ధర రూ.14 మాత్రమే.. ఈ 'డైమండ్' కంపెనీలో 100 షేర్లు కొంటే మరో 100 షేర్లు బోనస్

చెప్పారు. తమ షేర్ హోల్డర్లు 1:1 రేషియోలో బోనస్ షేర్లు ఇవ్వాలని నిర్ణయించారు. ఈ బోనస్ షేర్ల జారీకి అర్హులైన వారిని నిర్ణయించే రికార్డు డేట్ జూన్ 16గా నిర్ణయించారు. జూన్ 16కి ఇంకా 4 రోజులు మాత్రమే ఉంది. రికార్డ్ తేదీ రోజున కంపెనీ షేర్లు ఎక్స్-బోనస్ ట్రేడింగ్ నిర్వహిస్తాయి. ఆలోపు షేర్లు కొనుగోలు ఉన్న వారికే అర్హత లభిస్తుంది. దీని ప్రకారం జూన్ 15వ తేదీ సోమవారం రోజు మార్కెట్లు ముగిసే లోపు ఈ కంపెనీలో షేర్లు కొనుగోలు చేసి ఉండాలి. ఇక ఈ బోనస్ ఇష్యూ ప్రకారం ఎవరైతే కంపెనీకి చెందిన 1 షేరు కొనుగోలు చేసి తమ అకౌంట్ లో కలిగి ఉంటారో వారికి 1 ఈక్విటీ షేర్ బోనస్‌గా ఇస్తారు. దీని అర్థం ఒకవేళ మీ వద్ద 100 షేర్స్ ఉంటే మీకు మరో 100 షేర్స్ ఉచితంగా బోనస్ రూపంలో వస్తాయి. మరోవైపు ఈ కంపెనీ షేరు గత ఏడాదిలో 65 శాతం నష్టపోయింది. మినీ డైమండ్స్ ఇండియా లిమిటెడ్ అనేది రూ. 50 లోపు ధర గల ఒక పెన్నీ స్టాక్.కంపెనీ ఎక్స్చేంజ్ ఫైలింగ్ ప్రకారం.. ఇటీవలే కంపెనీ బోర్డు ఆఫ్ డైరెక్టర్స్ సమావేశమై 1:1 రేషియోలో బోనస్ షేర్లు ఇచ్చేందుకు అంగీకారం తెలిపారు. రికార్డు డేట్ నాటికి ఎవరైతే రూ. 2 ఫేస్ వ్యాల్యూ ఉన్న 1 ఈక్విటీ షేరుని తమ డీమ్యాట్ అకౌంట్లో కలిగి ఉంటారో వారికి అదనంగా రూ. 1 ఫేస్ వ్యాల్యూ ఉన్న 1 ఈక్విటీ షేరుని బోనస్ రూపంలో ఉచితంగా ఇస్తారు. ఈ బోనస్ ఇష్యూ రికార్డు డేట్ జూన్ 16, 2026గా డైరెక్టర్స్ బోర్డు నిర్ణయించారు. స్టాక్ మార్కెట్ చివరి ట్రేడింగ్ సెషన్లో మినీ డైమండ్స్ ఇండియా లిమిటెడ్ షేరు 0.86 శాతం లాభంతో రూ. 14.01 వద్ద ముగిసింది. అయితే, ఈరోజు చూసుకుంటే ఈ స్టాక్ 0.57 శాతం పెరిగి రూ.14.09 వద్ద ట్రేడవుతోంది. ఈ షేరు 52 వారాల గరిష్ఠ ధర రూ. 43.60 వద్ద ఉండగా 52 వారాల కనిష్ఠ ధర రూ. 13.60 వద్ద ఉన్నాయి. గత వారం రోజుల్లో ఈ షేరు 1 లాభపడింది. గత నెల రోజుల్లో 7 శాతం పడిపోయింది. గత ఆరు నెలల్లో 49 శాతం నష్టపోయింది. అదే గత ఏడాదిలో 65 శాతం పడిపోయింది. గత ఐదేళ్ల కాలంలో 978 శాతం లాభాన్ని అందించింది. ప్రస్తుతం ఈ కంపెనీ మార్కెట్ విలువ సుమారు రూ. 166 కోట్లుగా ఉంది.