సూపర్ స్టార్ కృష్ణ కోరిక నెరవేరిస్తే చాలు, మహేష్ బాబు వరల్డ్ సినిమాని షేక్ చేసినట్లే

హాలీవుడ్ వాళ్లకు మాత్రమే సాధ్యం అనుకున్న జేమ్స్ బాండ్ తరహా చిత్రాలని తెలుగులో మొట్ట మొదట చేసింది కృష్ణ గారే.

సూపర్ స్టార్ కృష్ణ తనయుడిగా మహేష్ బాబు టాలీవుడ్ లోకి ఎంట్రీ ఇచ్చి అగ్ర హీరోగా ఎదిగారు. ప్రస్తుతం మహేష్ బాబు రాజమౌళి దర్శకత్వంలో వారణాసి అనే పాన్ వరల్డ్ మూవీలో నటిస్తున్నారు. వచ్చే ఏడాది రిలీజ్ కానుంది. మహేష్ బాబు ఎంతటి భారీ చిత్రాల్లో నటించినా సూపర్ స్టార్ కృష్ణ కోరిక మాత్రం వేరేలా ఉంది.

మహేష్ బాబు జేమ్స్ బాండ్ తరహా సినిమా చేయాలనేది కృష్ణ గారి కోరిక. పలు సందర్భాల్లో సూపర్ స్టార్ కృష్ణ ఈ విషయాన్ని బయట పెట్టారు. ఓ ఇంటర్వ్యూలో కృష్ణ కొన్ని ఆసక్తికర విషయాలు పంచుకున్నారు. మీరు నటించిన అల్లూరి సీతారామరాజు, గూఢచారి 116, పాడిపంటలు, సింహాసనం లాంటి సినిమాల్లో మహేష్ బాబు ఏ సినిమా రీమేక్ చేస్తే బావుంటుంది అని ప్రశ్నించగా కృష్ణ సమాధానం ఇచ్చారు.

మహేష్ బాబు గూఢచారి 116 మూవీ రీమేక్ చేస్తే బావుంటుంది అని అన్నారు. ఎందుకంటే అది జేమ్స్ బాండ్ మూవీ కాబట్టి. ఇక మహేష్ బాబు కాకుండా టాలీవుడ్ లో ఇష్టమైన నటుడు హీరో ఎవరు అని అడిగితే.. జూనియర్ ఎన్టీఆర్ అని కృష్ణ సమాధానం ఇచ్చారు.

కృష్ణ కోరిక ప్రకారం మహేష్ బాబు కనుక జేమ్స్ బాండ్ మూవీ ఒక్కటి చేస్తే వరల్డ్ సినిమా షేక్ కావడం ఖాయం అని అభిమానులు నమ్ముతున్నారు. జేమ్స్ బాండ్ చిత్రాలకు మహేష్ బాడీ లాంగ్వేజ్ పర్ఫెక్ట్ గా సెట్ అవుతుంది. ఇప్పుడున్న టెక్నాలజీతో భారీ బడ్జెట్ లో మహేష్ బాబు జేమ్స్ బాండ్ సినిమా తీయాలనేది అభిమానుల కోరిక కూడా. ఇంత వరకు మహేష్ జేమ్స్ బాండ్ తరహా మూవీ చేయనేలేదు.