మనదేశంలో కరెన్సీ నోట్లను, నాణేలను ముద్రించే యూనిట్లు ఎక్కడున్నాయో తెలుసా

ఆలోచించారా? ప్రింటింగ్ ప్రెస్ యూనిట్లు మనదేశంలో ఎక్కడెక్కడ ఉన్నాయో తెలుసుకోండి. కరెన్సీ నోట్లు రాత్రికి రాత్రి తయారుకావు. వీటి రూపకల్పనకు, ముద్రణకు ఒక కఠినమైన ప్రక్రియ ఉంటుంది.

భారతదేశ అధికారిక కరెన్సీ రూపాయి. ప్రభుత్వం, రిజర్వ్ బ్యాంక్ ఆఫ్ ఇండియా కలిసి వీటి ఉత్పత్తి ప్రక్రియను కఠినంగా మార్చారు. ఆర్బిఐ చెబుతున్న ప్రకారం మనదేశంలో నాణేలను సెక్యూరిటీ ప్రింటింగ్ అండ్ మింటింగ్ కార్పొరేషన్ ఆఫ్ ఇండియా లిమిటెడ్ ఆధీనంలో ముద్రిస్తారు. వీటికి ముంబై, హైదరాబాద్, కోల్ కతా, నోయిడా అనే నాలుగు ప్రదేశాలలో మాత్రమే ఉత్పత్తి యూనిట్లు ఉన్నాయి.

రిజర్వ్ బ్యాంక్ ఆఫ్ ఇండియా చెబుతున్న ప్రకారం భారతదేశంలో నోట్లను దేశంలోని వివిధ ప్రాంతాలలో ఉన్న నాలుగు కరెన్సీ ప్రింటింగ్ ప్రెస్ లలో ముద్రిస్తారు. మహారాష్ట్రలోని నాసిక్, మధ్యప్రదేశ్ లోని దేవాస్, కర్ణాటకలోని మైసూరు, పశ్చిమబెంగాల్ లోని సల్బోని నగరాల్లో ఉన్నాయి. వీటిని రిజర్వ్ బ్యాంక్ కు చెందిన సంస్థలే నిర్వహిస్తాయి.

కరెన్సీ నోట్లు ముద్రించే అధికారం కేవలం రిజర్వ్ బ్యాంక్ ఆఫ్ ఇండియాకు మాత్రమే ఉంటుంది. ఆర్బిఐ సిఫార్సులు ఆధారంగానే నోట్ల డిజైన్, పరిమాణం, మెటీరియల్ వంటివి నిర్ణయిస్తారు. దానికి కేంద్ర ప్రభుత్వం ఆమోదం లభిస్తుంది. ప్రతి ఏడాది ఆర్బిఐ అవసరమైన నోట్ల సంఖ్యను అంచనా వేసి ప్రింటింగ్ ప్రెస్ లకు ఆర్డర్లు పంపిస్తుంది.