వాస్తు ప్రకారం ఇంట్లో ఈ విగ్రహం పెట్టండి చాలు

అందుకే ఇంట్లో భోగభాగ్యాలు, శాంతిసౌఖ్యాలు వృద్ధి చెందాలని ఆకాంక్షించే చాలామంది తమ ఇళ్లలో లేదా వ్యాపార సంస్థలలో కామధేనువు విగ్రహాన్ని ప్రతిష్ఠించుకోవడానికి ఆసక్తి చూపుతుంటారు. ఈ పవిత్ర ప్రతిమ ఇంట్లో ఉంటే సకల శుభాలు కలుగుతాయని భక్తుల నమ్మకం.విగ్రహాన్ని తీసుకువచ్చి ఏదో ఒక చోట ఉంచడం వల్ల మాత్రమే ఆశించిన ఫలితాలు లభించవు. వాస్తు శాస్త్ర నియమాలను ఖచ్చితంగా పాటిస్తూ, సరైన దిశలో కామధేనువు విగ్రహాన్ని ఉంచినప్పుడే ఆ దైవిక శక్తుల అనుగ్రహాన్ని పూర్తిగా అందుతాయి. లేదంటే ప్రతికూల ఫలితాలు సంభవించే అవకాశం ఉంటుంది. వాస్తు ప్రకారం కామధేనువు ప్రతిమను ఎలా అమర్చుకోవాలో తెలుసుకోవడం ఎంతో అవసరం.కామధేనువు విగ్రహాన్ని ఏ దిశలో ఉంచాలి?వాస్తు శాస్త్ర నిపుణుల ప్రకారం, ఇంట్లో కామధేనువు విగ్రహాన్ని ఉంచడానికి ఈశాన్య మూల అత్యంత అనువైన, ప్రశస్తమైన స్థానం. ఈ దిశను దేవుని స్థానంగా భావిస్తారు. పైగా ఇది సానుకూల శక్తులకు కేంద్ర బిందువుగా ఉంటుంది. ఈ స్థానంలో విగ్రహాన్ని ఉంచి నిత్యం ఆరాధించడం వల్ల కుటుంబ సభ్యులకు ఆర్థిక సమస్యల నుంచి ఉపశమనం లభిస్తుంది. వ్యాపారంలో అభివృద్ధి ఉంటుంది. ఈ విగ్రహాన్ని ఇంట్లో నగదు పెట్టే ప్రదేశంలో ఉంచడం కూడా ఎంతో శుభ ఫలితాలను ఇస్తుంది. దీనివల్ల వృధా ఖర్చులు తగ్గి సంపద నిలకడగా ఉంటుంది.ఆధ్యాత్మిక శాస్త్రాల ప్రకారం, కామధేనువు విగ్రహాన్ని ఓ అలంకార వస్తువులా చూడకూడదు. ఆ ప్రతిమను ఉంచిన స్థలాన్ని ఎల్లప్పుడూ అత్యంత పరిశుభ్రంగా ఉంచుకోవాలి. నిత్యం ఉదయమే స్నానాదికాలు ముగించుకుని, ఆవు ప్రతిమకు ధూపదీపాలు సమర్పించి పూజించడం అలవాటు చేసుకోవాలి. ఇలా చేయడం వల్ల లక్ష్మీదేవి ఎల్లప్పుడూ ఆ ఇంట్లో స్థిరనివాసం ఏర్పరుచుకుంటుంది.సంతాన ప్రాప్తి కోసం ఎలాంటి విగ్రహాన్ని ఉంచాలి?సంతాన సంబంధిత ఇబ్బందులతో లేదా సమస్యలతో సతమతమవుతున్న దంపతులకు వాస్తు శాస్త్రం ఒక అద్భుతమైన మార్గాన్ని సూచిస్తోంది. వారు తమ నివాసంలో దూడతో కలిసి ఉన్న తెల్లటి కామధేనువు విగ్రహాన్ని ఏర్పాటు చేసుకోవాలి. ఇలా దూడతో ఉన్న గోమాతను పూజించడం వల్ల గర్భధారణకు ఉన్న అడ్డంకులు తొలగిపోతాయని నమ్మకం.దీంతోపాటుగా, సమాజంలో పేరుప్రతిష్ఠలు పొంది, తమ వృత్తి ఉద్యోగాలలో ఉన్నత శిఖరాలను చేరుకోవాలని ఆశించే వారికి కూడా కామధేనువు సాధన ఎంతో తోడ్పడుతుంది. కెరీర్‌లో వచ్చే అడ్డంకులు, శత్రుత్వాలు తొలగిపోయి విజయపథంలో నడవడానికి ఈ ఆరాధన చక్కని మార్గంగా పనిచేస్తుంది. జీవనశైలిలో సానుకూల మార్పులను తేవడానికి ఇది ఎంతో సహాయపడుతుంది.నిత్య పూజా నియమాలు - పాటించాల్సిన జాగ్రత్తలుకామధేనువు విగ్రహాన్ని ఇంట్లో ప్రతిష్టించిన తర్వాత నిత్య పూజా నియమాలను నియమబద్ధంగా పాటించాలి. ప్రతిరోజూ పూజా సమయంలో నెయ్యి దీపంతో హారతి ఇవ్వడం చాలా ముఖ్యం. విశేష పండుగలు లేదా శ్రావణ, కార్తీక మాసాల వంటి పవిత్ర సమయాల్లో గంగాజలంతో అభిషేకం చేసి, తాజా పుష్పాలను సమర్పించాలి. వీలైనప్పుడల్లా మనసులోని కోరికలను ఆ గోమాత వద్ద భక్తితో ప్రార్థించాలి.Disclaimer: వాస్తు ప్రకారం కామధేను విగ్రహాన్ని ఇంట్లో ఉంచడం వల్ల కలిగే ప్రయోజనాల గురించి తెలియజేయడమే ఈ కథనం ఉద్దేశం. మరింత సమాచారం కోసం అర్చకులు, పండితులను సంప్రదించాల్సి ఉంటుంది.