పొదరిల్లు’ ఫాదర్ ఇంటర్వ్యూ.. తాగుబోతు తండ్రినే కానీ మందు అలవాటే లేదు.. సాక్షి,వార్తలో జర్నలిస్ట్ గా ప్రయాణం

పొదరిల్లు సీరియల్‌లో తన అద్భుత నటనతో మెప్పిస్తున్న నారాయణ అసలు పేరు కాకినాడ నాని ( Kakinada Nani ) అతన్ని చూడగానే తాగుబోతు తండ్రి గుర్తొస్తారు. కానీ ఆయనకి అసలు తాగుడే అలవాటు లేదంట. ఇదొక్కటే కాదు.. తన పర్సనల్ లైఫ్‌కి సంబంధించి చాలా విషయాలను చెప్పుకొచ్చారు కాకినాడ నాని. ‘నా పేరు కాకినాడ నాని.. పొదరిల్లు సీరియల్‌లో తాగుబోతు తండ్రిగా జనాలు నన్ను గుర్తించారు. నన్ను చూడగానే.. ఫుల్ తాగారా? అని అడుగుతారు కానీ.. ఆ దేవుడి దయవల్ల నాకు అసలు తాగుడు అలవాటే లేదు. సీరియల్‌లో మాత్రమే పెగ్ వేస్తా కానీ.. రియల్ లైఫ్‌లో మందు తాగను, సిగరెట్ తాగను. ఎంతో అదృష్టం చేసుకుంటేనే కానీ.. పొదరిల్లు లాంటి క్యారెక్టర్ రాదు. నా కష్టానికి ఇన్నాళ్లకి ప్రతిఫలం దక్కింది. నేను థియేటర్ ఆర్టిస్ట్‌ని. 30 ఏళ్లుగా నాటికలు, నాటకాలు వేశాను. చాలా అవార్డులు వచ్చాయి. అదే ఇప్పుడు నాకు తిండిపెడుతుంది. ఇప్పుడు నాకు 53 ఏళ్లు. ఈ మధ్య నేను ‘పొదరిల్లు’ సీరియల్ ద్వారా జనం గుర్తించారు కానీ.. బ్లాక్ అండ్ వైట్ కాలం నుంచి సినిమాల్లో కూడా చేశాను. నేను కాకినాడలో ఉంటా కానీ.. ఏదైనా వేషం ఉంటే వస్తాను.. చేస్తాను. కరోనా తరువాత హైదరాబాద్‌కి వచ్చేశాను. అందరూ కాకినాడ నాని అని అంటారు కానీ.. నా అసలు పేరు చిలకచర్ల సూర్య నారాయణ. ఆర్జీవీ గారెతో ఐదు సినిమాలు చేశాను. వంగవీటి, ఎటాక్‌ వంటి సినిమాల్లో కూడా చేశాను. చిలకచర్ల సూర్య అంటే.. అప్పటికే వేరే సూర్య ఇండస్ట్రీలో ఉన్నారు కాబట్టి.. నాని అని మార్చుకున్నా. కాకినాడ కాబట్టి.. కాకినాడ సూర్య అయ్యాను. కేవలం ఆర్టిస్ట్‌గానే కాకుండా.. జర్నలిస్ట్‌గా వార్తలో 12 ఏళ్లు పనిచేశాను. కాకినాడలోనే కల్చరల్ వింగ్‌లో చేశాను. తరువాత సాక్షిలోకి వచ్చాను. కాకినాడ రూరల్ వింగ్ ఇన్ చార్జ్‌గా చేశాను. ఆ తరవాత అవకాశాలు వస్తుండటంతో.. హైదరాబాద్‌కి షిఫ్ట్ అయ్యాను. ఫ్యామిలీ కాకినాడలో ఉంటుంది.. నేను ఇక్కడ బ్యాచిలర్‌గా ఉన్నాను (నవ్వుతూ). నా గోల్ ఇదే. ఈ విషయంలో నా భార్యని దండంపెట్టాలి. పిల్లల బాధ్యతని తను తీసుకుని నా గోల్ కోసం నన్ను ఎంకరేజ్ చేస్తుంది. వాళ్ల సహకారం లేకపోతే ఏం చేయలేం. నా ఫ్రెండ్స్ కూడా నాకు ఎంతో సాయం చేశారు. నక్కా వెంకటరమణ అని నా ఫ్రెండ్ చాలా ఎంకరేజ్ చేశారు. నాకు కొంత డబ్బు సాయం చేసి.. నన్ను హైదరాబాద్‌కి పంపారు. కాకినాడ ఎక్స్ మినిస్టర్ గారు కూడా హెల్ప్ చేశారు. ఆయన బ్రదర్ కళ్యాణ్ కృష్టగారి సినిమాల్లో అవకాశం ఇచ్చారు. బంగార్రాజు, నేలటికెట్ సినిమాల్ల చేశాను. నేను ముష్టివాడి నుంచి మహరాజు వరకూ అన్ని క్యారెక్టర్లు చేశాను. పొదరిల్లు సీరియల్‌లో నాకు అవకాశం ఎలా వచ్చిందంటే.. రేవతి నాథ్ అనే ఆర్టిస్ట్ గారు ఫోన్ చేసి మేనేజర్ వర్మ గారికి నా నెంబర్ ఇచ్చారు. ఆయన ఫోన్ చేస్తే వెళ్లాను. వాళ్లు అనుకున్న లుక్‌కి నేను సెట్ అయ్యాను. అలా పొదరిల్లులో అడుగుపెట్టాను. ఈ విషయంలో రేవతి నాథ్ గారికి రుణ పడి ఉంటాను’ అంటూ చెప్పుకొచ్చారు పొదరిల్లు నారాయణ (Kakinada Nani).