త్రీడీ మోడల్‌లో ఎస్వీ మ్యూజియం.. ఆధ్యాత్మిక లోకంలో విహారం!

తిరుమల (Tirumala)లో అత్యాధునిక హంగులతో సిద్ధమైన శ్రీవేంకటేశ్వర మ్యూజియాన్ని ముఖ్యమంత్రి చంద్రబాబు (Chandrababu) బుధవారం ప్రారంభించారు. జీ+3 అంతస్తుల మ్యూజియంలో.. 19 గ్యాలరీలు, 14 వేల కళాఖండాలు ఉన్నాయి. తిరుమల విశిష్టతలను తెలిపేలా వివిధ అంశాలను అందుబాటులోకి తీసుకొచ్చారు. శ్రీవారి ఆభరణాల నమూనాలు, చారిత్రక అంశాలను తెలిపేలా వస్తు ప్రదర్శన ఏర్పాటు చేశారు. శ్రీవారి కిరీటాలు, ఆభరణాలు త్రీడీ మోడల్‌లో చిత్రీకరించి ప్రదర్శించేలా ఏర్పాట్లు చేశారు. ఏఐ వీడియో ద్వారా శ్రీవారి పరిణయ విశేషాల ప్రదర్శనను ఈ సందర్భంగా సీఎం తిలకించారు. తిరుమల ఏడుకొండల త్రీడీ మోడల్‌ను కూడా మ్యూజియంలో ఏర్పాటు చేశారు. ఈ వీడియో చూశారా: ‘వీఆర్‌’లో తిరుమలను తిలకించిన సీఎం చంద్రబాబు