మస్క్ దెబ్బ.. వాల్ స్ట్రీట్ అబ్బా! ప్రపంచ రికార్డులు బద్దలు

ప్రముఖ వ్యాపారవేత్త, ప్రపంచ కుబేరుడు ఎలాన్ మస్క్‌కు చెందిన రాకెట్, స్పేస్‌క్రాఫ్ట్ తయారీ సంస్థ స్పేస్‌ఎక్స్’ (SpaceX) సరికొత్త చరిత్ర సృష్టించింది. అమెరికా స్టాక్ మార్కెట్ చరిత్రలోనే అతిపెద్ద ఐపీఓ (Initial Public Offering)గా స్పేస్‌ఎక్స్ రికార్డుకెక్కింది. ఒక్కో షేరు ధరను 135 డాలర్లుగా (దాదాపు రూ.11,300) ఖరారు చేస్తూ గురువారం కంపెనీ అధికారిక ప్రకటన విడుదల చేసింది. ఈ ఐపీఓ ద్వారా స్పేస్‌ఎక్స్ ఏకంగా 75 బిలియన్ డాలర్లను (సుమారు రూ.6.3 లక్షల కోట్లు) మార్కెట్ నుండి వసూలు చేసి, ప్రపంచంలోనే అత్యంత విలువైన కంపెనీల సరసన చేరింది.ఇప్పటివరకు ప్రపంచంలోనే అతిపెద్ద ఐపీఓ రికార్డు సౌదీ అరేబియాకు చెందిన ప్రభుత్వ చమురు దిగ్గజం సౌదీ అరామ్‌కో పేరుతో ఉండేది. 2019 డిసెంబర్‌లో అరామ్‌కో ఐపీఓ ద్వారా 25.6 బిలియన్ డాలర్లను సేకరించింది. ఇప్పుడు స్పేస్‌ఎక్స్ ఏకంగా 75 బిలియన్ డాలర్లను రాబట్టి ఆ పాత రికార్డును క్లీన్ స్వీప్ చేసింది. తాజా ఐపీఓతో స్పేస్‌ఎక్స్ మొత్తం మార్కెట్ విలువ 1.77 ట్రిలియన్ డాలర్లకు (దాదాపు రూ.150 లక్షల కోట్లు) చేరింది.టెస్లా, మెటాల కంటే ఇదే టాప్!నాస్‌డాక్ (Nasdaq) స్టాక్ ఎక్స్ఛేంజ్‌లో స్పేస్‌ఎక్స్ షేర్ల ట్రేడింగ్ ప్రారంభం కానుంది. ఈ లిస్టింగ్‌తో అమెరికాలోనే అత్యంత విలువైన కంపెనీల జాబితాలో స్పేస్‌ఎక్స్ 7వ స్థానంలో నిలవబోతోంది. విశేషం ఏంటంటే.. మార్కెట్ విలువ పరంగా ఈ కంపెనీ ప్రముఖ బ్యాంకింగ్ దిగ్గజం జేపీ మోర్గాన్, వారెన్ బఫెట్‌కు చెందిన బెర్క్‌షైర్ హాత్వేలతో పాటు సోషల్ మీడియా దిగ్గజం మెటా (ఫేస్‌బుక్), అలాగే మస్క్‌కు చెందిన సొంత కార్ల కంపెనీ టెస్లా కంటే కూడా ముందంజలోకి దూసుకెళ్లింది.SpaceX IPO: మస్క్ సంచలనం.. మార్కెట్ చరిత్రలోనే అతిపెద్ద ఎంట్రీ! తొలిరోజు మార్కెట్ స్పందన ఎలా ఉంటుందనేదాని కంటే, రాబోయే కొన్ని వారాల పాటు ఈ షేరు ధరను మార్కెట్ ఎలా రిసీవ్ చేసుకుంటుంది అనేది ముఖ్యం. ప్రస్తుతం రిటైల్ ఇన్వెస్టర్లు ఇందులో భారీగా పెట్టుబడులు పెడుతున్నారు అని న్యూయార్క్‌కు చెందిన 50 పార్క్ ఇన్వెస్ట్‌మెంట్స్ సీఈఓ ఆడమ్ సర్హాన్ విశ్లేషించారు.మస్క్ మార్క్.. రూల్స్ బ్రేకింగ్!వాల్ స్ట్రీట్ (అమెరికా స్టాక్ మార్కెట్) సంప్రదాయాలను ఎలాన్ మస్క్ మరోసారి తనదైన శైలిలో తిరగరాశారు. సాధారణంగా ఐపీఓ ధరను మార్కెట్ ముగిసిన తర్వాత (సాయంత్రం 4 గంటల తర్వాత) ప్రకటిస్తుంటారు. కానీ, మస్క్ మాత్రం మార్కెట్ నడుస్తుండగానే మధ్యాహ్నం 3 గంటలకే ధరను అధికారికంగా ప్రకటించి అందరినీ ఆశ్చర్యపరిచారు. అంతేకాదు, సాధారణ ఇన్వెస్టర్లకు (Retail Buyers) ఏకంగా 30 శాతం షేర్లను కేటాయించి సరికొత్త ట్రెండ్‌కు తెరతీశారు.రాత్రికి రాత్రే కోటీశ్వరులు! ఉద్యోగులకు జాక్‌పాట్గత ఏడాది ఈ కంపెనీ కొంత నష్టాల్లో ఉన్నప్పటికీ, అంతరిక్ష పరిశోధనలు, శాటిలైట్ కమ్యూనికేషన్స్, ఆర్టిఫిషియల్ ఇంటెలిజెన్స్ (AI) రంగాల్లో స్పేస్‌ఎక్స్‌కు ఉన్న తిరుగులేని భవిష్యత్తును నమ్మి ఇన్వెస్టర్లు కోట్లాది రూపాయల పెట్టుబడులతో క్యూ కట్టారు.