నేను చూడగలిగే, వినగలిగే, మాట్లాడగలిగే, తాకగలిగే ఏకైక దేవుడు మా నాన్నే

ఫాదర్స్ డే సందర్భంగా ఆదివారం ఆయన తన ఇన్‌స్టాగ్రామ్ ఖాతాలో తన తండ్రితో ఉన్న మధుర క్షణాల వీడియోను పంచుకున్నారు."మా నాన్నే నాకు దేవుడు. నేను చూడగలిగే, వినగలిగే, మాట్లాడగలిగే, తాకగలిగే ఏకైక దేవుడు ఆయనే. నాకు ఈ జీవితంలో దాదాపు అన్నీ ఇచ్చింది ఆయనే. మా నాన్నకు, ప్రపంచంలోని ప్రతి తండ్రికి ఫాదర్స్ డే శుభాకాంక్షలు" అని అల్లు అర్జున్ రాసుకొచ్చారు. అయాన్, అర్హా అనే ఇద్దరు పిల్లలకు తండ్రి అయిన అల్లు అర్జున్, తన తండ్రిపై చూపిన ఈ ప్రేమ ప్రస్తుతం సోషల్ మీడియాలో వైరల్ అవుతోంది.ఇక సినిమాల విషయానికొస్తే, అల్లు అర్జున్ ప్రస్తుతం పలు భారీ ప్రాజెక్టులతో బిజీగా ఉన్నారు. ప్రముఖ దర్శకుడు అట్లీతో కలిసి చేస్తున్న సినిమాకు 'రాకా' అనే టైటిల్ ఖరారు చేశారు. ఇందులో బాలీవుడ్ స్టార్ దీపికా పదుకొణె హీరోయిన్‌గా నటిస్తున్నారు. ఇటీవల విడుదలైన ఈ సినిమా ఫస్ట్ లుక్ పోస్టర్‌లో గుండుతో, సీరియస్ లుక్ తో ఉన్న అల్లు అర్జున్ క్లోజప్ ఆసక్తిని రేకెత్తించింది.దీంతో పాటు, లోకేష్ కనగరాజ్ దర్శకత్వంలో 'AA23' అనే వర్కింగ్ టైటిల్‌తో ఓ సినిమా చేస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రంపై భారీ అంచనాలున్నాయి. అంతేకాకుండా, ప్రపంచవ్యాప్తంగా సంచలనం సృష్టించిన 'పుష్ప' ఫ్రాంచైజీలోని మూడో భాగంలో కూడా పుష్పరాజ్‌గా ఆయన సందడి చేయనున్నారు.