మీరు ఎంతైనా ఊహించుకోండి, రామ్ చరణ్ తో మూవీపై అంచనాలు పెంచిన సుకుమార్ .. అదిరిపోయే హింట్

వెంకట్‌ సతీష్‌ కిలారు నిర్మించారు. జాన్వీ కపూర్ హీరోయిన్‌గా నటించిన ఈ చిత్రం జూన్‌ 4న విడుదలై ఆకట్టుకుంది. ఈ నేపథ్యంలో మంగళవారం హైదరాబాద్‌లో `పెద్ది` సక్సెస్ సెలబ్రేషన్‌ నిర్వహించారు. ఇందులో చిరంజీవి గెస్ట్ గా పాల్గొన్నారు. రామ్‌ చరణ్‌పై, పెద్దిపై ప్రశంసలు కురిపించారు. అలాగే సుకుమార్‌ కూడా ప్రశంసలు కురిపించారు.

ఈ ఈవెంట్‌కి సుకుమార్‌ కూడా వచ్చారు. సినిమాపై, చరణ్‌ నటనపై ప్రశంసలు కురిపించారు. రామ్‌ చరణ్‌ అద్బుతంగా నటించాడని తెలిపారు. `రంగస్థలం` ని మించి చేశాడని, చరణ్‌ని నటనని చూస్తుంటే ఆశ్చర్యమేసిందని, అన్నీ మర్చిపోయి ఆయన యాక్టింగ్‌ని చూశామని చెప్పారు. ఈ క్రమంలో అభిమానుల నుంచి తన సినిమాకు సంబంధించిన అప్‌ డేట్‌ని డిమాండ్‌ చేశారు. రామ్‌ చరణ్‌తో సుకుమార్‌ నెక్ట్స్ సినిమా చేయబోతున్నారు. దీని అప్‌ డేట్‌ కావాలని అభిమానులు కోరగా, అదిరిపోయే హింట్ ఇచ్చాడు సుకుమార్‌.

సినిమా గురించి తానేమీ చెప్పనని, తాను మాటలు చెప్పేవాడిని కాదని తెలిపారు. రెండు మూడు సార్లు ఈ విషయాన్ని రిపీట్‌ చేశాడు. మీరు ఎంత అడిగినా చెప్పను అని, మీరు ఎంతైనా ఊహించుకోమని తెలిపారు. ఎంత ఊహించుకున్నా దాన్ని మించి సినిమా ఉంటుందనే విషయాన్ని సుకుమార్‌ తెలిపారు. ఒక్క మాటతోనే `ఆర్‌సీ17`పై అంచనాలను అమాంతం పెంచేశాడు సుకుమార్‌. ఆయన కామెంట్‌ ఇప్పుడు ఇంటర్నెట్‌ని షేక్‌ చేస్తోంది. సుకుమార్‌ చివరగా `పుష్ప 2` రూపొందించారు. ఇది ఎంత పెద్ద విజయం సాధించిందో తెలిసిందే. ఇప్పుడు రామ్‌ చరణ్‌తో మూవీకి సంబంధించిన స్క్రిప్ట్ వర్క్ చేస్తున్నారు. త్వరలోనే ఈ సినిమా ప్రారంభం కానుందని సమాచారం.

సుకుమార్‌, రామ్‌ చరణ్‌ కాంబినేషన్‌లో గతంలో `రంగస్థలం` చిత్రం వచ్చిన విషయం తెలిసిందే. అప్పట్లో ఈ మూవీ నాన్‌ బాహుబలి రికార్డులను బ్రేక్‌ చేసింది. రీజినల్‌ ఫిల్మ్స్ లో ఇండస్ట్రీ హిట్‌ గా నిలిచింది. ఇందులో రామ్‌ చరణ్‌ నటనకు మంచి మార్కులు పడ్డాయి.