పిండిలో ఇదొక్కటి కలిపితే...చపాతీలు మెత్తగా ఉంటాయి

మన దేశంలో చాలా మంది రెగ్యులర్ గా చపాతీలు తినడానికి ఇష్టపడతారు. చపాతీలు తినడం ఇష్టమే కానీ.. వాటిని చేయడమే చాలా మందికి రాదు. ఎంత కష్టపడి పిండి కలిపి చపాతీ చేసినా కూడా కాసేపటిగా గట్టిగా మారిపోతాయి. అట్టముక్కల్లా మారిన చపాతీ తినడం చాలా కష్టంగా ఉంటుంది.

అయితే.. అలాంటివారు పిండి కలిపేటప్పుడు ఒక చిన్న ట్రిక్ ఫాలో అయితే చాలు. అదేంటో ఇప్పుడు తెలుసుకుందాం... చపాతీ పిండిని కలిపేటప్పుడు అందరూ నీటిని మాత్రమే ఉపయోగిస్తారు. కానీ, నీటిని వాడి చపాతీ పిండి కలిపి.. చపాతీ చేయడం వల్ల చాలా తక్కువ సమయంలోనే గట్టిగా మారిపోతాయి.

అలా కాకుండా... పిండిలో చీజ్ కలపాలి. చీజ్ అంటే మార్కెట్లో దొరికే చీజ్ కాకుండా... నిమ్మరసం వాడి పాలను విరగ్గొట్టి... దానిని పిండిలో వేసి కలపాలి. ఇలా కలిపిన పిండితో చేసిన రోటీలు.. మృదువుగా, దూదిలాగా వస్తాయి. లేదంటే.. గోధుమ పిండిలో పుల్లటి పెరుగు, వేడి నీళ్లు వేసి పిండి కలుపుకోవాలి.

ఇలా చేయడం వల్ల కూడా రోటీలు మెత్తగా వస్తాయి. ఉదయం చేసినా మధ్యాహ్నం వరకు కూడా చాలా మృదువుగా వస్తాయి. ఎందుకంటే.. పెరుగులో ఉండే సహజ ఆమ్లాలు, పిండిలోని గ్లూటెన్ ను మెత్తగా మారుస్తాయి. అంతేకాదు, చాలా మంది పిండి కలిపేటప్పుడు నార్మల్ నీటితో కలుపుతారు.

అలా కాకుండా మీరు నీటిని కాస్త వేడి చేసి గోరువెచ్చగా ఉన్నప్పుడు ఆ నీటితో పిండిని కలిపితే సరిపోతుంది.అప్పుడు కూడా చపాతీలు మెత్తగా వస్తాయి. అంతేకాదు.. ఒకేసారి నీళ్లు పోసేయకూడదు. కొద్ది కొద్దిగా నీళ్లు పోస్తూ కలుపుకుంటే సరిపోతుంది.

పిండి మొత్తం కలిపిన తర్వాత పైన పూతలాగా నెయ్యి రాయాలి. అరగంట తర్వాత.. చపాతీ చేసుకుంటే.. మీకు నచ్చినట్లుగా వస్తాయి