తిరుమల భక్తులకు అలర్ట్.. తిరుపతి వైపు వెళ్లే పలు రైళ్లు రద్దు

వాహనాల ద్వారా కొండపైకి వెళ్తుంటారు. అయితే, తిరుమల వెళ్లే భక్తులకు రైల్వేశాఖ తాజాగా ఒక ముఖ్యమైన అలర్ట్ జారీ చేసింది. రైల్వే మౌలిక సదుపాయాల విస్తరణ, ఆధునికీకరణ పనుల్లో భాగంగా తిరుపతి వైపు వెళ్లే పలు రైళ్లను తాత్కాలికంగా రద్దు చేస్తున్నట్లు దక్షిణ మధ్య రైల్వే వెల్లడించింది. ప్రయాణికులు ఈ మార్పులను గమనించి, తదనుగుణంగా తమ ప్రయాణ ఏర్పాట్లు చేసుకోవాలని రైల్వే అధికారులు సూచించారు.

Read also: Chandrababu Naidu Condolences: అమెరికా దాడిలో మెరైన్ ఇంజినీర్ సురేష్ మృతిపై సీఎం చంద్రబాబు సంతాపం

తమిళనాడులోని అరక్కోణం యార్డ్ విస్తరణ పనుల కారణంగా ప్రధానంగా చెన్నై సెంట్రల్ – తిరుపతి మార్గంలో నడిచే రైళ్లపై ఈ ప్రభావం పడింది. చెన్నై సెంట్రల్ – తిరుపతి మధ్య ప్రయాణించే సప్తగిరి ఎక్స్‌ప్రెస్‌ను ఈ నెల 26, 28వ తేదీల్లో రద్దు చేశారు. ముఖ్యంగా ఉదయం 6.30 గంటలు, మధ్యాహ్నం 2.24 గంటల సర్వీసులు అందుబాటులో ఉండవు. చెన్నై సెంట్రల్ – తిరుపతి (4.35 గంటల ఎక్స్‌ప్రెస్) ఈ రైలును ఈ నెల 26వ తేదీన రద్దు చేశారు. తిరుపతి – చెన్నై సెంట్రల్ (ఉదయం 10.10 గంటల రైలు) ఈ సర్వీసును ఈ నెల 26, 28వ తేదీలలో పూర్తిగా రద్దు చేస్తున్నట్లు రైల్వే ప్రకటించింది. తిరుపతి – చెన్నై సెంట్రల్ (ఉదయం, సాయంత్రం 6.05 గంటల ట్రైన్): ఈ రెండు సర్వీసులను ఈ నెల 26వ తేదీన రద్దు చేశారు. వీటితో పాటు అరక్కోణం, చెన్నై సెంట్రల్, తిరుత్తణి సెక్షన్లలో నడిచే సుమారు 47 సబర్బన్ లోకల్ రైళ్ల రాకపోకల్లో కూడా మార్పులు చోటుచేసుకున్నాయి. కొన్ని రైళ్లను తిరువళంగడు వద్దే షార్ట్ టెర్మినేట్ ముందే నిలిపివేయడం చేస్తున్నారు.

మరోవైపు ముస్తాబాద్ – గన్నవరం స్టేషన్ల మధ్య అత్యవసర ట్రాక్ పనులు జరుగుతున్నాయి. ఈ కారణంగా దూరప్రాంత రైళ్ల మార్గాల్లో మార్పులు చేశారు. జూన్ 17, 24 తేదీల్లో ప్రయాణించాల్సిన బెంగళూరు – గువాహటి సూపర్‌ఫాస్ట్ ఎక్స్‌ప్రెస్ (12509)ను అధికారులు దారి మళ్లించారు. ఈ రైలు ఆయా రోజుల్లో రెగ్యులర్ రూట్‌కు బదులుగా విజయవాడ, గుడివాడ, నిడదవోలు మీదుగా ప్రయాణించనుంది. అలాగే జూన్ 23, 24వ తేదీలలో నడవాల్సిన దాదర్ – తిరునెల్వేలి ఎక్స్‌ప్రెస్ విరుదు నగర్ వరకు మాత్రమే వెళ్లనుందని అధికారులు స్పష్టం చేశారు. ప్రయాణికులు తాజా సమాచారం కోసం ఐఆర్‌సీటీసీ అధికారిక వెబ్‌సైట్ లేదా హెల్ప్‌లైన్‌ను సంప్రదించి మారిన షెడ్యూల్స్ గమనించాలని రైల్వేశాఖ కోరింది.

DK Aruna: మోదీ నాయకత్వంలో భారత్‌కు ప్రపంచవ్యాప్త గుర్తింపు: డీకే అరుణ

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.

AP Politics: తిరుపతి కూటమి సభలో అన్నీ అబద్ధాలే: షర్మిల!

Chandrababu Naidu Condolences: అమెరికా దాడిలో మెరైన్ ఇంజినీర్ సురేష్ మృతిపై సీఎం చంద్రబాబు సంతాపం

Pawan Kalyan: రాష్ట్ర పునర్నిర్మాణం కోసం కూటమి ఏర్పడింది: పవన్

Kurnool crime: క్షణికావేశంలో ముగ్గురు ఆత్మహత్య

Schools Reopen : తెరుచుకున్న పాఠశాలలు..పాఠ్యపుస్తకాల పంపిణీ

Amaravati Central Secretariat: అమరావతికి భారీ నిధులు.. రూ. 2,534 కోట్లతో కొత్త ప్రాజెక్టులు షురూ!