మడమ శూల నొప్పి ఎందుకు వస్తుంది? తగ్గేందుకు పాటించాల్సిన డాక్టర్ చిట్కాలు

. అకస్మాత్తుగా నడక లేదా వ్యాయామ సమయాన్ని పెంచినవారు. సరైన సపోర్ట్ లేని (గట్టి లేదా పల్చటి) పాదరక్షలు ధరించేవారు. ఫ్లాట్ ఫీట్ (పాదాలు చదునుగా ఉండటం) ఉన్నవారు. శరీర బరువు ఎక్కువగా ఉన్నవారు.ప్రధాన లక్షణం ఉదయం నిద్ర లేవగానే వేసే మొదటి కొన్ని అడుగులలో లేదా ఎక్కువ సేపు కూర్చుని లేచినప్పుడు మడమలో తీవ్రమైన, పదునైన నొప్పి రావడం దీని ముఖ్య లక్షణం.నిర్లక్ష్యం చేస్తే జరిగే నష్టంచాలా మంది దీనిని సాధారణ పాదాల నొప్పే కదా అని నిర్లక్ష్యం చేస్తుంటారు. కానీ, దీనికి సకాలంలో చికిత్స తీసుకోకపోతే నడవడం కష్టంగా మారుతుంది. అంతేకాకుండా, నొప్పి వల్ల నడిచే పద్ధతి (Posture) మారిపోయి... అది కాస్తా మోకాలు, నడుము, వెన్ను నొప్పులకు దారితీస్తుంది.పాటించాల్సిన చిట్కాలు పాదాలకు మంచి సపోర్ట్ ఇచ్చే సౌకర్యవంతమైన పాదరక్షలు ధరించాలి. శారీరక శ్రమను లేదా వ్యాయామాల్ని అకస్మాత్తుగా కాకుండా క్రమంగా పెంచాలి. ఆరోగ్యకరమైన శరీర బరువును నిర్వహించాలి. క్రమం తప్పకుండా పిక్కలు, పాదాల కండరాల్ని స్ట్రెచింగ్ (సాధన) చేయాలి. మడమ నొప్పిని నిర్లక్ష్యం చేయకూడదు.సకాలంలో వైద్యులను సంప్రదించి, సరైన రోగనిర్ధారణ చేసుకుంటే.. విశ్రాంతి, ఐస్ ప్యాక్ పెట్టడం, స్ట్రెచింగ్ వ్యాయామాలు వంటి చిన్న చిన్న చిట్కాలతో ఎటువంటి పెద్ద సర్జరీలు లేదా చికిత్సలు లేకుండానే దీని నుంచి పూర్తిగా కోలుకోవచ్చు.ముఖ్యమైన విషయాలు ఐస్ రోలింగ్: ఒక చిన్న వాటర్ బాటిల్‌లో నీళ్లు పోసి ఫ్రిజర్‌లో పెట్టి ఐస్ చేయండి. ఆ బాటిల్‌ను నేలపై ఉంచి, మీ పాదాల కింద వేసి వెనక్కి, ముందుకు 10-15 నిమిషాల పాటు దొర్లించండి (రోల్ చేయండి). ఇది వాపును, నొప్పిని తగ్గిస్తుంది. టవల్ స్ట్రెచ్: ఉదయం మంచం దిగడానికి ముందే, ఒక టవల్‌ను మీ పాదం ముందుభాగానికి తగిలించి, మీ వైపుకు లాగండి. ఇలా 15-30 సెకన్ల పాటు ఉంచి వదిలేయండి. ఇది ఉదయాన్నే వచ్చే తీవ్రమైన నొప్పిని తగ్గిస్తుంది. సరైన చెప్పుల ఎంపిక: ఇంట్లో కూడా ఒట్టి కాళ్లతో నడవకుండా, మెత్తటి కుషన్ ఉన్న చెప్పులు (MCR/Soft chappels) ధరించడం మంచిది. ముఖ్యంగా గట్టి నేలపై నడవడం తగ్గించాలి.సమయం తెలుగు సంప్రదించిన వైద్య నిపుణులుడాక్టర్ రవికుమార్ ముకార్తిహాల్ కన్సల్టెంట్ - ఆర్థోపెడిక్ అండ్ జాయింట్ రీప్లేస్‌మెంట్ సర్జన్, (స్పర్ష్ హాస్పిటల్, ఇన్‌ఫాంట్రీ రోడ్, బెంగళూరు)