అది ఫేక్ వీడియో

ఇంటర్నెట్‌ డెస్క్‌: ప్రస్తుత ఏఐ యుగంలో ఏది నిజమో.. ఏది కల్పితమో తెలియని పరిస్థితి నెలకొంది. రాజస్థాన్‌ రాయల్స్‌ ఆటగాడు వైభవ్‌ సూర్యవంశీ.. టీమ్‌ఇండియా స్టార్‌ బ్యాటర్‌ విరాట్‌ కోహ్లీని చాలా నెమ్మదిగా ఆడతాడంటూ అవమానించేలా మాట్లాడినట్లున్న ఓ వీడియో సోషల్‌ మీడియాలో వైరల్‌ అవుతోంది. విరాట్‌ గురించి హర్షా భోగ్లే ఒక ప్రశ్న అడిగితే.. వైభవ్‌ దానికి సమాధానం ఇచ్చినట్లుగా ఉంది ఆ వీడియో. అయితే అది ఫేక్‌ వీడియో అని ప్రముఖ క్రికెట్‌ కామెంటేటర్‌ హర్షా భోగ్లే ‘ఎక్స్‌’ వేదికగా క్లారిటీ ఇచ్చాడు. ‘సోషల్‌ మీడియాలో వైరల్‌ అవుతున్న ఆ వీడియో ఫేక్‌. అందులో వైభవ్‌ను మర్యాద తెలియనివాడిగా, అహంకారిగా చిత్రీకరించారు. నేను అతడిని ఆ ప్రశ్న అడగలేదు. అతడు కూడా అలాంటి సమాధానమేదీ ఇవ్వలేదు. క్రూరంగా, దురుద్దేశపూర్వకంగా ఇలా వీడియో క్రియేట్‌ చేశారు. తనతో మాట్లాడిన కొద్దిమందితో చాలా గౌరవంగా మాట్లాడే ఒక చిన్న పిల్లాడి విషయంలో ఇలా ప్రవర్తించడం మరింత దారుణం’ అని హర్షా భోగ్లే పేర్కొన్నాడు. ఇంతకీ ఆ ఫేక్‌ వీడియోలో ఏముందంటే.. ‘మీరు కూడా విరాట్‌ కోహ్లీలా క్రికెట్‌ ప్రపంచాన్ని ఓ రాజులా ఏలాలి అనుకుంటున్నారా?’ అని హర్షా భోగ్లే అడిగితే.. ‘నాకు విరాట్‌ భయ్యా అంటే ఇష్టం. కానీ నాకు అతడి రికార్డ్స్‌ అంటే ఇష్టం లేదు. అతడు చాలా నెమ్మదిగా హాఫ్‌ సెంచరీలు, సెంచరీలు చేస్తాడు..’ అని అన్నట్లుగా ఉంది. కానీ అదంతా ఫేక్‌ అని హర్షా భోగ్లే తేల్చిచెప్పాడు. గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో