శుక్రుడి కటాక్షం మొదలైంది.. ఈ 4 రాశుల వారికి డబ్బే డబ్బు.. గౌరవం, ప్రేమలో భారీ లాభాలు

, గౌరవం, అదృష్టాన్ని ప్రసాదించే పుష్య నక్షత్రంలో శుక్రుడి సంచారం ప్రత్యేక ఫలితాలను ఇవ్వనుంది. జ్యోతిష్య శాస్త్రం ప్రకారం, పుష్య నక్షత్రానికి అధిపతి శని. శని, శుక్రులు మిత్ర గ్రహాలు కావడంతో ఈ సంచారం మరింత శుభప్రదంగా మారింది. శుక్రుడు జూన్ 11 నుంచి జూన్ 22, 2026 వరకు పుష్య నక్షత్రంలో సంచరిస్తాడు. ఈ కాలంలో ముఖ్యంగా నాలుగు రాశుల వారికి అదృష్టం కలిసి వచ్చే అవకాశాలు ఎక్కువగా ఉన్నాయి.

1. వృషభ రాశి: వ్యక్తిత్వానికి ప్రత్యేక ఆకర్షణ.. వృషభ రాశికి అధిపతి శుక్రుడు కావడంతో ఈ సంచారం వారికి అత్యంత అనుకూలంగా ఉంటుంది. మీ మాటలకు విలువ పెరుగుతుంది. వ్యక్తిత్వం మరింత ఆకర్షణీయంగా మారి, చుట్టుపక్కల వారిపై మంచి ప్రభావం చూపగలుగుతారు. ఆత్మవిశ్వాసం పెరిగి, కీలక నిర్ణయాల్లో విజయం సాధిస్తారు. ఉద్యోగం, వ్యాపారంలో పురోగతి కనిపించడంతో పాటు ఆర్థిక పరిస్థితి కూడా మెరుగుపడే అవకాశం ఉంది.

2. కర్కాటక రాశి: ప్రతిష్ఠ, గౌరవం పెరుగుతాయి.. కర్కాటక రాశి వారికి శుక్రుడి ఈ సంచారం మంచి గుర్తింపు, గౌరవాన్ని తీసుకురాగలదు. ఉద్యోగ, వ్యాపార రంగాల్లో చేపట్టిన పనులు విజయవంతమయ్యే అవకాశముంది. కుటుంబ, దాంపత్య సంబంధాలు మరింత బలపడతాయి. మీరు తీసుకునే నిర్ణయాలు భవిష్యత్తులో మంచి లాభాలను అందించేలా ఉంటాయి. సమాజంలో మీ స్థానం కూడా మెరుగుపడుతుంది.

3. తులా రాశి: ధన ప్రవాహం పెరుగుతుంది.. తులా రాశికి కూడా శుక్రుడే అధిపతి. అందువల్ల ఈ కాలంలో ఆర్థిక లాభాల అవకాశాలు బలంగా కనిపిస్తున్నాయి. పెట్టుబడుల నుంచి మంచి ఫలితాలు పొందవచ్చు. నిలిచిపోయిన బకాయిలు లేదా రావలసిన డబ్బు తిరిగి చేతికి వచ్చే అవకాశం ఉంది. కళలు, సృజనాత్మక రంగాలు, మీడియా, ఫ్యాషన్ రంగాల్లో ఉన్నవారికి ప్రత్యేక అవకాశాలు లభించవచ్చు. జీవన ప్రమాణాలు మెరుగుపడతాయి.

4. మీన రాశి: హోదా, సంపద, ప్రేమలో సానుకూల మార్పులు.. మీన రాశి వారికి శుక్రుడి పుష్య నక్షత్ర ప్రవేశం అనేక శుభఫలితాలను అందించవచ్చు. ఆర్థికంగా లాభాలు పెరిగి, గతంలో ఉన్న ఆర్థిక ఒత్తిడి తగ్గే సూచనలు ఉన్నాయి. ఉద్యోగంలో లేదా సమాజంలో గౌరవం పెరుగుతుంది. కొంతకాలంగా కొనసాగుతున్న వివాదాలు మీకు అనుకూలంగా పరిష్కారమయ్యే అవకాశం ఉంది. ప్రేమ జీవితంలో ఆనందకరమైన పరిణామాలు చోటుచేసుకుని, సంబంధాలు మరింత బలపడతాయి.

శుక్రుడి అనుగ్రహం కోసం చేయాల్సిన పరిహారాలు.. శుక్రవారం ఉపవాసం పాటించడం శుభప్రదంగా భావిస్తారు. మహాలక్ష్మీ దేవిని భక్తిశ్రద్ధలతో పూజించాలి. పాయసం, పాలు లేదా చక్కెరతో చేసిన మిఠాయిలను నైవేద్యంగా సమర్పించాలి. శుక్ర గ్రహ అనుగ్రహం కోసం "ఓం ద్రాం ద్రీం ద్రౌం సః శుక్రాయ నమః" మంత్రాన్ని జపించవచ్చు. లేదా "ఓం శుం శుక్రాయ నమః" అనే ఏకాక్షర బీజ మంత్రాన్ని భక్తితో జపించడం కూడా శుభఫలితాలను ఇస్తుందని జ్యోతిష్య శాస్త్రం చెబుతోంది. (Disclaimer: ఇక్కడ అందించిన సమాచారం జ్యోతిష్యం, సాధారణ నమ్మకాల ఆధారంగా మాత్రమే అందించబడింది. ఈ సమాచారం ఖచ్చితంగా నిజం లేదా శాస్త్రీయంగా నిర్ధారితమైన సమాచారం అని భావించకండి. వ్యక్తిగత నిర్ణయాలు తీసుకునే ముందు సంబంధిత నిపుణులను సంప్రదించడం మంచిది.)