ట్రైన్ లో లగేజీ పోతే లేదా దెబ్బతింటే ఏం చేయాలో తెలుసా

క్లాస్‌ను బట్టి లగేజీ పరిమితి

భారతీయ రైల్వే ప్రతి ప్రయాణికుడికి ప్రయాణించే క్లాస్ ఆధారంగా ఉచిత లగేజీ పరిమితిని నిర్ణయించింది.

• ఏసీ ఫస్ట్ క్లాస్: 70 కిలోల వరకు ఉచితం

• ఫస్ట్ క్లాస్ / ఏసీ 2-టియర్: 50 కిలోల వరకు

• ఏసీ 3-టియర్ : 40 కిలోల వరకు

• స్లీపర్ క్లాస్: 40 కిలోల వరకు

• సెకండ్ క్లాస్: 35 కిలోల వరకు

  5 నుంచి 12 ఏళ్ల మధ్య వయస్సు ఉన్న పిల్లలకు ఈ పరిమితిలో సగం వరకు మాత్రమే ఉచిత అనుమతి ఉంటుంది.

  
  

  ఎక్కువ లగేజీ ఉంటే ఏం చేయాలి?

  నిర్దేశించిన పరిమితి కంటే ఎక్కువ బరువు ఉన్న లగేజీని ముందుగానే రైల్వే అధికారులకు తెలియజేయాలి. అదనపు బరువుకు సంబంధించిన ఛార్జీలు చెల్లించి బుక్ చేసుకోవాలి. ఇలా చేయకపోతే తనిఖీల సమయంలో జరిమానా విధించే అవకాశం ఉంటుంది.

  లగేజీ పరిమాణంపై కూడా నిబంధనలు

  కేవలం బరువు మాత్రమే కాదు, లగేజీ పరిమాణానికి కూడా రైల్వే పరిమితులు విధించింది. చాలా పెద్ద సూట్‌కేసులు, ట్రంకులు లేదా భారీ ప్యాకేజీలను కోచ్‌లో తీసుకెళ్లేందుకు అనుమతి ఉండకపోవచ్చు. అలాంటి సామాను ప్రత్యేకంగా బుక్ చేసి బ్రేక్ వ్యాన్ ద్వారా పంపించాల్సి ఉంటుంది.

  తీసుకెళ్లకూడని వస్తువులు

  ప్రయాణికుల భద్రత దృష్ట్యా కొన్ని వస్తువులను రైలులో తీసుకెళ్లడాన్ని రైల్వే పూర్తిగా నిషేధించింది.

  • పేలుడు పదార్థాలు

  • గ్యాస్ సిలిండర్లు

  • ప్రమాదకర రసాయన పదార్థాలు

  • ఇతరులకు హాని కలిగించే వస్తువులు

    అలాగే వ్యాపార అవసరాల కోసం తీసుకెళ్తున్న సరుకును వ్యక్తిగత లగేజీగా చూపించడం కూడా నిబంధనలకు విరుద్ధం.
    

    భారీ లగేజీ కోసం ప్రత్యేక బుకింగ్

    అధిక బరువు లేదా పెద్ద పరిమాణం ఉన్న సామాను తీసుకెళ్లాలనుకుంటే, రైలు బయలుదేరే సమయానికి ముందే లగేజీ కార్యాలయంలో బుక్ చేయాలి. సామానుపై సరైన లేబుల్ ఉండాలి. బరువు, పరిమాణం ఆధారంగా ఛార్జీలు నిర్ణయిస్తారు.

    నిబంధనలు పాటించకపోతే?

    అనుమతించిన పరిమితికి మించి లగేజీ తీసుకెళ్లి ముందుగా నమోదు చేయకపోతే అదనపు ఛార్జీలతో పాటు జరిమానా కూడా విధించవచ్చు. కొన్ని సందర్భాల్లో సాధారణ రేటు కంటే అనేక రెట్లు ఎక్కువ మొత్తాన్ని చెల్లించాల్సి రావచ్చు.

    లగేజీ పోతే లేదా దెబ్బతింటే?

    ప్రయాణ సమయంలో లగేజీ పోయినా లేదా దెబ్బతిన్నా వెంటనే రైల్వే సిబ్బంది, జీఆర్‌పీ లేదా ఆర్‌పీఎఫ్ అధికారులకు ఫిర్యాదు చేయాలి. లగేజీ విలువను ముందుగానే రైల్వే వద్ద నమోదు చేసి ఉంటే, అది పోయినా లేదా దెబ్బతిన్నా రైల్వే నిబంధనల ప్రకారం పరిహారం పొందే అవకాశం ఉంటుంది.

    గుర్తుంచుకోవాల్సిన విషయం

    రైలులో ప్రయాణించే ముందు లగేజీ బరువు, పరిమాణం, రైల్వే నిబంధనల గురించి తెలుసుకోవడం చాలా ముఖ్యం. సరైన ప్రణాళికతో ప్రయాణిస్తే మీ రైలు ప్రయాణం మరింత సౌకర్యవంతంగా ఉంటుంది.

    
    

    Also Read:

    ఖర్జూరాలు.. కొలెస్ట్రాల్ తగ్గించడంలో సహాయపడతాయా?

    చిన్న పిల్లాడిలా మారి.. డ్యాన్స్ చేసిన విరాట్! వీడియో వైరల్...

    For More Latest News

    Andhra Jyothyలో పూర్తి కథనం చదవండి

    Share this article

    WhatsAppXEmail