నీళ్లలో ఎండుద్రాక్ష నానబెట్టి ఆ వాటర్ తాగితే మొటిమలు, కురుపులు పోతాయా, సైన్స్ ఏం చెబుతోంది
Samayam Telugu
సహజంగా మెరిసే చర్మాన్ని సొంతం చేసుకోవడానికి కిస్మిస్ వాటర్ (Raisin Water) ఒక అద్భుతమైన ఇంటి వైద్యంగా ఈ మధ్యకాలంలో బాగా ప్రాచుర్యం పొందింది. దీని తయారు చేసుకోవడం కూడా చాలా సులభం. ఒక గుప్పెడు బ్లాక్ కిస్మిస్లను రాత్రంతా నీళ్లలో నానబెట్టి మరుసటి రోజు ఉదయం పరగడుపున ఆ వాటర్ తాగడమే.
అయితే బాగా పాపులర్ అయిన ఈ చిట్కా నిజంగానే పనిచేస్తుందా? లేదా ఇది కేవలం అపోహ మాత్రమేనా? అసలు ఇది చర్మ సౌందర్యానికి ఎలా పనిచేస్తుంది? అనే విషయాలను ఈ స్టోరీలో తెలుసుకుందాం.. ఈ కిస్మిస్ వాటర్ అనేక ఆరోగ్య ప్రయోజనాలను కలిగి ఉందని Nutrition Research అధ్యయనం పేర్కొంది.
అదే సమయంలో సౌందర్య ప్రయోజనాలను కూడా కలిగి ఉందని.. ఈ వాటర్లో చర్మం మెరిసేలా చేసే గుణాలు ఉన్నాయని కొంత మంది బలంగా నమ్ముతారు. ఎందుకంటే కిస్మిస్లలో యాంటీఆక్సిడెంట్లు, విటమిన్లు, పొటాషియం, ఐరన్, మెగ్నీషియం వంటి ఖనిజాలు పుష్కలంగా ఉంటాయి.
ఇవి చర్మ నిర్మాణాన్ని మెరుగుపరచడానికి, నిర్జీవత్వాన్ని దూరం చేయడానికి, చర్మాన్ని తేమగా ఉంచడానికి సహాయపడతాయని చెబుతారు. రాత్రంతా కిస్మిస్ నానిన ఈ నీళ్లు పోషకాల ప్రభావాన్ని మరింత పెంచుతుందని భావిస్తారు. దీని వెనుకు ఉన్న సైన్స్ ఏంటి?
కిస్మిస్ వాటర్ తాగడం వల్ల చర్మం మెరుస్తుందని చెప్పడానికి ఎలాంటి శాస్త్రీయ ఆధారాలు లేవు. అయినప్పటికీ ఈ కిస్మిస్లో ఉండే పోషకాలు చర్మం ఆరోగ్యానికి దోహదపడతాయని నిపుణులు చెబుతారు. ఎలాగంటే.. కిస్మిస్లలోయాంటీఆక్సిడెంట్లు (పాలిఫెనాల్స్) పుష్కలంగా ఉంటాయి.
ఇవి చర్మం తొందరగా వృద్ధాప్యానికి గురికాకుండా, నిర్జీవంగా మారకుండా చేసే ఫ్రీ రాడికల్స్తో పోరాడుతాయి. కిస్మిస్లలో ఐరన్ మెండుగా ఉంటుంది. ఇది చర్మ కణాలకు ఆక్సిజన్ను అందించడంలో కీలక పాత్ర పోషిస్తుంది. ఇది చర్మాన్ని మరింత ఆరోగ్యంగా ఉంచడానికి సహాయపడుతుంది.
ఫైబర్ ఎక్కువగా ఉంటుంది. ఇది జీర్ణక్రియను మెరుగుపరుస్తుంది. అలాగే చర్మం శుభ్రంగా, ఆరోగ్యంగా ఉండాలంటే మంచి జీర్ణక్రియ ఎంతో ముఖ్యం.మొటిమలను, మచ్చలను నివారిస్తుందా?కిస్మిస్ వాటర్లో ఉండే యాంటీఆక్సిడెంట్లు, శరీరాన్ని డిటాక్స్ చేసే గుణాల వల్ల ఇది మొటిమలను తగ్గించడంలో సహాయపడుతుందని చెబుతుంటారు. అయితే కిస్మిస్లలో ఉండే యాంటీఆక్సిడెంట్లు చర్మంలో మంట, వాపును కలిగించి మొటిమలను తీవ్రతరం చేసే ఫ్రీ రాడికల్స్తో పోరాడుతాయి. అంతే కాకుండా కిస్మిస్లో ఉండే ఫైబర్ జీర్ణవ్యవస్థ ఆరోగ్యాన్ని మెరుగుపరుస్తుంది. జీర్ణవ్యవస్థ ఆరోగ్యంగా ఉంటే చర్మం కూడా శుభ్రంగా ఉంటుందని నమ్ముతారు. కాబట్టి ఈ కిస్మిస్ వాటర్ తాగడం వల్ల శరీరంలోని వ్యర్థాలు బయటకు వెళ్లిపోవడమే కాకుండా శరీరానికి బాగా తేమ అందుతుంది. ఈ రెండూ విషయాలు చర్మ ఆరోగ్యానికి ఎంతో మేలు చేస్తాయి. అయినప్పటికీ కిస్మిస్ వాటర్ చర్మ ఆరోగ్యానికి బాగా సపోర్ట్ ఇచ్చినప్పటికీ మొటిమలను పూర్తిగా నయం చేస్తుందనే గ్యారెంటీ లేదు. ఎందుకంటే మొటిమలు రావడానికి హార్మోన్ల సమతుల్యత, ఆహారపు అలవాట్లు, జన్యుపరమైన కారణాలు, చర్మ సంరక్షణ పద్ధతులు వంటి అనేక ఇతర అంశాలు కారణం కావొచ్చు. కాబట్టి మొటివల సమస్య తీవ్రంగా, నియంతరాయంగా వేధిస్తుంటే స్కిన్ డాక్టర్ను సంప్రదించి సలహా తీసుకోవడం మంచిది. కాబట్టి కిస్మిస్ వాటర్ శరీరానికి అవసరమైన తేమను, పోషకాలను అందించినప్పటికీ చర్మం కాంతివంతంగా మెరవడం అనేది కేవలం ఈ ఒక్కదానిపైనే ఆధారపడి ఉండదు. చర్మం సౌందర్యం అనేది మనం తీసుకునే ఆహారం, శరీరంలో తేమ శాతం, రోజువారీగా మనం పాటించే చర్మ సంరక్షణ పద్ధతులు, జన్యుపరమైన కారణాలు మన మొత్తం ఆరోగ్యం వంటి అనేక అంశాలపై ఆధారపడి ఉంటుంది. కాబట్టి కేవలం కిస్మిస్ వాటర్ తాగడం మాత్రమే చర్మ సంరక్షణకు, సౌందర్యానికి ప్రత్యామ్నాయం కాదు. ముఖ్య గమనిక: ఈ కథనంలోని సమాచారం కేవలం అవగాహన కోసం మాత్రమే. కొందరు నిపుణులు, కొన్ని అధ్యయనాలు పేర్కొన్న అంశాల ఆధారంగా తెలియజేశాము. చర్మ సంరక్షణ, మొటిమలు, మచ్చలు వంటి వాటికి డాక్టర్ సలహా తీసుకోవడం మంచిది. అలాగే వీటిని ఎంత వరకు విశ్వసించాలనేది పూర్తిగా మీ వ్యక్తిగత అభిప్రాయం. సమయం తెలుగు వీటిని ధృవీకరించడం లేదు.