పుణె వ్యాపారవేత్త కొడుకు మృతి వెనుక షాకింగ్ క్రైమ్ స్టోరీ

జూన్ 18న లోహగఢ్ కోట వద్ద కేతన్ లోయలో పడి మరణించడానికి సరిగ్గా నాలుగు రోజుల ముందే.. అంటే జూన్ 14న కూడా అతడిపై హత్యాయత్నం జరిగినట్లు పోలీసుల విచారణలో తేలింది. కాబోయే భర్తను ఎలాగైనా వదిలించుకోవాలనే పట్టుదలతో, కాబోయే భార్యే తన ప్రియుడితో కలిసి వరుసగా చేసిన రెండో ప్రయత్నంలో అతడిని అంతమొందించడం స్థానికంగా తీవ్ర సంచలనం సృష్టిస్తోంది.పుణె రూరల్ పోలీసులు తెలిపిన వివరాల ప్రకారం.. కేతన్ అగర్వాల్‌కు, సియా గోయల్ (20) అనే యువతికి ఈ ఏడాది ఫిబ్రవరిలో నిశ్చితార్థం జరిగింది. నవంబర్‌లో పెళ్లికి అన్ని ఏర్పాట్లు జరుగుతున్నాయి. అయితే, అప్పటికే చేతన్ చౌదరి (22) అనే యువకుడితో ప్రేమలో ఉన్న సియాకు ఈ పెళ్లి ఇష్టం లేదు. దీంతో కేతన్‌ను చంపేయాలని ప్రియుడితో కలిసి పక్కా స్కెచ్ వేసింది.ఇందులో భాగంగానే జూన్ 14న ఇదే లోహగఢ్ కోట వద్ద కేతన్‌ను కొండపై నుండి నెట్టేయడానికి ప్రయత్నించారు. అయితే ఆ సమయంలో కేతన్ అదృష్టవశాత్తూ ఒక చెట్టు కొమ్మను లేదా బండరాయిని పట్టుకుని ప్రాణాలతో బయటపడ్డాడు. ఆ ప్రమాదం నుండి త్రుటిలో తప్పించుకున్న కేతన్.. తనను చంపడానికే ఈ ప్రయత్నం జరిగిందని ఊహించలేకపోయాడు.మొదటి ప్రయత్నం విఫలమైనప్పటికీ సియా తన ప్లాన్‌ను వదల్లేదు. నాలుగు రోజుల తర్వాత, అంటే జూన్ 18న తన పుట్టినరోజు వేడుకల నెపంతో కేతన్‌ను,