నా కొడుక్కి ప్రాణభిక్ష పెట్టు అన్నయ్యా’.. రామరాజుని వేడుకున్న రేవతి.. బుద్ది మార్చుకోని విశ్వక్

అయితే ఇదే కేసులో కోర్టు నుంచి మళ్లీ నోటీసులు రావడంతో భద్రావతి కొంపలో కల్లోలం మొదలవ్వడన్ని నిన్నటి ఎపిసోడ్‌లో చూశాం. ఇక ఈరోజు (జూన్ 20) రాత్రి ప్రసారం కాబోయే ఎపిసోడ్‌లో ఏమైందంటే.. బెయిల్ రావడమే కష్టం అయినప్పుడు తీర్పు మనకి అనుకూలంగా ఎలా వస్తుంది అక్కా..? వీడికి శిక్ష పడకుండా ఎలా కాపాడుకుంటాం? అని భద్రావతిని అడుగుతాడు సేనాపతి. దాంతో శారదాంబ.. ‘రేయ్ సేనా.. చంకలో పిల్లని పెట్టుకుని ఊరంతా వెతికినట్టు.. కళ్ల ముందు పరిష్కారం పెట్టుకుని ఇంతలా ఆలోచిస్తున్నావ్ ఏంట్రా’ అని అంటుంది. ‘ఏంటమ్మా ఆ పరిష్కారం అని భద్రావతి అడగడంతో.. ‘రామరాజూ’ అని అంటుంది. అంటే ఏంటి నీ ఉద్దేశం అని భద్రావతి అడగడంతో.. కోర్టులో అమూల్య సాక్ష్యం చెప్పిందంటే ఖచ్చితంగా వీడికి శిక్ష పడుతుంది. అమూల్య సాక్ష్యం చెప్పకపోతే వీడ్ని రిలీజ్ చేస్తారు కదా’ అని అంటుంది శారదాంబ. ‘అసలు కేసు పెట్టిందే అదీ.. మరి కోర్టుకి వెళ్లి వీడికి వ్యతిరేకంగా సాక్ష్యం చెప్పకుండా ఎలా ఉంటుందీ’ అని అంటుంది భద్రావతి.రామరాజు అన్నయ్య క్షమిస్తాడు.. రామరాజు చెప్తే సాక్ష్యం చెప్పదు అని అంటుంది శారదాంబ. ఆ మాటతో భద్రావతి.. ‘ఆ కూలోడు నా మీదా.. నా మేనల్లుడు మీదా పీకల్లోతు కోపంలో ఉన్నాడు. వీడికి ఎప్పుడెప్పుడు శిక్ష పడుతుందా అని ఎదురుచూస్తున్నాడు.. అలాంటి వాడు.. కూతుర్ని సాక్ష్యం చెప్పొద్దని ఎందుకు అంటాడు’ అని అడుగుతుంది. మనం వెళ్లి బ్రతిమిలాడితే తప్పకుండా చెప్తాడే అని అంటుంది శారదాంబ. అవును మీరు రామరాజు అన్నయ్యని ఎన్ని విధాలుగా అవమానించినా కూడా.. క్షమించి వదిలేశాడే తప్ప.. పగ తీర్చుకోవాలని అనుకోలేదు. ఈ విషయంలో కూడా ఆయన క్షమిస్తారని నాకు నమ్మకం ఉంది’ అని అంటుంది రేవతి. ఆ కూలోడి ముందు నేను తలవంచాలా?? ఆ మాటతో భద్రావతి.. ఇంక ఆపండీ.. అరుస్తుంది. ఆ కూలోడి ముందు నేను తలదించుకోవాలా? వాడి ఇంటికి వెళ్లి వాడ్ని బ్రతిమిలాడాలా? నా గొంతులో ప్రాణం ఉండగా జరగదు అని అంటుంది భద్రావతి. నీ మేనల్లుడి జీవితాన్ని నిలబెట్టడం కోసం ఓ మెట్టు దిగితే తప్పేం ఉందే? అని శారదాంబ అంటే.. ‘కాపాడుకుంటాను.. అవసరం అయితే నా ఆస్తి మొత్తం అమ్మి అయినా సరే.. నా మేనల్లుడ్ని కాపాడుకుంటాను. అంతే తప్ప.. కూలోడి ముందు తల వంచను. రేయ్ విశ్వా.. ఈ కేసు వాదనలు అయ్యే వరకూ నువ్వు ఆ అమూల్య జోలికి వెళ్లొద్దు అని అంటుంది భద్రావతి. జైలుకి వెళ్లేలోపు దాని అంతు తేలుస్తా.. సరేనని ఆమె ముందు అన్న విశ్వక్.. పక్కకి వచ్చి.. ‘ఏంటీ ఆ అమూల్య జోలికి వెళ్లకుండా ఉండాలా? నాకు శిక్ష పడినా పర్లేదు.. ఆ అమూల్యని మాత్రం వదిలిపెట్టేది లేదు.. చూస్తా.. నేను జైలుకి వెళ్లేలోపే దాని అంతు చూస్తానని పగతో రగిలిపోతాడు విశ్వక్. అటు రామరాజు ఇంటికి కూడా కోర్టు నోటీసులు వస్తాయి. వాటిని ప్రేమ, ధీరజ్, నర్మదలు ఒకరితరువాత ఒకరు చదివి ఒకరి మొహాలు ఒకరు చూసుకుంటారు. అందులో ఏముందో చెప్పి చావండని అంటుంది వేదవతి. ‘అదేనమ్మా.. ఆ విశ్వక్ కేసు వచ్చేవారం నుంచి వాదనలు జరుగుతాయని చెప్పారు. అమూల్య కోర్టుకి వెళ్లాల్సి ఉంటుంది’ అని అంటారు నర్మద, ప్రేమలు.నా కొడుకు చేసింది తప్పే.. వాడికి శిక్ష పడింది ఏంటీ అమూల్య కోర్టుకి వెళ్లాలా? పెళ్లి కావాల్సిన పిల్ల కోర్టుకి వెళ్తే ఏం బావుంటుంది? అని అంటుంది వేదవతి. మరి వాడికి శిక్ష పడాలంటే తప్పదు అమ్మా అని అంటాడు ధీరజ్. కరెక్టే కానీ.. మన ఇంటి ఆడబిడ్డ కోర్టుకి వెళ్తే.. నలుగురిలో నవ్వుల పాలు కాదా? అని అంటుంది వేదవతి. నేనూ అదే చెప్తున్నా అంటూ ఎంట్రీ ఇస్తుంది శారదాంబ. తన కోడలు రేవతిని తీసుకుని వస్తుంది. ‘నా కొడుకు చేసింది తప్పే.. దానికి వాడికి నెలరోజులు శిక్ష పడింది.. దయచేసి వాడ్ని వదిలేయండి అన్నయ్యా.. దయచేసి ఈ కేసుని వెనక్కి తీసుకోండి’ అని ప్రాధేయపడుతుంది రేవతి. ఆ మాటతో ధీరజ్.. ‘ఏంటీ.. వెనక్కి తీసుకోవాలా? మీ కొడుకు శిక్ష పడుతుందనేసరికి కన్న మమకారం గుర్తొచ్చిందా? మా అమ్మనాన్నలకి ఆ మమకారం ఉండదా?వాడు జైలుకి వెళ్లిన బుద్ధి మారలేదు.. మీ కొడుకు మా చెల్లెల్ని కిడ్నాప్ చేశాడు.. మా అమ్మ విలవిల్లాడింది. మా నాన్నకి గుండెపోటు వచ్చింది. వాళ్లకి జరగరానిది జరిగి ఉంటే.. అప్పుడు కూడా మీరు ఇలాగే మాట్లాడతారా? అని అంటాడు ధీరజ్. దాంతో శారదాంబ.. వాడు చేసింది తప్పేరా.. కానీ వాడికి క్షమాభిక్ష పెడితే వాడి తప్పు వాడు తెలుసుకుంటాడు కదరా’ అని అంటుంది. ‘వాడు జైలుకివెళ్లొచ్చిన బుద్దిరాలేదు.. ఇప్పటికీ వాడు నా చెల్లెల్ని ఏడిపిస్తూనే ఉన్నాడు.. వాడ్ని వదిలిపెట్టే ప్రసక్తే లేదు’ అని అంటాడు ధీరజ్. అంత మాట అనొద్దు.. వాడ్ని మేం మార్చుకుంటా.. అమూల్య జోలికే కాదు.. అసలు ఈ అమ్మాయి జోలికి కూడా రాకుండా చేస్తాం.. దయచేసి కేసు వెనక్కి తీసుకోండి అన్నయ్యా’ అని అంటుంది రేవతి.వాడికి శిక్ష పడాల్సిందే.. ‘చేతులు జోడించి వేడుకుంటున్నా అన్నయ్యా’ లేదు.. నా కూతురు జీవితంతో ఆడుకున్నవాడికి శిక్ష పడాల్సిందే. ఆడపిల్ల తండ్రిగా ఆ శిక్షని నేనే వేయాలి. కానీ నా భార్యకి మీ ఇంటితో ఉన్న రక్త సంబంధం నా చేతుల్ని కట్టిపడేసింది అని అంటాడు రామరాజు. మీ బాధలో అర్థం ఉంది అన్నయ్యా.. కానీ ఈ కన్నతల్లి కడుపుకోతని అర్థం చేసుకోండి అన్నయ్యా.. వాడు వెధవే ఒప్పుకుంటాను. కానీ.. నా కన్న కొడుకు కదన్నయ్యా.. కడుపు తీపి ఉంటుంది కద అన్నయ్యా. కొడుకు జీవితం జైలు పాలు అయితే ఈ కన్నపేగు తట్టుకుని బతకలేను. చేతులు జోడించి అడుగుతున్నా.. దయచేసి నా కొడుక్కి శిక్ష పడకుండా చేయండి అన్నయ్యా అని ప్రాధేయపడుతుంది రేవతి. దీనవ్వా తగ్గేదేలే.. గొప్ప కూతురివీ.. గొప్ప చెల్లివీ దాంతో రామరాజు.. ‘చూడమ్మా నోరారా అన్నయ్యా అని పిలుస్తున్నావ్.. నీకు కష్టం వస్తే ఈ అన్నయ్య ప్రాణాలు అడ్డుపెట్టి అండగా ఉంటాడు. కానీ ఈ విషయంలో మాత్రం.. నా కూతురు జీవితాన్ని నాశనం చేయాలనుకున్న వాడికి మాత్రం శిక్ష పడాల్సిందే.. అని తెగేసి చెప్పి అక్కడ నుంచి ఆవేశంగా వెళ్లిపోతాడు. ఇక రేవతి.. ‘ప్రేమా.. మీ అత్తయ్యా మామయ్యలకి నువ్వైనా చెప్పవే మీ అన్నయ్యకి శిక్ష పడకుండా చేయమని చెప్పవే’ అని అంటుంది. ‘కూతురు కోసం వాళ్లు ఇంతకంటే ఎక్కువ మానసిక క్షోభని అనుభవించారు. దానికి కారణమైన వాళ్లని కాపాడమని అడగడానికి నీకు మొహం ఎలా చెల్లుతుంది? నీది మాత్రమే కడుపుతీపా? ఎదుటి వాళ్లది కదా? మరి తెలిసి కూడా అడగడం స్వార్థమే అవుతుంది అని అంటుంది ప్రేమ.అమూల్యని కారుతో గుద్దించేసే ప్లాన్‌లో విశ్వక్.. దాంతో అక్కడ నుంచి ఏడుస్తూ వెళ్లిపోతారు శారదాంబ, రేవతిలు. అయితే విశ్వక్ గాడు మాత్రం తన వంకరబుద్ది మార్చుకోలేదు. అమూల్య వెనుకే కారు వేసుకుని వెళ్లిన విశ్వక్.. ‘మీ అన్నయ్య ధీరజ్ గాడు.. కారుతో గుద్ది మా నాన్న చేయి విరగ్గొడతాడా? ఆ బాధ ఎలా ఉంటుందో చూపిస్తా.. ఆ నొప్పి మీ అన్నయ్యకి తెలిసేట్టు చేస్తానంటూ.. అమూల్యని కారుతో గుద్దేయాలని స్పీడ్‌గా వెళ్తుంటాడు. కరెక్ట్ టైమ్‌కి ధీరజ్ ఎంట్రీ ఇస్తాడు. దెబ్బకి బ్రేక్ వేసి.. ధీరజ్ చూడకుండా తప్పించుకుంటాడు విశ్వక్. ‘హమ్మయ్యా వీడు నన్ను చూడలేదు అని అనుకుంటాడు కానీ.. ధీరజ్ వెళ్లినట్టే వెళ్లి మళ్లీ వెనక్కి వస్తాడు.ఏం ప్లాన్ చేశావ్ రా.. నేరుగా విశ్వక్ దగ్గరకు వచ్చి.. దిగరా కారు అని అంటాడు. భయపడుతూనే కారు దిగిన విశ్వక్.. ఏంటీ అని అడుగుతాడు. ఏంట్రా ఇక్కడున్నావ్ అని అంటే.. నాఇష్టం అని అంటాడు విశ్వక్. సరే నేను అడిగితే చెప్పవ్ కదా.. పోలీసులు అడిగితే చెప్తావ్ కదా అని అంటాడు ధీరజ్. పోలీసులు ఏంట్రా.. నేను ఇప్పుడేం చేశాను అని అంటాడు విశ్వక్. నువ్వు నా చెల్లెల్ని ఫాలో అవుతున్నావ్ అని అర్థం అయ్యింది.. ఏం ప్లాన్ చేశావ్ రా.. నిన్ను చూస్తుంటే డౌట్‌గా ఉంది అని అంటాడు ధీరజ్. ‘నాపై లేనిపోని నిందలు వేయకు.. నీ చెల్లెల్ని అసలు నేను చూడనే లేదు’ అని అంటాడు విశ్వక్. సారీరా వదిలెయ్ రా బాబూ.. రేయ్ మా నాన్నపై ఉన్న గౌరవంతో నిన్ను వదిలేస్తున్నా.. లేదంటే నిన్ను రోడ్డుపై తిరక్కుండా చేసేవాడ్ని. నువ్వు ఇలా కాదు కానీ పోలీసులకు ఫోన్ చేస్తా.. కేసు పెట్టిన అమూల్యని బెదిరిస్తున్నావ్ అని చెప్తాను అని అంటాడు ధీరజ్. ఏయ్ వద్దురా.. వద్దురా.. ఏదో అలా అన్నాను.. సారీ అని అంటాడు విశ్వక్. దాంతో ధీరజ్.. ‘చూడూ.. నువ్వు నా చెల్లెల్ని ఏదో చేయడం కాదు. ఆమె వెళ్లే దారిలో కనిపించినా కూడా.. నీ శేష జీవితం జైల్లోనే గడపాల్సి వస్తుంది.. గుర్తుపెట్టుకో’ అని వార్నింగ్ ఇచ్చి వెళ్తాడు ధీరజ్.