రోజూ మఖానా తింటే కొవ్వు కరుగుతుందా? నిపుణులు చెబుతోంది ఇదే

బరువు తగ్గాలనుకునే వారు ఆరోగ్యకరమైన స్నాక్స్‌ కోసం వెతుకుతుంటారు. అలాంటి వాటిలో ఇటీవల ఎక్కువగా ప్రాచుర్యం పొందింది మఖానా (ఫాక్స్ నట్స్‌). తక్కువ క్యాలరీలు, మంచి పోషకాలు ఉండటంతో చాలామంది దీన్ని డైట్‌లో చేర్చుకుంటున్నారు. అయితే రోజూ మఖానా తింటే నిజంగానే శరీరంలోని కొవ్వు కరుగుతుందా?

అనే సందేహం చాలా మందిలో ఉంది. నిపుణుల ప్రకారం మఖానా నేరుగా కొవ్వును కరిగించకపోయినా బరువు తగ్గే ప్రక్రియకు మాత్రం బాగా సాయపడుతుంది.మఖానాలో ఫైబర్‌ ఎక్కువగా ఉండటంతో కడుపు ఎక్కువసేపు నిండిన భావన కలుగుతుంది. దీంతో మధ్య మధ్యలో జంక్‌ ఫుడ్‌ తినాలనే కోరిక తగ్గుతుంది.

అలాగే తక్కువ క్యాలరీలతోనే ఆకలి నియంత్రణలో ఉండటంతో రోజువారీ క్యాలరీల వినియోగం తగ్గే అవకాశం ఉంటుంది. బరువు తగ్గాలనుకునేవారికి ఇది ఒక మంచి ప్రత్యామ్నాయ స్నాక్‌గా ఉపయోగపడుతుంది.ఇక రక్తంలో చక్కెర స్థాయులను స్థిరంగా ఉంచడంలో కూడా మఖానా సాయపడుతుంది.

తీపి పదార్థాలు లేదా అధిక కార్బోహైడ్రేట్లు ఉన్న ఆహారం తీసుకుంటే రక్తంలో చక్కెర ఒక్కసారిగా పెరిగి శరీరంలో కొవ్వు నిల్వలు పెరిగే ప్రమాదం ఉంటుంది. కానీ మఖానా నెమ్మదిగా జీర్ణమవ్వడం వల్ల శక్తి క్రమంగా విడుదలవుతుంది. దీంతో ఆకలి తగ్గి, బరువు నియంత్రణ సులభమవుతుంది.అంతేకాకుండా మఖానాలో యాంటీ ఆక్సిడెంట్లు, మొక్కల ఆధారిత ప్రొటీన్లు కూడా ఉంటాయి.

ఇవి శరీరంలోని కణాల ఆరోగ్యాన్ని మెరుగుపరచడంతో పాటు జీవక్రియలు సక్రమంగా పనిచేయడానికి తోడ్పడతాయి. అయితే మఖానాను ఎక్కువ నూనె లేదా నెయ్యితో వేయించి తింటే ప్రయోజనం తగ్గిపోతుంది. కాబట్టి స్వల్పంగా వేయించి, పరిమిత మోతాదులో తీసుకుంటేనే