మహాలక్ష్మీని హాస్టల్ లో జాయిన్ చేస్తా.. పెద్ది చివరి వార్నింగ్.. పిచ్చిగా కొట్టుకుని అప్పుడే కలిసిపోయిన కేశవ, చక్రి

దానికి ఎందుకు ఇలా అరుస్తున్నారు.. ముందు లోపలకు వెళ్లండని చక్రిని తిడుతుంది మహా. మీకు చక్రి మీద లోపల ఎంత ప్రేమ ఉందో తెలుసు.. కానీ ఏం లాభం.. ప్రతీసారి మీరు ఇలా దెప్పి పొడుస్తుంటే.. ఆ ప్రేమ ఎలా తెలుస్తుంది అని కేశవను అంటుంది. కొడుకులు కొట్లాడుకుంటూ ఉంటే ఇండియా పాక్ మ్యాచ్ చూస్తున్నారా? ఆపాలి.. వారిని ఓ రెండు పీకాలి అని తెలీదా? అసలు చిన్నప్పటి నుంచి ఈ ఇంటిని, ఈ పిల్లల్ని పట్టించుకుంటే వీళ్లు ఇలా తయారయ్యే వారా? అని నారాయణను తిడుతుంది మహా. అసలు ఈ రోజుల్లో బయటి వాళ్లకి కాదు.. ఇంట్లో వాళ్లకి కూడా సాయం చేయకూడదు అని కోపంగా షాపులోకి వచ్చి పని చేస్తుంటాడు కేశవ. వామ్మో అన్న ఏంటి ఇంత కోపంగా ఉన్నాడు.. అంటే ఎవరికో మూడినట్టే అని చోటు గాడు అనుకుంటాడు.పట్టించుకోని కేశవ.. కేశవ ఫోటోని ఫోన్లో చూసుకుంటూ శైలు నడ్చుకుంటూ వస్తుంటుంది. ఏరా ముంగీసా ఇన్ని రోజులు నేను నీ వెనకాల తిరిగాను కాబట్టి నా వ్యాల్యూ నీకు తెలీడం లేదు.. ఇక నిన్ను నా వెంట హచ్ కుక్కలా తిరిగేట్టు చేస్తా అని శైలు అనుకుంటూ వస్తుంది. అలా శైలు వచ్చి షాప్ ముందు చక్కర్లు కొడుతూ ఉంటుంది. కానీ కేశవ పట్టించుకోడు. అన్న మూడ్ బాగోలేదు.. అర్జెంట్‌గా వెళ్లిపో అని చోటు సైగ చేస్తాడు. వామ్మో మామూలుగానే వీడ్ని తట్టుకోలేం.. మూడ్ బాగోలేదు అంటే మళ్లీ ఏం చేస్తాడో అని శైలు అక్కడి నుంచి వెళ్లిపోతుంది.మహాలక్ష్మీని హాస్టల్‌లో జాయిన్ చేస్తా.. అందరూ సైలెంట్‌గా ఉన్నారేంటి అని పెద్ది అడుగుతాడు. దీంతో కన్నా గాడు జరిగిందంతా చెబుతాడు. కేశవ, చక్రి ఏ రేంజ్‌లో గొడవ పడ్డారో వివరిస్తాడు. దీంతో పెద్దికి కోపం వస్తుంది. ఆపదలో ఉన్నావ్.. చేతిలో డబ్బు లేదు.. అందుబాటులో ఉన్న డబ్బునే వాడతాం కదా.. నువ్వు కిడ్నాప్ అయిన టైంలో వాడు నీ కోసం ఎంత ఏడ్చాడో నీకు తెలుసా? అని చక్రిని మందలిస్తాడు పెద్ది. చక్రి నీ కంటే పెద్ద వాడే కదా?ఓ మాట పడలేకపోతోన్నావా?.. ఏ దెబ్బ కొడితే పడలేకపోతోన్నావా? అని కేశవని తిడతాడు పెద్ది. ఇంకోసారి ఇలా మీరు గనుక గొడవలు పడితే మహాలక్ష్మీని హాస్టల్‌లో జాయిన్ చేస్తా అని వార్నింగ్ ఇస్తాడు. దీంతో కేశవ, చక్రి బయటకు వెళ్లిపోతారు.కొడుక్కి నారాయణ సలహా.. ఈ ఇంట్లో అందరికీ ప్రేమలున్నాయి.. కానీ వాటిని బయటకు చెప్పుకోవడం తెలియడం లేదు అని బాధపడుతున్న పెద్దికి మహాలక్ష్మీ చెబుతుంది. ఇక చక్రి ఏమో నారాయణ అడ్డాకి వెళ్లి బీర్ ఆర్డర్ చేస్తాడు.రేయ్.. తాగితే బాధలు పోతాయ్ అని ఎవడ్రా చెప్పింది.. తాగితే విచక్షణ కోల్పోతాం.. అయినా రౌడీలా ఉంటే ఎవర్రా ఇష్టపడతారు.. పైగా మహాలక్ష్మీ పెద్దింటి బిడ్డ.. నువ్వు తాగి ఇంటికి వెళ్తే క్షమిస్తుందా? పెద్దోడి గుండె తట్టుకుంటుందా? అని నారాయణ బుద్ది చెప్పి బయటకు పంపిస్తాడు. అలా తాగకుండానే ఇంటికి వెళ్తాడు చక్రి.కాగితం మీద రాసివ్వు.. ఇంట్లో కేశవ కాఫీ అడిగితే పెద్ది ఇవ్వడు. మీరు గొడవ పడుతూనే ఉన్నారు.. మీకు ఇవ్వను అని అంటాడు. ఇంతలో చక్రి కూడా వస్తాడు. ఎక్కడికి వెళ్లావ్ అని పెద్ది, మహా అడుగుతారు. బయటకు వెళ్లాను.. ఆలోచించాను.. తప్పు నాదే.. సారీ అని మహాతో చక్రి అంటాడు. ఏం లాభం మళ్లీ తెల్లారితో ఫ్రెష్‌గా గొడవ పడతారు అని అంటుంది మహా. అలా చేయను అని చక్రి అంటే.. నాకు నమ్మకం లేదు.. కాగితం మీద రాసి సంతకం పెట్టి ఇవ్వు అని మహా అంటుంది. నేను ఏమైనా దొంగనా? మీ వాళ్లలా కత్తితో పొడుచుకుంటామా? కాలర్ పట్టుకుంటాం అంతేగా అని చక్రి అంటే మహాకి కోపం వస్తుంది.కలిసిపోయిన కేశవ, చక్రి.. బయట కూర్చుని ఏం చేస్తున్నావ్.. ఆకాశంలో ఏం చూస్తున్నావ్ అని చక్రిని కేశవ అడుగుతాడు. చుక్కలు లెక్క పెడుతున్నా.. కోట్లు లక్షలు వేలు వందలు ఒకట్లు ఉన్నాయ్ అని చక్రి అంటాడు. అవి మహాలక్ష్మీ చూపెట్టిన చుక్కలు.. నేను అడిగింది ఆకాశంలో ఎన్ని చుక్కలు అని కేశవ కామెడీ చేస్తాడు. దీంతో ఇద్దరూ నవ్వుకుంటారు. ఓ స్కూటీ బేరానికి వచ్చింది.. మంచి కండీషన్‌లో ఉంది.. తీసుకుంటావా? అని ఇద్దరూ నవ్వుతూ అటూ ఇటూ తిరుగుతూ చేతులు వేసుకుంటూ మాట్లాడతాడు. ఇదంతా కన్నా, మహా, పెద్ది చూసి మురిసిపోతారు. వీళ్లకి ఇది మామూలే.. గొడవ పడతారు.. కలిసి పోతారు.. గొడవ పడ్డప్పుల్లా ప్రేమ ఎక్కువ అయిపోతుంటుంది అని మహాతో పెద్ది అంటాడు.నువ్వు చేసేదే కరెక్ట్ రా.. ఎక్కడికి వెళ్లావ్ అని చక్రిని కేశవ అడుగుతాడు. తాగుదామని వెళ్లా.. అక్కడ నారాయణ కనిపించి వచ్చా అని చక్రి అంటాడు. తాగి వచ్చి ఉంటే మహాలక్ష్మీ అసహ్యించుకునేది.. అన్నయ్య నిన్ను కొట్టేవాడు.. నీ చేతులతో నీ జీవితాన్ని నాశనం చేసుకోకు అని కేశవ సలహా ఇస్తాడు. ఎంత మంచిగా ఉన్నా ఆమె నన్ను పట్టించుకోవడం లేదు రా అని చక్రి అంటాడు. మీ బుస్సు సంగతి ఏమైంది.. ఫీలైనట్టుంది.. నువ్వే వెళ్లి మాట్లాడురా అని చక్రి సలహా ఇస్తాడు. కొంచెం తగ్గితే నెత్తి మీదకు ఎక్కుతుంది రా అని కేశవ అంటాడు. నువ్వు చేసేదే కరెక్ట్ రా అని చెప్పి వెళ్లిపోతాడు చక్రి.మిస్డ్ కాల్ ఇచ్చి.. ఇక మరో వైపు శైలు అయితే కేశవ గురించే ఆలోచిస్తుంటుంది. వాడ్ని డిస్టర్బ్ చేయాలని చూస్తుంటే నేనే డిస్టర్బ్ అవుతున్నా.. వాడు బండరాయి.. నన్ను అస్సలు పట్టించుకోవడం లేదు.. అని మిస్డ్ కాల్ ఇచ్చి వదిలేస్తుంది శైలు. ఇక దీంతో కేశవ పదే పదే కాల్స్ చేస్తూనే ఉంటాడు. కానీ శైలు మాత్రం ఆ ఫోన్స్ కట్ చేస్తూ ఎంజాయ్ చేస్తుంటుంది. తెలుసురా నువ్వు చేస్తావ్ అని.. ఆ ఫోన్స్ కట్ చేస్తూ తన శాడిజాన్ని చూపిస్తుంది శైలు. కేశవ మాత్రం కంటిన్యూగా ఫోన్స్ చేస్తూనే ఉంటాడు.స్కూటీ కోసం బేరం.. ఇంకో వైపు ఉదయాన్నే స్కూటీ చూడటానికి వెళ్దాం అన్నాడు.. ఇంకా మొద్దులా నిద్రపోయాడు అని కేశవ మీద నీళ్లు చల్లి మరీ లేపుతాడు చక్రి. ఇక ఇద్దరూ కలిసి స్కూటీ కోసం వెళ్తారు. అక్కడ స్కూటీ ఓనర్‌తో చక్రి బేరం ఆడతాడు. ఇది లక్కీ.. ముప్పై వేలకు ఇస్తాను అని అతను అంటాడు. నా భార్యకి గిఫ్ట్‌గా ఇస్తున్నాను.. అని చక్రి పదే పదే రిక్వెస్ట్ చేయడంతో 25 వేళకు సెట్ అవుతుంది. పది వేలు అడ్వాన్స్‌గా ఇస్తాడు చక్రి. మిగితావి ఇచ్చాకే రిజిస్ట్రేషన్ అని, ఆ డబ్బులు ఇప్పించే బాధ్యత నీదే కేశవ అని ఆ ఓనర్ అంటాడు. అంతటితో ఎపిసోడ్ పూర్తవుతుంది.