కుప్పకూలుతున్న బంగారం ధర.. వరుసగా రెండోరోజూ భారీ పతనం.. ఈరోజు గోల్డ్ రేటు ఎంతంటే

ప్రస్తుతం స్పాట్ గోల్డ్ ఔన్సు రేటు 3983 డాలర్ల వద్ద ట్రేడవుతోంది. ఇక స్పాట్ సిల్వర్ రేటు ఔన్సుకు 1.19 శాతం మేర తగ్గింది. ప్రస్తుతం వెండి ఔన్స్ రేటు 57 డాలర్ల వద్ద అమ్ముడవుతోంది.

హైదరాబాద్ బులియన్ మార్కెట్లో పసిడి రేట్లు మళ్లీ తగ్గాయి. వరుసగా రెండో రోజూ భారీగా పతనమయ్యాయి. 24 క్యారెట్ల బంగారం రేటు రెండ్రోజుల్లో రూ.3800 వరకు పడిపోయింది. ఈరోజు 10 గ్రాముల బంగారం రేటు రూ.1800 మేర పడిపోవడంతో తులం బంగారం రూ.1,40,130 వద్దకు దిగివచ్చింది. అలాగే 22 క్యారెట్ల పసిడి రేటు ఈరోజు మరో రూ.1650 మేర పడిపోయింది. దీంతో తులం బంగారం రేటు రూ.1,28,450 వద్దకు దిగివచ్చింది.

బంగారంతో పాటు వెండి రేటు సైతం దిగివస్తుందని అంచనా వేసినా అందుకు భిన్నంగా స్థిరంగా కొనసాగుతోంది. హైదరాబాద్ మార్కెట్లో వెండి రేటు గత నాలుగు రోజులుగా స్థిరంగానే ఉంది. ఈరోజు కిలో వెండి రేటు రూ.2,45,000 మార్క్ వద్ద ట్రేడవుతోంది.

హైదరాబాద్ సహా దక్షిణ భారత్‌లోని ప్రముఖ జువెలరీల్లో ఒకటిన లలితా జువెలరీల్లోనూ ఈరోజు బంగారం ధరలు తగ్గాయి. 22 క్యారెట్ల ఆభరణాల గోల్డ్ రేటు 1 గ్రాముకు రూ.165 మేర తగ్గింది. దీంతో గ్రాము గోల్డ్ రేటు రూ.12,845 వద్ద అమ్ముడవుతోంది. ఇక తులం బంగారం చూసుకుంటే రూ.1,28,450 వద్ద ఉంది.

రచయిత గురించిబండ తిరుపతిబండ తిరుపతి సమయం తెలుగులో డిజిటల్ కంటెంట్ ప్రొడ్యూసర్‌గా పనిచేస్తున్నారు. ఆయనకు జర్నలిజంలో 10 సంవత్సరాలకు పైగా అనుభవం ఉంది. 2023లో సమయంలో చేరిన తిరుపతి.. బిజినెస్‌ రంగానికి సంబంధించి తాజా వార్తలతో పాటు పర్సనల్ ఫైనాన్స్, పెట్టుబడులు, మ్యూచువల్ ఫండ్స్, స్టాక్ మార్కెట్ న్యూస్, బంగారం వెండి ధరలపై ఎప్పటికప్పుడు అప్‌డేట్లు అందిస్తున్నారు. ఫ్యాక్ట్ చెక్ ఆర్టికల్స్‌తో పాటు ప్రభుత్వ పథకాలకు సంబంధించిన సమాచారం సైతం ఇస్తున్నారు. బండ తిరుపతి 2025 ఫిబ్రవరి‌లో టైమ్స్ ఇంటర్నెట్ నుంచి ఓవర్ అచీవర్ ఆఫ్ ది మంత్ అవార్డును అందుకున్నారు. తిరుపతి మండలస్థాయి న్యూస్ కంట్రిబ్యూటర్‌గా తన జర్నలిజం కెరీర్‌ను ప్రారంభించారు. ఈనాడు జర్నలిజం స్కూల్‌లో మల్టీమీడియా జర్నలిజం కోర్స్ పూర్తి చేశారు. అనంతరం ఈటీవీ భారత్, సాక్షి మీడియా సంస్థల్లో పని చేశారు. అక్కడ బిజినెస్, స్పోర్ట్స్, నేషనల్, ఇంటర్నేషనల్ న్యూస్ రాశారు. 2019 సాధారణ ఎన్నికల సమయంలో ప్రత్యేక కథనాలు అందించిన అనుభవం ఉంది. సినిమాలు, క్రికెట్ చూడటం, బిజినెస్ రంగానికి సంబంధించిన కొత్త విషయాలు నేర్చుకోవడం పట్ల ఆయన ఆసక్తి చూపుతారు.... ఇంకా చదవండి