పనిమనిషిని చంపిన ఢిల్లీ డాక్టర్.. నన్ను ఉరి తీయండి అంటూ వేడుకోలు

Delhi doctor murder case: దేశ రాజధాని ఢిల్లీలో అత్యంత దారుణమైన ఘటన వెలుగుచూసింది. సుమారు 15 ఏళ్లుగా తన ఇంట్లో నమ్మకంగా పనిచేస్తున్న ఒక మహిళను, ప్రముఖ వైద్యుడు అత్యంత కిరాతకంగా హతమార్చాడు. ఢిల్లీలోని మౌంట్ కైలాష్ ప్రాంతంలో గురువారం ఉదయం జరిగిన ఈ ఉదంతం స్థానికంగా తీవ్ర కలకలం రేపింది.

50 ఏళ్ల చర్మవ్యాధి నిపుణుడు డాక్టర్ మనీష్ గుప్తా, తన ఇంట్లో పనిచేస్తున్న మీనా (45) అనే మహిళను క్రికెట్ బ్యాట్‌తో బాది, కత్తితో పొడిచి చంపాడు. సమాచారం అందుకున్న పోలీసులు సంఘటనా స్థలానికి చేరుకుని నిందితుడిని అరెస్ట్ చేశారు.

Read Also: Lohagad Fort : కాబోయే భార్యతో కలిసి ట్రెకింగ్‌కు వెళ్లిన యువకుడు.. 400 అడుగుల లోయలో పడి మృతి హత్యకు గురైన మీనా గత 15 ఏళ్లుగా మనీష్ ఇంట్లోనే నమ్మకంగా పనిమనిషిగా ఉంటోంది. గురువారం ఉదయం 10:30 గంటల సమయంలో బట్టలు ఆరేసేందుకు ఆమె ఇంటి టెర్రస్‌పైకి వెళ్లగా, ఆమె వెనుకే వెళ్లిన డాక్టర్ మనీష్ ఈ ఘాతుకానికి ఒడిగట్టాడు.

ఉదయం 11:30 గంటల ప్రాంతంలో పొరుగువారు టెర్రస్‌పై రక్తపు మడుగులో పడి ఉన్న మీనా మృతదేహాన్ని గమనించి తక్షణమే పోలీసులకు సమాచారం అందించారు. పోలీసులు ఘటనా స్థలానికి చేరుకునేసరికి, మృతదేహం పక్కనే నిందితుడైన డాక్టర్ మనీష్ కూర్చుని ఉన్నాడు.

పోలీసులను చూడగానే “నన్ను ఉరితీయండి” అని అతడు అరిచాడు. ఘటనా స్థలం నుంచి రక్తంతో తడిసిన క్రికెట్ బ్యాట్, కిచెన్ కత్తిని పోలీసులు స్వాధీనం చేసుకున్నారు. పోలీసుల ప్రాథమిక విచారణలో డాక్టర్ మనీష్ గత పదేళ్లుగా డిప్రెషన్ (Depression), అబ్సెసివ్-కంపల్సివ్ డిజార్డర్ (OCD) వంటి తీవ్రమైన మానసిక సమస్యలతో బాధపడుతున్నట్లు తేలింది.

ఈ మధ్యకాలంలో అతడు మందులు వాడటం నిలిపివేశాడా అనే కోణంలో పోలీసులు దర్యాప్తు చేస్తున్నారు. కాగా, మృతురాలు మీనా తనపై చేతబడి చేసిందని, ఆమె వల్లే తన కుటుంబ ప్రశాంతత