కృష్ణతో రొమాంటిక్ సీన్, వెళ్లి దున్నేసేయ్ అని ఆయన భార్యే అన్నారు.. హీరోయిన్ కామెంట్స్

సూపర్ స్టార్ కృష్ణతో హీరోయిన్ గా ఆమె ఎక్కువ సినిమాలు చేశారు. కృష్ణతో తాను వరుసగా 7 సినిమాల్లో హీరోయిన్ గా నటించినట్లు కవిత ఓ ఇంటర్వ్యూలో తెలిపారు.

కవిత మాట్లాడుతూ కృష్ణపై తనకున్న ప్రేమ, క్రష్ గురించి ఓపెన్ గా బయటపెట్టారు. పెళ్లి చేసుకుంటే కృష్ణ లాంటి అబ్బాయినే పెళ్లి చేసుకోవాలి అని అనుకునేదాన్ని. అంతలా కృష్ణ గారిపై నాకు క్రష్ ఉండేది. ఆయనంటే నాకు పిచ్చి. కానీ ఆయన దగ్గరుంటే మాత్రం భయంతో బిగుసుకుపోయేదాన్ని అని కవిత అన్నారు.

కృష్ణపై నాకున్న ఇష్టాన్ని చూసి ఆయన భార్య విజయనిర్మల గారే నాకు హీరోయిన్ గా ఛాన్స్ ఇచ్చేవారు. ఆమె నన్ను కపిత అని ఆటపట్టిస్తూ పిలిచేవారు. అంటే కోతిలా అల్లరి చేసేదాన్ని అని అర్థం. ఒక రోజు షూటింగ్ లో ఏ కపిత ఇలా రా అని విజయనిర్మల గారు పిలిచారు. ఆయనపై నీకు ప్రేమ ఉంది కదా.. ఈ రోజు ఆయనతో నీకు రొమాంటిక్ సీన్ ఉంది.. వెళ్లి దున్నేయ్ అని అనేశారు. నేను సిగ్గుతో చచ్చిపోయా.

అందరు హీరోలతో నేను చాలా సరదాగా ఉండేదాన్ని. కానీ నేను ప్రేమించి, ఎంతో అభిమానించిన కృష్ణ గారి ముందు నిలబడడానికి నాకు ధైర్యం సరిపోయేది కాదు. ఆ విధంగా కృష్ణ గారితో నాకు అద్భుతమైన మెమొరీస్ ఉన్నాయి అని కవిత అన్నారు.

డాక్టర్ సినీ యాక్టర్, చెప్పింది చేస్తా, ఇద్దరూ అసాధ్యులే లాంటి సినిమాల్లో కవిత కృష్ణతో నటించారు. నాకు కృష్ణ గారు అంటే పిచ్చి ఇష్టం అని తెలుసుకున్న తర్వాతే విజయ నిర్మల గారు డాక్టర్ సినీ యాక్టర్ కథని రాశారు. నా కోసమే ఆ కథ రాసినట్లు ఆమె తెలిపారని కవిత గుర్తు చేసుకున్నారు.