ఎక్కడున్నావమ్మా జ్ఞానేశ్వరి.. మీకు కనిపిస్తే ఈ నంబర్స్ కి కాల్ చేయండి

రాష్ట్రవ్యాప్తంగా తీవ్ర ఆందోళనకు గురిచేస్తోంది. తుని రూరల్ మండలం సి.హెచ్. అగ్రహారం గ్రామానికి చెందిన జ్ఞానేశ్వరి జూన్ 6న ఇంటి సమీపంలో ఆడుకుంటూ ఉండగా కనిపించకుండా పోయింది. వ్యవసాయ కూలీలైన తల్లిదండ్రులు మొదట గ్రామస్తుల సహాయంతో స్వయంగా గాలించినప్పటికీ ఎలాంటి సమాచారం లభించలేదు. దీంతో వెంటనే పోలీసులను ఆశ్రయించి ఫిర్యాదు చేశారు. చిన్నారి ఆచూకీ కోసం కుటుంబ సభ్యులు రోజురోజుకూ ఆందోళన చెందుతుండగా, గ్రామంలోనూ విషాద వాతావరణం నెలకొంది. AP Schools Reopen: వేసవి సెలవులు ముగిశాయి.. రేపటి నుంచి తెరుచుకోనున్న స్కూల్స్ చిన్నారిని గుర్తించేందుకు పోలీసులు భారీ స్థాయిలో గాలింపు చర్యలు చేపట్టారు. దాదాపు 10 ప్రత్యేక బృందాలు, SDRF సిబ్బంది, అటవీ శాఖ, రెవెన్యూ శాఖ, అగ్నిమాపక సిబ్బంది కలిసి పరిసర ప్రాంతాలను జల్లెడ పడుతున్నారు. జీడితోటలు, కొండ ప్రాంతాలు, చెరువులు, నీటి గుంతలు, అటవీ ప్రాంతాలను క్షుణ్ణంగా పరిశీలిస్తున్నారు. డ్రోన్లు, డాగ్ స్క్వాడ్‌లు, సీసీటీవీ ఫుటేజ్‌లను కూడా వినియోగిస్తూ దర్యాప్తు కొనసాగిస్తున్నారు. చిన్నారిని ఎవరైనా అపహరించి ఉండవచ్చనే కోణంలో కూడా పోలీసులు విచారణ జరుపుతున్నారు. ఈ కేసులో మరో ఆసక్తికర పరిణామం చోటుచేసుకుంది. చిన్నారితో పాటు కనిపించకుండా పోయిన కుటుంబ పెంపుడు కుక్క కొన్ని రోజుల తర్వాత తిరిగి ఇంటికి చేరుకుంది. ఆ కుక్క చిన్నారి తల్లి భవానిని అడవి వైపు లాగడానికి ప్రయత్నించడంతో పోలీసులు ఆ ప్రాంతంలో ప్రత్యేకంగా గాలింపు చేపట్టారు. అయినప్పటికీ ఇప్పటివరకు చిన్నారి ఆచూకీ లభించలేదు. సమాచారం అందించిన వారికి రూ.1 లక్ష నగదు బహుమతి ప్రకటించారు. చిన్నారి గురించి ఏవైనా వివరాలు తెలిసిన వారు తండ్రి గణేష్ (6281199081) లేదా తుని రూరల్ సీఐ చెన్నకేశవరావు (9440796531)కు సమాచారం ఇవ్వాలని పోలీసులు కోరుతున్నారు. ప్రస్తుతం రాష్ట్ర ప్రజలంతా చిన్నారి క్షేమంగా తిరిగి రావాలని ప్రార్థిస్తున్నారు.