో మారిన రాజకీయ సమీకరణాల వల్ల ఈ విధానం తాత్కాలికంగా నిలిచిపోయినప్పటికీ, ఆగస్టు 2024 లో మరింత ఆధునిక హంగులతో కూడిన