అమెజాన్ ఉద్యోగానికి గుడ్ బై చెప్పి.. ఉబర్ క్యాబ్ డ్రైవర్ గా మారిన హైదరాబాద్ టెక్కీ.. కారణం తెలిస్తే

హైదరాబాద్‌కు చెందిన ఓ ఉబర్ డ్రైవర్ కథ ఇప్పుడు ఇంటర్నెట్‌లో చర్చకు దారితీసింది. మంచి జీతంతో కూడిన కార్పొరేట్ ఉద్యోగాన్ని వదిలి, తనకు నిజమైన ఆనందాన్నిచ్చే వృత్తిని ఎంచుకుని ఆయన ఎందరికో ఆదర్శంగా నిలుస్తున్నారు. సాఫ్ట్‌వేర్ డెవలపర్ చేతనా సింగ్ అనే ప్రయాణికురాలు తన ప్రయాణంలో డ్రైవర్‌తో జరిపిన సంభాషణను వీడియో తీసి సోషల్ మీడియాలో పంచుకోవడంతో ఈ కథ వెలుగులోకి వచ్చింది.వివరాల్లోకి వెళితే..

కుమార్ అనే వ్యక్తి గతంలో అమెజాన్‌లో కార్పొరేట్ ఉద్యోగిగా పనిచేసేవారు. 2014లో ఉబర్ సంస్థ హైదరాబాద్‌లో సేవలు ప్రారంభించినప్పుడు, తన ఉద్యోగానికి రాజీనామా చేసి డ్రైవర్‌గా మారారు. పదేళ్లు గడిచినా, తన నిర్ణయం పట్ల ఏమాత్రం పశ్చాత్తాపం లేదని ఆయన ఆనందంగా చెబుతున్నారు.

డ్రైవింగ్‌ను కేవలం ఉద్యోగంగా కాకుండా తన అభిరుచిని కొనసాగించే అవకాశంగా ఆయన భావిస్తున్నారు. రోజూ కొత్త వ్యక్తులను కలవడం, వారి కథలు వినడం, నగరాన్ని చుట్టిరావడం తనకు ఎంతో ఇష్టమని కుమార్ తెలిపారు. ‘‘నేను నా హైదరాబాద్‌ను అన్వేషించాలనుకుంటున్నాను.

నేను హైదరాబాదీని కాబట్టి అది నాకు చాలా ముఖ్యం’’ అని ఆయన అన్నారు.ఇప్పటివరకు దాదాపు 23,600 ట్రిప్పులు పూర్తి చేశానని, ఉదయం నుంచి సాయంత్రం వరకు ప్రతి ట్రిప్పును ఆస్వాదిస్తానని కుమార్ వివరించారు. ఆయన మాటలకు, జీవితం పట్ల ఆయనకున్న దృక్పథానికి చేతనా సింగ్ ముగ్ధురాలయ్యారు.

సామాజిక అంచనాలను, సంప్రదాయ విజయాన్ని పక్కనపెట్టి, అభిరుచిని ఎంచుకునే వ్యక్తులు మన దేశంలో చాలా అరుదుగా కనిపిస్తారని ఆమె వ్యాఖ్యానించారు. ‘‘బాధ్యతలు, సామాజిక ఒత్తిడి కారణంగా చాలా మంది తమ