మనిషి చర్మంలా మెత్తగా ఉండే 10 అడుగుల విగ్రహం, రాత్రుళ్లు సింహ గర్జనలు.. తెలంగాణలో మిస్టరీ ఆలయం

ములుగు జిల్లా మంగపేట మండలంలోని మల్లూరు గ్రామ సమీపంలో ఈ ఆలయం ఉంది. పచ్చని అటవీ ప్రాంతం, కొండలు, ప్రకృతి సోయగాల నడుమ ఉన్న ఈ క్షేత్రం భక్తులకు ఆధ్యాత్మిక ప్రశాంతతను అందిస్తుంది. భద్రాచలం–ఏటూరునాగారం రహదారి నుంచి మంగపేట వద్దకు చేరుకుని అక్కడి నుంచి కొద్ది దూరం ప్రయాణిస్తే ఆలయానికి చేరుకోవచ్చు.

గోదావరి పరివాహక ప్రాంతంలో ఉండటంతో ఈ ప్రాంతానికి మరింత ప్రత్యేకత ఏర్పడింది. ఈ ఆలయంలోని లక్ష్మీనరసింహస్వామి విగ్రహం దాదాపు 10 అడుగుల ఎత్తులో ఉంటుంది. భక్తులను ఎక్కువగా ఆకర్షించే అంశం స్వామివారి విగ్రహ నిర్మాణమే. స్థానిక విశ్వాసాల ప్రకారం, విగ్రహంలోని కొన్ని భాగాలు మానవ చర్మంలా మృదువుగా ఉంటాయని చెబుతారు.

స్వామివారిని అభిషేకించే అర్చకులు కూడా ఈ విషయాన్ని ప్రస్తావిస్తుంటారు. దేశంలోని అనేక నరసింహ క్షేత్రాల్లో కనిపించని ప్రత్యేకతగా దీనిని భక్తులు భావిస్తారు. మల్లూరు క్షేత్రానికి సంబంధించిన స్థలపురాణంలో ఒక విశేష కథనం ఉంది. ప్రాచీన కాలంలో భూమిలో దాగి ఉన్న విగ్రహాన్ని వెలికితీసే సమయంలో కడుపు భాగానికి గాయం అయ్యిందని చెబుతారు.

అప్పటి నుంచి ఆ ప్రాంతం నుంచి ద్రవం లాంటి పదార్థం స్రవిస్తుంటుందని భక్తుల నమ్మకం. అందుకే నిత్యం అక్కడ చందనం అర్పించే సంప్రదాయం కొనసాగుతోంది. ఈ చందనాన్ని ప్రసాదంగా స్వీకరిస్తే శుభఫలితాలు కలుగుతాయని భక్తులు విశ్వసిస్తారు. ఆలయ సమీపంలో నిరంతరం ప్రవహించే చిన్న జలధారను "చింతామణి జలధార"గా పిలుస్తారు.

కొండ ప్రాంతం నుంచి వెలువడే ఈ నీరు ఔషధ గుణాలు కలిగి ఉంటుందని స్థానికులు చెబుతారు. అనేక మంది భక్తులు ఈ నీటిని పవిత్ర తీర్థంగా భావించి ఇంటికి తీసుకెళ్తుంటారు. కాకతీయుల కాలంలో ఈ జలధారకు ప్రాధాన్యం పెరిగిందని, రాణి రుద్రమదేవి కాలంతోనూ దీనికి సంబంధం ఉందని స్థానిక కథనాలు పేర్కొంటాయి.

మల్లూరు లక్ష్మీనరసింహస్వామి ఆలయం ఉదయం 8.30 గంటల నుంచి మధ్యాహ్నం 1 గంట వరకు, తిరిగి మధ్యాహ్నం 2.30 గంటల నుంచి సాయంత్రం 5.30