నారా లోకేష్ కృషితో విశాఖ విమల విద్యాలయానికి పూర్వ వైభ వం

విద్యాలయంను విశాఖపట్నం జిల్లా కలెక్టర్ అభిషిక్త్ కిషోర్, గాజువాక ఎమ్మెల్యే పల్లా శ్రీనివాసరావు మళ్లీ ప్రారంభించారు. యూకేజీ వరకూ 55, 1 నుండి 10 వ తరగతి వరకూ 723 విద్యార్థులు ఈ విద్యాసంవత్సరం కోసం వి.వి.విలో జాయినయ్యారు. పునఃప్రారంభం రోజునే వందలాది మంది పిల్లలు చేరడం విశాఖ విమల విద్యాలయం ప్రతిష్టను చాటిచెబుతోంది. విద్యాశాఖ మంత్రి నారా లోకేష్ ఆదేశాలతో పాఠశాలలో నేటి నుంచి డొక్కా సీతమ్మ మధ్యాహ్న బడి భోజనంను కూడా ఆరంభించారు. విశాఖ విమల విద్యాలయం చరిత్ర రాష్ట్రీయ ఇస్పాత్ నిగమ్ లిమిటెడ్ (RINL) విశాఖ ఉక్కు కర్మాగారం ఉద్యోగుల పిల్లలకు నాణ్యమైన ఉచిత విద్యను అందించేందుకు 1984లో ఆర్ సీఎం డయాసిస్ వారితో ఒప్పందం చేసుకుని విశాఖ విమల విద్యాలయంను ప్రారంభించారు. ఫ్రీ ఎడ్యుకేషన్ లక్ష్యంగా ప్రాజెక్టు స్కూలుగా దశాబ్దాలుగా నడిచింది. మొదట్లో కేవలం స్టీల్ ప్లాంట్ ఉద్యోగుల పిల్లలకే స్కూలులో ప్రవేశాలు కల్పించేవారు. రాను రాను ఉద్యోగుల పిల్లలు తగ్గిపోవడంతో RINL కాంట్రాక్టు ఉద్యోగుల పిల్లలు, నిర్వాసితుల పిల్లలకు ఇక్కడ సీట్లు ఇచ్చేలా వెసులుబాటు కల్పించింది. ఉక్కునగరం పరిధిలో 36 కాలనీల పిల్లలను కూడా బడిలో చేర్చుకున్నారు. కాంట్రాక్ట్ ఉద్యోగుల పిల్లలు, పునరావాస కాలనీలు, నిరుపేద కుటుంబాల పిల్లలకు నాణ్యమైన విద్యను అందించడంతో విశాఖ విమల విద్యాలయం పాత్ర గణనీయమైనది. RINL ఆర్థిక సహాయాన్ని అకస్మాత్తుగా నిలిపివేయడంతో, జూన్ 2024లో విశాఖ విమల విద్యాలయంను ఆర్ సీఎం డయాసిస్ మూసివేసింది. మూసివేసే నాటికి సుమారు 2,200 మంది విద్యార్థులు, 100 మంది బోధన, బోధనేతర ఉద్యోగులు పనిచేసేవారు. నేరుగా విద్యాశాఖ మంత్రి నారా లోకేష్ చొరవ తీసుకుని ఈ విద్యాలయం పున:ప్రారంభం చేయడంతో వేలాది మంది విద్యార్థులకు వెలుగుబాట అయ్యింది. ప్రశ్నార్థకమైన టీచర్లు, సిబ్బంది భవితవ్యానికి ఒక భరోసా దొరికింది.