ఉమెన్స్ హాకీలో అమెరికాపై ఘన విజయం సాధించిన భారత్

FIH Womens Nations Cup: న్యూజిలాండ్ వేదికగా జరుగుతోన్న FIH ఉమెన్స్ నేషన్స్ కప్‌లో భారత మహిళల హాకీ జట్టు అద్భుతమైన ప్రదర్శనతో టోర్నీని ఘనంగా ప్రారంభించింది. ఉత్కంఠభరితంగా సాగిన తొలి మ్యాచ్‌లో అమెరికా (USA) జట్టుపై 3-2 గోల్స్ తేడాతో భారత్ విజయం సాధించి బోణీ కొట్టింది.

మ్యాచ్ ప్రారంభంలో అమెరికా జట్టు భారత డిఫెన్స్‌ను ఒత్తిడిలోకి నెట్టింది. ఫస్ట్ క్వార్టర్‌లోనే USA వరుసగా 2 గోల్స్ సాధించి 2-0తో బలమైన లీడ్ సాధించింది. దీనితో మ్యాచ్ అమెరికా వశమవుతుందా అనే ఊహాగానాలు వ్యక్తమయ్యాయి. Read also: Shubman Gill: వన్డేల్లో అత్యంత పరుగులు చేసిన ఆటగాడిగా గిల్ రికార్డ్ రెండు గోల్స్ వెనుకబడినప్పటికీ..

భారత మహిళల జట్టు ఏమాత్రం ఆత్మవిశ్వాసం కోల్పోకుండా సెకండ్ క్వార్టర్‌లో అనూహ్యంగా పుంజుకుంది. భారత్ తరఫున దీపిక రెండు మెరుపు గోల్స్ చేయగా, నవ్‌నీత్ ఒక గోల్ సాధించింది. ఇలా వరుసగా మూడు గోల్స్ (హ్యాట్రిక్) కొట్టి మ్యాచ్‌ను భారత్ తన వైపు తిప్పుకోవడమే కాకుండా..

చివరి వరకు ఆధిక్యాన్ని నిలబెట్టుకుని 3-2తో చిరస్మరణీయ విజయాన్ని సొంతం చేసుకుంది. భారత క్రీడాభిమానులకు ఇది వరుసగా రెండో పెద్ద పండుగ అని చెప్పాలి. నిన్న జరిగిన T20 ప్రపంచకప్ క్రికెట్ మ్యాచ్‌లో సాంప్రదాయ ప్రత్యర్థి పాకిస్తాన్‌ను టీమ్ ఇండియా చిత్తు చేసిన విషయం తెలిసిందే.

ఆ విజయోత్సాహం మరువక ముందే.. నేడు హాకీలోనూ మహిళల జట్టు అమెరికాపై సంచలన విజయం సాధించి దేశవ్యాప్తంగా జోష్ నింపింది. Telangana Weather Update: తెలంగాణకు వచ్చే వారం రోజుల పాటు వర్ష సూచన..పలు జిల్లాలకు ఎల్లో అలర్ట్‌ జారీ Global Unemployment Rate: ప్రపంచంలోనే అత్యధికంగా నిరుద్యోగం ఉన్న దేశం ఏదో తెలుసా?

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము