రాత్రి ఫుల్లుగా మందు తాగినా నిద్రలేచాక హ్యాంగోవర్ ఉండొద్దంటే.. ఈ 5 సింపుల్ ట్రిక్స్ ఫాలో అవ్వండి

అంటే తలనొప్పి, నీరసం వంటి సమస్యలు ఎదుర్కోవాల్సి వస్తుంది. మరి ఆల్కహాల్ వల్ల శరీరంపై పడే ప్రతికూల ప్రభావాన్ని తగ్గించుకోవడానికి నిపుణులు కొన్ని జాగ్రత్తలు సూచిస్తున్నారు... ఇలా హ్యాంగోవర్ లేకుండాచేసే ముఖ్యమైన చిట్కాల గురించి ఇక్కడ తెలుసుకుందాం.

చాలామంది చేసే అతిపెద్ద తప్పు ఖాళీ కడుపుతో ఆల్కహాల్ సేవించడం. తిన్నాక అయితే మందు ఎక్కువగా తాగలేమనేది చాలామమంది అభిప్రాయం. కానీ సరిగ్గా తినకుండ మందు తాగితే చాలా వేగంగా అది రక్తంలోకి కలిసిపోయి ఆరోగ్యంపై తీవ్ర ప్రభావం చూపిస్తుంది. అందుకే మందు తాగే ముందు కడుపు నిండా మంచి ఆహారం తీసుకోవాలి.. ముఖ్యంగా ప్రోటీన్స్, ఫైబర్, హెల్తీ ఫ్యాట్స్ (ఆరోగ్యకరమైన కొవ్వులు) ఎక్కువగా ఉండే ఆహారాన్ని ఎంచుకోండి. ఇవి ఆల్కహాల్ మీ శరీరంలోకి నెమ్మదిగా ఇంకేలా చేసి, ఒక్కసారిగా మత్తు తలకెక్కకుండా కాపాడుతాయి. అంతేకాదు తర్వాతిరోజు హ్యాంగోవర్ సమస్య లేకుండా చూస్తాయి.

ఆల్కహాల్ శరీరంలోని నీటి శాతాన్ని వేగంగా తగ్గించేస్తుంది... ఇది డీహైడ్రేషన్ కు దారితీస్తుంది. కాబట్టి మందు తాగేటప్పుడు నీళ్లు బాగా తాగాలి. ఒక సింపుల్ రూల్ గుర్తుంచుకోండి.. ప్రతి డ్రింక్‌కు మధ్యలో కచ్చితంగా ఒక గ్లాస్ మంచి నీరు తాగాలి. ఇలా చేయడం వల్ల శరీరంలో నీటి శాతం తగ్గకుండా ఉంటుంది, మరుసటి రోజు వచ్చే తీవ్రమైన హ్యాంగోవర్‌ను చాలా వరకు నివారించవచ్చు.

కొందరు మళ్లీ దొరుకుతుందో లేదో అన్నట్లుగా ఆల్కహాల్ ను గటగటా తాగేస్తారు. ఇలా వేగంగా తాగేయడం అస్సలు మంచిది కాదు. మీరు ఎంత వేగంగా తాగితే రక్తంలో ఆల్కహాల్ స్థాయిలు (Blood Alcohol Levels) అంత వేగంగా దూసుకుపోతాయి. అందుకే ఆల్కహాల్‌ను ఎప్పుడూ స్లోగా సిప్ చేస్తూ తాగాలి. దీనివల్ల మీ కాలేయం (Liver) పై ఒత్తిడి తగ్గుతుంది, శరీరం ఆల్కహాల్‌ను జీర్ణం చేసుకోవడానికి తగిన సమయం దొరుకుతుంది.

మందు తాగడం పూర్తయిన తర్వాత శరీరానికి పూర్తి విశ్రాంతి అవసరం. ఆల్కహాల్ ప్రభావం శరీరం నుండి పూర్తిగా తొలగిపోవాలంటే రాత్రి వేళల్లో బాగా నిద్రపోవాలి. నిద్ర సరిగ్గా లేకపోతే మరుసటి రోజు ఉదయానికి హ్యాంగోవర్ మిమ్మల్ని తీవ్రంగా వేధిస్తుంది. కాబట్టి తాగిన తర్వాత కంటినిండా నిద్రపోయేలా ప్లాన్ చేసుకోండి.

మందు తాగేటప్పుడు అన్నింటికంటే ముఖ్యమైనది స్వీయ నియంత్రణ. పార్టీ మూడ్‌లోకి వెళ్ళిన తర్వాత ఎంత తాగుతున్నామనే స్పృహ కోల్పోవడం సహజం. అందుకే మందు తాగడం ప్రారంభించే ముందే, ఈరోజు ఎంత మోతాదులో తాగాలో ఒక లిమిట్ సెట్ చేసుకోండి. ఎంత ఒత్తిడి ఉన్నా, స్నేహితులు బలవంతం చేసినా సరే... మీరు అనుకున్న పరిమితిని దాటి అస్సలు తాగకండి.

ఆరోగ్యం విషయంలో ఎల్లప్పుడూ బాధ్యతాయుతంగా వ్యవహరించడం ముఖ్యం. ఆల్కహాల్ అలవాటు ఉన్నవారు పైన పేర్కొన్న చిన్న చిన్న జాగ్రత్తలు పాటించడం ద్వారా హ్యాంగోవర్ బారిన పడకుండా తమ శరీరాన్ని కాపాడుకోవచ్చు. అయితే ఆల్కహాల్ ఆరోగ్యానికి హానికరం అనే విషయాన్ని ఎల్లప్పుడూ గుర్తుంచుకోండి.